Vonandi fannstu það sem þú varst að leita að

Eins og kom fram áður, var Ólöf Birna Torfadóttir valin úr hópi umsækjenda til að fara á Les Arcs Film School Village í enda síðasta árs og fengum við hana til að segja okkur frá sinni mögnuðu upplifun

Ég og Bjarni Guðmundsson, einn af framleiðendum MyrkvaMynda, fengum það æðislega tækifæri að fara með myndina mína „Hvernig á að vera Klassa drusla“ eða „How to be a Classy Tramp“ á Les Arcs Film School Village síðast liðinn desemberÞvílík upplifun og ævintýri. Þetta var ótrúlega gaman, við lærðum heilan helling af þessu og svo er náttúrlega ótrúlega falleg þarna í frönsku ölpunum. Þetta var á tímabili eins og að vera í Whoville, inni í einhverju snjókorni langt frá raunveruleikanum. Eða eins og Thomas, annar umsjónamaður Film School Village sagði „It‘s a beautiful mixture between Disney land and The Shining.“Við komum á svæðið seint á opnunarkvöldinu, við vorum held ég síðust til að mæta af öllum þátttakendum. Suzy og Thomas tóku á móti okkur en þau eru umsjónarmenn, stjórnendur Film School Village. Æðislegt, topp fólk, síbrosandi og ekkert nema hjálpsemin út í eittDaginn eftir hittumst við öll með Suzy og Thomas og fórum yfir dagskránna sem var framundan og strax eftir hádegið byrjuðu einka fundirnir. Þá fengum við öll úthlutuð borð með nafninu á verkefninu okkar á borðinu. Framleiðendur, sölufulltrúar og aðrir sem höfðu áhuga gengu svo á milli borða. Hver fundur var 30 mínútur og á milli var dinglað stórri kúabjölluFyrsti fundurinn gekk ótrúlega vel og setti okkur alveg í gírinn. Auðvitað var maður stressaður til að byrja með og eiginlega fyrir hvern einasta fund en þegar hann byrjar þá verður maður bara að halda áfram. Áður en við fórum út var ég beðin um að setja tvær stuttmyndir eftir mig inn á Festival Sco Pro þar sem bæði framleiðendur og aðrir þátttakendur gátu horft ef þeir hefðu áhuga og einmitt sá sem við hittum fyrst hafði horft á „Síðasta sumar“, útskriftarmyndina mína úr Kvikmyndaskólanum, og byrjaði strax að tala út frá henni og þess vegna vildi hann koma og funda með okkur. Þvílíkt orkuskot sem það var að heyra það á fyrsta fundinumDaginn eftir hittum við tónskáldið okkar. En Film School Village hefur verið með ákvena dagskrá síðustu árin þar sem leikstjórar eru settir í samband við tónskáld nokkrum vikum fyrir Festivalið. Þetta fannst mér ótrúlega sniðugt. Þau töluðu um að oft þegar fólk gerir bíó þá gleymist tónlistin svolítið þar til í enda ferlisins en hún er svo stór partur af myndinni samt. Bíómynd væri ekki sú sama án réttrar tónlistar. Ég mun klárlega tileinka mér þetta framvegis í skrifum að byrja strax að pæla í tónlist og geta þá séð senurnar sterkara fyrir mér og skrifað í takt við þaðEn þarna þegar ég er sett í samband við mitt tómskáld, David Piérre, þá var ég ekkert byrjuð að pæla í tónlist fyrir myndina. En ég sendi honum einhverja reffa og pælingar sem hann vann svo út frá. Svo hittumst við á Festivalinu og fengum að heyra nokkur demo og Guð minn góður hvað þessi gaur er með allt á hreinu í lífinu. Ég var í skýjunum! Ég leit á Bjarna og sagði orðrétt „He just gets me dude“. Ég vissi strax að ég vildi vinna með honum áfram við myndina. Það sem er ennþá betra er að hann var svo ótrúlega spenntur fyrir því líka því þetta er hans drauma tegund af tónlist til að gera og þar með var það ákveðið. Hann er tónskáldið fyrir “Hvernig á að vera klassa drusla”Risa plús í viðbót sem ég frétti frá Suzy eftir að ég sagði henni frá þessu. Ef áframhaldandi samstarf á sér stað milli leikstjóra og tónskálds við verkefnið þá áttu rétt á að sækja um í sjóð út frá festivalinu upp að 5000 evrum sem færi þá uppí kostnað við tónsmíðina. Sem er geggjaðVið kynntumst frábæru fólki sem var líka í Film School Village og hópurinn klikkaði svo vel saman að það var erfitt að kveðja. En við höldum ennþá sambandi og hver veit nema það leiði í einhver framtíðar verkefni saman.Ég lærði alveg heilan helling af þessu. Hef náttúrulega aldrei gert neitt þessu líkt áður en þetta var þvílík reynsla. Kenndi manni að vera á tánum allan tíman og vera undirbúin undir hvað sem er og hvaða spurningar sem er. Þetta er rosaleg reynsla og maður var stanslaust að reyna að bæta sig og gera betur eftir hvern fund. Sem sýnir kannski það að maður lærir einhvern veginn aldrei hið fullkomna pitch, heldur er maður alltaf að endurlæra að gera pitchið gottÉg er Kvikmyndaskólanum endalaust þakklát fyrir að hafa valið mig til að fara. Í heildina gekk mjög vel og margir sem höfðu mikinn áhuga og trú á verkefninu. Ég er mjög bjartsýn á framhaldið og trúi því að það verði klárlega einhverskonar samstarf úr þessu við gerð myndarinnarMitt ráð til þeirra sem fara næst er bara að halda áfram. Ekki missa móðin þótt þér finnist sumir fundir ekki ganga eins vel, af því það gerist alveg inná milli. Ég og Bjarni vorum stanslaust og laga og bæta pitchið á milli funda, finna hvað virkar og hvað ekki. Svo er líka svo mismundandi hvað hver og einn er að leita af. Reyna að lesa hvað það er sem þeir leita af og kynna síðan út frá því afhverju þín mynd er þá algerlega málið fyrir þá. Það er kannski það helsta sem ég lærði af þessu. Þetta er svolítið mikil sölumennska. En umfram allt annað skaltu hafa trú á því sem þú gerir því ef hjartað þitt er í þessu þá mun það algjörlega skína í gegn

Les Arcs kvikmyndahátíðin og Ólöf Birna

Í dag hittust fulltrúar nokkurra rótgróinna listaskóla sem eiga það sameiginlegt að hafa verið að kenna á mörkum framhalds- og háskólastigs. Markmiðið var að stilla saman strengi gagnvart menntamálayfirvöldum og háskólum, varðandi viðurkenningar og samstarf.

Segja má að hér hafi mikil reynsla verið saman komin því samanlagður aldur skólanna taldist vera 222 ár.   Tónlistarskólinn í Reykjavík er þeirra elstur, stofnaður 1930, Myndlistaskólinn í Reykjavík, stofnaður 1947, Söngskóli Sigurðar Dementz, stofnaður 1995, Ljósmyndaskólinn, stofnaður 1998, og Kvikmyndaskóli íslands, stofnaður 1992.

Niðurstaða fundarins var að stefna að stofnun samtaka sjálfstæðra listaskóla sem eru að vinna bæði á framhalds- og háskólastigi. Markmiðið er að efla starfsemi skólanna og þjóna sameiginlegum hagsmunum þeirra. Á fundinum voru Áslaug Thorlacius, skólastjóri Myndlistaskólans í Reykjavík,  Freyja Gunnlaugsdóttir, aðstoðarskólastjóri Tónlistarskólans Í Reykjavík, Sigurborg Rögnvaldsdóttir, verkefnastýra Ljósmyndaskólans, Gunnar Guðbjörnsson, skólastjóri Söngskóla Sigurðar Demetz, Böðvar Bjarki Pétursson, stjórnarformaður Kvikmyndaskóla Íslands (KVÍ) og Hilmar Oddsson, rektor KVÍ, en fundurinn fór fram í húsakynnum Kvikmyndaskólans.

Allt stefnir í að þáttaröðin Ófærð muni slá fyrri áhorfsmet ef marka má fréttir af vef Rúv. Við hjá Kvikmyndskóla Íslands höfum eins og aðrir fylgst spennt með þessu risavaxna verkefni sem framleiðsla þáttanna er enda komu margir af nemendum skólans á einn eða annan hátt að henni.
Annar aðstoðarleikstjóri Ófærðar er Sandra Steinþórsdóttir en hún er útskrifuð úr Handritum/Leikstjórn. Skrifta þáttanna var Bergþóra Ólöf Björnsdóttir, útskrifuð úr leiklist og útskrifaður úr Leikstjórn/Framleiðsla er Emil Morávek sem aðstoðaði á setti við tökurnar á Ófærð.
Það er hinsvegar deildin  Skapandi Tækni sem á vinninginn því lanflestir úr henni skarta þeim heiðri að hafa unnið að gerð þáttanna. Annar aðstoðatökumaður á A vél var Atli Kristófer Pétursson og sama starfi á vél B sinnti Guðjón Hrafn Guðjónsson.Aðstoðar gripparar voru þeir Jón Þór Jónsson og Viktor Davíð Jóhannsson. Freyja Vals Sesseljudóttir vann við Leikmuni og skipulagningu og Jared Guðni Gerhardsson vann við tökuhljóðklipp. Ljósamenn voru Jón Þór Jónsson og María Rún Jóhannsdóttir.
Að lokum ók Ragnar Pétur Pétursson langferðabíl í tengslum við tökur auk þess að aðstoða á tökustöðum en hann útskrifaðist af Kvikmyndabraut KVÍ árið 2007.
Skólinn óskar öllum þessum nemendum sínum til hamingju með að hafa tekið þátt í þessari mögnuðu framleiðslu Baltasars Kormáks og óskar þeim velfarnaðar í frekari störfum við íslenska kvikmyndagerð.

Tólf útskrifaðir nemendur úr Kvikmyndaskólanum störfuðu við Ófærð

Lovísa Lára Halldórsdóttir sem útskrifaðist úr deildinni Handrit/Leikstjórn hjá Kvikmyndaskóla Íslands vorið 2014 er þessa dagana að ljúka við tökur á kvikmynd í fullri lengd. 4

Kvikmyndagerðarkonan unga hefur vakið athygli m.a. fyrir mynd sína Hrelli sem valin var til sýninga  valin var til sýninga á Winter Film Awards, FEAR horror competition í New York fyrr á þessu ári.

Nýja myndin heitir Týndu Stelpurnar og fjallar um tvær fjórtán ára stelpur sem verða vitni að morði sem þær byrja að rannsaka sjálfar. En þær enda með að flækjast í aðstæður þar sem er komið fram við þær eins og þær séu fullorðnar þó þær séu enn bara börn.

Lovísa Lára segir að myndin fjalli einnig um það mikla magn af upplýsingum sem ungt fólk sendir  frá sér í dag.

Við gerð myndarinnar hefur Lovísa Lára leitað til fjölda annarra nemenda skólans.

Nanna Höjgaard Grettisdóttir sér um kvikmyndatöku, en hún útskrifaðist úr Kvikmyndaskólanum með mér árið 2014. Gunnar Már Halldórsson er aðstoðarleikstjóri en hann útskrifaðist á seinustu önn. Og svo eru framleiðendur myndarinnar Unnur Jónsdóttir, Halldóra Guðjónsdóttir og Hákon J Helgason. En þau eru öll fyrrverandi og núverandi nemendur í skólanum.

Lovísa bætir við að  Magnús Ingvar Bjarnason, Bergur Líndal Guðnason (Kletturinn) og Eyþór Örn Magnússon séu einnig í tækni-crewinu.

Ég er auk alls þessa með nokkra leikara úr skólanum í myndinni. Ársæll Rafn Erlingsson, Lára Magnúsdóttir, Elsa G Björnsdóttir og Þorbjörn Óli Árnason eru í stórum hlutverkum  auk  fleiri leikara úr skólanum sem fara með minni hlutverk.

Eins og áður segir hefur Lovísu Láru gengið vel frá því hún útskrifaðist úr Kvikmyndaskólanum.

Eftir að ég útskrifaðist úr Kvikmyndaskólanum hef ég gert nokkrar stuttmyndir sem hafa ferðast á kvikmyndahátíðir út um allan heim og unnið til verðlauna. Ég hlaut einnig styrk frá Kvikmyndamiðstöð Íslands til þess að vinna heimildarmyndina Aukaleikarar en sú mynd er á þróunarstigi.

Og Lovísa Lára hefur ekki látið sér nægja að gera myndir því hún hefur einnig  stofnað hryllingsmyndahátíðina Frostbiter, sem verður haldin í fyrsta sinn í nóvember á Akranesi.

Hátíðin verður haldin 25.-27. nóvember og munum við sýna hrollvekjur frá öllum heimshornum.   Við erum einnig að taka inn íslenskar stuttmyndir og veitt verða verðlaun fyrir bestu myndina.  Það er opið fyrir innsendingar til 17. september. Hægt er að senda inn myndir á frostbiter@frostbiter.is eða í gegnum FilmFreeway.

Næsta verkefni Lovísu Láru er svo að halda áfram að vinna heimildarmynd sinni um Aukaleikara á Íslandi.

Einnig er ég með nokkur handrit sem ég er að vinna að. En ég vil aldrei vera verkefnalaus og því er ég alltaf með marga bolta á lofti.

Framleiðendur Týndu stelpnanna eru með SnapChat þar sem hægt er að fylgjast með gerð myndarinnar: tyndustelpurnar

Með marga bolta á lofti – Lovísa Lára að ljúka við tökur á mynd í fullri lengd

Ottó Geir Borg er einn af reynsluboltunum úr faginu sem kenna við Kvikmyndaskóla Íslands en hann er virkur handritshöfundur hér á landi og hefur komið að fjölda kvikmyndaverkefna á liðnum árum. Við fengum hann til að segja lítillega frá sjálfum sér og kennslu sinni í Kvikmyndaskólanum.

Fyrstu skref mín í kennslu voru árið 2006/7 þegar ég kenndi kvikmyndasögu og myndmál. En eftir að ég hóf starf mitt sem þróunarstjóri hjá Zik Zak Kvikmyndum þá hafði ég því miður ekki tíma til þess. Árið 2014 ákvað ég að gerast freelance og þá hafði Hrafnkell samband við mig og bað mig að kenna nokkra kúrsa og þar sem hann er enn að hringja þá býst ég við að ég sé ekki að skila of slæmu dagsverki.

Ottó Geir segist leitast við að fá nemendur til að vera þátttakendur í kennslunni eftir fremsta megni.

Enda læra þau mest af því að framkvæma, rita og ræða. Ég krefst mikils af nemendunum og legg mikla verkefnavinnu á þau á meðan á námskeiðum stendur. Ég legg líka mikið upp úr jákvæðri endurgjöf þannig að nemendurnir sjálfir læri að gagnrýna og taka gagnrýni sem er mikilvægt veganesti fyrir lífið innan bransans.

Ottó Geir er þekktastur fyrir störf sín sem handritshöfundur en hann hefur komið að kvikmyndum á borð við Astrópíu, Gauragangi og Brimi.

Að auki hef ég tekið þátt í gerð tveggja  Áramótaskaupa. Nú nýverið kláraðist Ég Man Þig í tökum og það verður spennandi að sjá afraksturinn. Síðustu ár hef ég aðallega fengist við aðlaganir á íslenskum og erlendum skáldsögum og reynt að sérhæfa mig í því. Fyrir utan að skrifa hef ég aðstoðað við handritsþróun á fjölda íslenskra og erlendra verkefna.

Með uppgangi í íslenskri kvikmyndagerð segir Ottó Geir hlutverk Kvikmyndaskólans stöðugt eflast.

Skólinn gegnir með hverju árinu veigameira hlutverki í íslenskri kvikmyndagerð. Núverandi og fyrrverandi nemendur skólans vinna í flestum verkefnum hér á landi og eru oft í lykilstöðum. Stuttmyndir og kvikmyndir eftir nemendur hafa unnið til verðlauna bæði hér- og erlendis. Það er virkilega gaman að taka þátt í þessari þróun. Tenging við Háskóla Íslands verður líka enn ein rósin í hnappagat skólans og mun gera námið enn verðmætara.

Ottó Geir vinnur um þessar mundir sem meðhöfundur á kvikmyndahandriti sem byggt á bók Gunnars Helgasonar, Víti í Vestmannaeyjum.

Einnig er ég að aðlaga skáldsögu Óskar Guðmundssonar “Hilma”  skrifa fjölskyldumynd með Kristínu Helgu Gunnarsdóttur, sjónvarpsþætti með Dögg Mósesdóttur, aðlagaði “Svar við Bréfi Helgu” með Bergsveini Birgissyni og síðan eru það öll hin verkefnin sem ég má ekki ræða um. Ég kvarta ekki yfir verkefnaskorti.

Hann er því með mörg járn í eldinum auk kennslustarfanna.

Verkefni klárast aldrei fyrr en á frumsýningu og stundum ekki einu sinni þá. Ég Man Þig er núna í klippiferli og það sem ég hef séð er ég virkilega ánægður með. Í klippiferlinu, eins og í tökuferlinu, á sér stað ný sköpun og það er  óskandi að sá uppdráttur sem við Óskar skrifuðum styðji við sýn hans sem leikstjóra svo úr verði hryllilega góð mynd.

Leggur áherslu á að nemendur læri að gagnrýna og taka gagnrýni – Ottó Geir Borg kennir við KVÍ

Nemendur á 2.önn tækni í KVÍ fengu á dögunum sannkallaðan Masterclass-tíma í Visual effects. Geoff McAuliffe hélt þriggja tíma fyrirlestur í skólanum um myndbrellur í kvikmyndagerð.
McAuliffe hefur unnið við gerð kvikmynda og sjónvarpsefnis í aldarfjórðung. Hann hefur unnið með mörgum af virtustu leikstjórum og kvikmyndatökufólki heims verið þar sérlega atkvæðamikill við lokaúrvinnslu verkefna. Hann var einn aðaleigandi Brickyard VFX en hann hefur einnig átt heiðurinn af myndbrellum í myndum á borð við The Game, The Proposal og Surrogates og við þáttaröðina Game of Thrones.

Geoff McAuliffe með námskeið í Kvikmyndaskóla Íslands

Stuttmyndin Engill, var útskriftarverkefni Haralds Sigurjónssonar sem útskrifaðist úr Handrita- og leikstjórnardeild KVÍ á haustönn 2010.

Ég útskrifaðist af handrita- og leikstjórnardeild KVÍ í desember 2010. Þá var ég búin að vinna við sjónvarpsþátta og heimildarmyndagerð síðan 1997, eða í áratug, þegar hrunið kom og þá var orðið erfitt að fá vinnu. Í janúar 2008 ákvað ég því að skella mér í að uppfylla langþráðann draum, að nema handritaskrif. Ein besta ákvörðun sem ég hef tekið í lífinu. Í KVÍ naut ég þess í 2 ár að hlusta á og tala við fólk eins og Einar Kárason, Huldar Breiðfjörð, Hafstein Gunnar Sigurðsson, Friðrik Þór Friðriksson, Guðnýu Halldórsdóttur, Böðvar Bjarka, Árna Ólaf Ásgeirsson, Sigrúnu Sól Ólafsdóttur, Hlín Agnarsdóttur, Hilmari Odds ofl. ofl. fyrir utan að kynnast heilum helling af ungu og upprennandi kvikmyndagerðarfólki og leikurum sem eru margir hverjir vinir mínir enn í dag. Auk þess náði ég að gera 4 ágætis stuttmyndir sem hafa verið sýndar víða um heim. Ein þeirra vann meðal annars “Stuttmyndadaga í Reykjavík” árið 2010, en það var myndin “Áttu vatn?”. Sú mynd fór út um allan heim og vakti jákvæð viðbrögð. Útskriftarmyndin mín “Engill” er þó myndin sem verður sýnd hérna.Síðan ég útskrifaðist hef ég þó mest megnis unnið við að klippa og/eða að stjórna upptökum á hinum ýmsu sjónvarpsþáttum, heimildarmyndum, auglýsingum og öðru slíku. Handritanámið nýtis mér mikið þó svo að ég sé ekki að skrifa alla daga, því handritaskrif og klipp eru voðalega lík að upplagi. Maður þarf að sitja einn lengi við að skapa eitthvað sem hefur góða uppbyggingu, tempó og tilfinningar svo að áhorfandinn haldist límdur við skjáinn.Meðal þeirra sjónvarpsþátta sem ég hef klippt og/eða stýrt eru 5 seríur af Andra á Flandri eða Andraland, 4 seríur af Hljómskálanum, Popp og rokksaga Ísland (12 þátta heimildarmyndasería) og Árið er: Söngvakeppni Sjónvarpstöðvanna. Alls hef ég unnið, með snillingunum samstarfsfélögum mínum, fimm Eddur fyrir þessa þáttagerð og enn fleiri tilnefningar. Af heimildarmyndum ber helst að nefna Spólað yfir hafið sem ég klippti fyrir Andra Freyr Viðarsson.

Það sem er framundan er bara meira af því sama held ég. Vonandi meiri Hljómskáli og eitthvað skemmtilegt með Andra Frey Viðarssyni. Þessa stundina er ég samt að vinna mikið fyrir SKOT að klippa allan fjandann, eins og nýja þáttinn hans Péturs Jóhanns Sigfússonar og fleira skemmtilegt. Sjálfur er ég að svo að vinna í að koma á kopp nokkrum heimildarmyndum og ef tími gefst til í framtíðinni þá skrifar maður nú vonandi kvikmyndahandritið langþráða

Lovísa Lára Halldórsdóttir hefur haft í mörg horn að líta frá útskrift sinni úr deildinni Handrit/leikstjórn í vorið 2014.

Fyrir utan að hafa verið athafnasöm við kvikmyndagerðina sjálfa hefur hún verið potturinn og pannan í kvikmyndahátíðinni Frostbiter ásamt eiginmanni sínum Ársæli Rafni Erlingssyni en hátið var haldin í fyrsta sinn á Akranesi í fyrrahaust. Nýlega fékk hátíðin veglegan styrk frá Uppbyggingarsjóði Vesturlands. Við fengum Lovísu Láru til að segja okkur frá þýðingu þessa stuðnings við hátíðina.

Styrkurinn hefur mikla þýðingu fyrir hátíðina og sérstaklega fyrir mig. Í fyrra hlutum við einnig styrk frá Uppbyggingasjóði og Kvikmyndamiðstöð Íslands en það voru mikið lægri upphæðir og greiddist því mikið af kostnaði úr mínum eigin vasa. Var því ekki hægt að framkvæma allt sem okkur langaði til.Ég hugsa að meiri hlutinn af styrknum fari í auglýsingar og sýningargjöld. En með hærri styrknum er auðveldara fyrir okkur að kaupa sýningarrétt á gæðahrollvekjum sem hafa verið að gera það gott á hátíðum út um allan heim sem hafa ekki verið sýndar hérlendis.

Lára Lovísa segir að búið sé að opna  fyrir innsendingar á stuttmyndum fyrir hátíðina í haust.

Hægt verður að senda inn myndir til 16. september. Núna erum við, Ársæll Rafn eiginmaður minn bara að horfa á fjöldan allan af hrollvekjum og reyna að velja myndir til þess að sýna á hátíðinni.Við erum einnig að plana ýmsa viðburði eins og fyrirlestra, masterclass, sérstakar sýningar og auðvitað eftirpartýin.

Hjónin hvetja nemendur Kvikmyndaskóla Íslands að senda inn myndir á hátíðina en í fyrra komu nemar skólans að gerð allra myndanna sem valdar voru á hátíðina.

Það er frítt að senda inn íslenskar myndir og það verða veitt verðlaun fyrir þrjár bestu myndirnar.

Hægt er að senda inn í gegn um FilmFreeway en einnig er mögulegt að senda hlekk á myndina ásamt stillramma og úrdrætti á netfangið frostbiterfestival@gmail.com

En hvað er annað að gerast hjá Lovísu Láru þessa dagana?

Ég er að vinna hörðum höndum að eftirvinnslu á fyrstu bíómynd minni í fullri lengd, Týndu Stelpurnar, svo að ég get komið henni í bíó.

Einnig er ég að vinna að því að sækja um styrki til þess að fjármagna næstu bíómynd mína. En sú mynd er spennutryllir um þrjár konur á mismunandi aldri og bakgrunni sem að eiga það allar sameiginlegt að vera ofsóttar af mismunandi tegundum af eltihrellum og ákveða að taka málin í sínar eigin hendur.Einnig er ég að vinna í heimildarmynd um Aukaleikara á Íslandi. En er eins og er að sanka að mér upplýsingum og efni.

Kvikmyndaskóli Íslands óskar þeim hjónum til hamingju með styrkinn og góðs gengis við undirbúning hátíðarinnar og annarra verkefna sinna.

Auðveldara að fá sýningarrétt á gæðahrollvekjum – Lovísa Lára fær veglegan styrk fyrir Frostbiter

Í síðustu viku völdu hlustendur FM957 myndband Tjarnargötunnar við lag hljómsveitarinnar Agent Fresco, See Hell sem myndband ársins. Við fengum Frey Árnason til að segja okkur aðeins frá vinnunni að þessu verkefni en hann er meðal nokkurra útskrifaðra nemenda Kvikmyndaskólans sem unnu að því .

Það var mjög gaman og krefjandi að vinna með Agent Fresco. Þeir leggja mikla vinnu í tónlistina sína og ætlast til hins sama af þeim sem þeir vinna með. Þeir setjast ekki bara niður og spila það fyrsta sem þeim dettur í hug heldur þetta er allt útpælt svo myndbandið gat ekki verið bara eitthvað út í loftið.

Freyr segir að því hafi verið farið í  marga hringi í hugmyndavinnunni en að endingu hafi tekist að finna góða lendingu.

Ég og Gísli Thors sem leikstýrðum myndbandinu fengum svo Viggó Hansson sem var með mér í Kvikmyndaskólanum til að skjóta. Hann er ógeðslega fær tökumaður, fáir sem hafa jafn gott auga fyrir detailum og hann. Með okkur var líka Haukur Karlsson sem er partur af Tjarnargötufamilíunni. Hann var mættur á long boardinu sínu fyrir sólarupprás með AC töskuna.

Hann bætir við að Sigríður Björk úr KVÍ hafi verið í starfsþjálfun á Tjarnargötunni þegar vinnsla myndbandsins fór fram.

 Ekki er heldur hægt að sleppa í upptalningunni Tinnu sem var sminka. Hún er líklegast yndislegasta manneskja sem hefur gengið þessa jörð og án hennar snilligáfu hefði Arnar Dan, aðalleikari,  líklegast litið út eins og misheppnað blackface

Freyr segir að það sé alltaf gaman að fá viðurkenningar fyrir vinnu sína.

Þetta er í fyrsta skiptið sem við fáum verðlaun fyrir eitthvað annað en auglýsingar svo það var virkilega gaman. Öll myndböndin sem voru tilnefnd voru líka fáránlega góð svo þetta kom virkilega virkilega á óvart.

Kvikmyndaskóli Íslands óskar þeim á Tjarnargötunni til hamingju með heiðurinn og munum við fylgjast grannt með Íslensku tónlistarverðlaunum 4. mars næstkomandi.

Myndband Tjarnargötunnar valið myndband ársins á FM957

Nemendur á fyrstu önn Kvikmyndaskóla Íslands héldu áfram í sínu fyrsta námskeiði, TÆK 107, þar sem allar deildir skólans læra undirstöðu kvikmyndagerðar og hófu tökur á sinni fyrstu mynd í skólanum sem þau frumsýna von bráðar.

Nemendur á 2.önn Leikstjórnar og Framleiðslu voru í áfanga í dagskrárgerð fyrir sjónvarp með 3.önn Leiklistar undir leiðsögn Baldvins Albertssonar, ásamt því að fara í listasögu með Lee Lorenzo Lynch. Einnig sátu þau námskeið í Leikstjórn undir leiðsögn Börks Gunnarssonar (Þetta Reddast) með nemendum Handrita og Leikstjórnar.  Nemendur á 4.önn voru á námskeiði í heimildarmyndargerð með Helgu Rakel Rafnsdóttur (Keep Frozen, Salome) og handrita námskeiði undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar þar sem þau vinna að handriti að útskriftarverkefni sínu.

Nemendur á 2.önn Skapandi Tækni sátu námskeið í kvikmyndatöku undir leiðsögn Björns Ófeigssonar (Gnarr, Latibær), fóru á sett á nýrri íslenskri kvikmynd og aðstoðuðu ásamt kennara sínum, ásamt því að hefja tökur á sinni eigin stutmynd án orða. Nemendur 3.annar hófu námskeið í hljóð eftirvinnslu með Kjartani Kjartassyni (101 Reykjavík, Svartur á Leik) og luku námskeiði í myndbreytingu með fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrita og Leikstjórnar undir leiðsögn Arnars Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólafi De Fleur (Borgríki, Malevolent). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Handrita og Leikstjórnar sátu námskeið í handritsskrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer), listasögu með Lee Lorenzo Lynch og sátu námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar og Framleiðslu. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti) og námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Leiklistar sátu námskeið í leiktækni með Rúnari Guðbrandssyni (Svartur á Leik) og luku námskeiði í sviðsbardagatækni með 3.önn Leiklistar undir leiðsögn Örnu Magneu Danks (Ófærð, Stella Blomkvist), með einkar glæsilegri kynningu. Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þóreyju Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur. Einnig fóru þau á námskeið í gerð “showreel” og æfingar fyrir áheyrnarprufur. Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Arnar Benjamín Kristjánsson sem útskrifaðist úr Kvikmyndaskóla Íslands, Leikstjórn/framleiðslu vorið 2012 hefur verið boðið að taka þátt í í Frakklandi. Um er að ræða námskeið sem haldið árlega sem hluti af kvikmyndahátíðinni.

Þetta eru 25 – 26 upprennandi framleiðendur frá öllum Norðurlöndunum sem eru valdir til að fara á 4 daga námskeið þar sem farið er yfir hvernig á að fjármagna myndir, kynnast öðrum erlendum framleiðendum, dreifa myndunum sínum og svo framvegis.

Námskeiðið segir Arnar Benjamín að sé haldið af Danska kvikmyndaskólanum ásamt kvikmyndasjóðunum á norðurlöndunum.

Þannig að núna er ég að undirbúa mig fyrir námskeiðið með því að fara yfir reglur kvikmyndasjóðsins á Íslandi sem og á hinum norðurlöndunum. Við erum tveir frá Íslandi, ég og Dagur Benedikt Reynisson sem verða á námskeiðinu.

Arnar Benjamín segist þessa dagana annars vera önnum kafinn við að klára MA nám sitt frá Met Film School í Ealing studios í London. Einnig vinnur Arnar Benjamin gegnum fyrirtækið Fenrir Films ásamt Ævari vísindamanni að undirbúningi þátta byggða á bókinni Þín eigin þjóðsaga.

Ég er að undirbúa tökur á útskriftarmyndinni minni sem verður tekin upp í Summerhall í Edinborg í júní.  Þá er ég einnig að taka upp og klippa myndbönd fyrir framleiðslufyrirtækið hans Jamie Oliver’s en þeir halda úti Youtube-rás sem kallast Jamie Oliver’s foodtube. Það er partur af starfsþjálfun sem ég þarf að fara í gegnum frá skólanum en hefur verið mjög skemmtilegt en þau hafa boðið mér að koma aftur eftir að starfsþjálfunin rennur út þannig ég mun vera í fleiri tökum hjá þeim fram í Júní.

Það verður því spennandi að fylgjast með framhaldinu því sem er að gerast hjá hjá Arnari Benjamín næstu misserin.

Arnar Benjamín Kristjánsson á Young Nordic Producers Club í Cannes

Nemendur á fyrstu önn Kvikmyndaskóla Íslands héldu áfram í sínu fyrsta námskeiði, TÆK 107, þar sem allar deildir skólans læra undirstöðu atriði kvikmyndagerðar og framleiða í lokin mínútu stuttmynd. 

Nemendur á 2.önn Leikstjórnar og Framleiðslu tóku áfanga í dagskrárgerð fyrir sjónvarp með 3.önn Leiklistar undir leiðsögn Baldvins Albertssonar, ásamt því að fara í listasögu með Lee Lorenzo Lynch. Einnig hófu þau námskeið í Leikstjórn undir leiðsögn Börks Gunnarssonar (Þetta Reddast) með nemendum Handrits og Leikstjórnar. Nemendur á 4.önn voru á námskeiði í heimildarmyndargerð með Helgu Rakel Rafnsdóttur (Keep Frozen, Salome) og handritsnámskeiði undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrits og Leikstjórnar þar sem þau vinna að handriti útskriftarverkefnis síns.

Nemendur á 2.önn Skapandi Tækni, sátu námskeið í kvikmyndatöku undir leiðsögn Björns Ófeigssonar (Gnarr, Latibær) þar sem þau kvikmynda stuttmynd án orða. Nemendur 3.annar fóru á námskeið í handritsgerð með Hrafnkeli Stefánssyni (Kurteist Fólk, Borgríki) og námskeið í myndbreytingu með fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrits og Leikstjórnar undir leiðsögn Arnars Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólafi De Fleur (Borgríki, Malevolent). Ásamt því sat 4.önn námskeið í stofnun framleiðslu fyrirtækja og umsókna, ásamt samtíma kvikmyndasögu. 

Nemendur á 2.önn Handrita og Leikstjórnar sátu námskeið í handrits skrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer), listasögu með Lee Lorenzo Lynch og hófu námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar og Framleiðslu. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti) og námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu.

Nemendur á 2.önn Leiklistar sátu námskeið í leiktækni með Rúnari Guðbrandssyni (Svartur á Leik) og námskeið í sviðsbardaga tækni með 3.önn Leiklistar í leiðsögn Örnu Magneu Danks (Ófærð, Stella Blomkvist). Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þóreyju Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur. Ásamt því sat 4.önn námskeið í stofnun framleiðslu fyrirtækja og umsókna, ásamt samtíma kvikmyndasögu. 

Nemendafélagið okkar Kínema, hóf starfsemi sína með fullu krafti, með spilakvöldi, “writers room”; þar sem nemendur hjálpast við að skrifa handrit, og buðu svo upp á pylsupartí í matsal skólans í hádeginu á föstudeginum. 

Andri Freyr Ríkharðsson hefur verið með stuttmyndina Ólgusjó  í vinnslu í tvö ár en hann útskrifaðist úr Kvikmyndaskóla Íslands, Handritum/leikstjorn haustið 2011.

Það hefur gengið ágætlega að fjármagna myndina Ólgusjó. Við fengum t.a.m. styrk frá Uppbyggingarsjóði Vesturlands á síðasta ári og nú fyrir stuttu fengum við vilyrði að framleiðslustyrk frá Kvikmyndasjóði Íslands.

Andri Freyr er leyndardumsfullur þegar spurt er eftir söguþræði myndarinnar.

Það ríkír mikil leynd yfir handriti myndarinnar. Eina sem ég get sagt er að hún fjallar um þrjár persónur og gerist á sjó fyrir utan Snæfellsnes á litlum handfærabát.

Búið að ráða í flestar stöður við gerð myndarinnar Ólgusjór og er ráðgert að myndin verði tekin upp næsta sumar.

Ég hef mikil tengsl við sögusviðið. Ég bjó á Snæfellsnesi og faðir minn var á sjó í Breiðafirði. Sagan sjálf er skáldskapur en samt sem áður er hún mér nátengd. Ég vildi ekki gera enn eina myndina sem gerist á sjó og fjallar um veðurháska. Ég vildi skrifa mynd um fólk sem vinnur saman alla daga, persónur sem hrærast í litlu rými og oft í langan tíma. Í þannig aðstæðum kynnist fólk raunverulega. Þar vakna líka spurningar hvort það sé hægt að halda einhverju leyndu og hvort fólk eigi e.t.v. samleið.

Tveir aðrir útskrifaðir nemendur úr Kvikmyndaskóla Íslands gegna veigamiklu hlutverki í að gerð myndarinnar.

Ásþór Aron Þorgrímsson og Unnsteinn Garðarsson eru framleiðendur myndarinnar undir merkjum framleiðslufyrirtækisins Behind the Scenes. Ég leitaði beint til þeirra eftir að handritsskrifum lauk og hafa þeir reynst mér afar vel.

Leikara og aðra starfskrafta við gerð myndarinnar hyggjast þeir félagar kynna síðar en sem stendur býr Andri Feyr í Kaupmannahöfn.

Ég er hér að hefja skrif á handriti að kvikmynd í fullri lengd sem verður vonandi tilbúið á næsta ári.

Ólgusjór fær vilyrði fyrir framleiðslustyrk – Andri Freyr ráðgerir tökur næsta sumar

Gunnar B. Guðbjörnsson útskrifaðist úr Kvikmyndaskóla Íslands haustið 2008 og hefur hann síðan starfað í fjölda spennandi verkafna. Fyrr í þessum mánuði steig  hann á verðlaunapall Eddunnar fyrir skemmstu sem tökumaður þáttanna Með okkar augu sem var valinn menningarþáttur ársins 2016.

Ef ég man rétt, þá var það á þriðju önn þar sem við vorum sendir í starfskynningu og 3 úr okkur bekk fengum að fara á sett á sjónvarps þættinum “Ríkið” sem var framleiddur af Sagafilm og Silja Hauks leikstýrði.

Ég var fljótlega kominn í leikmunadeild Rúv og sumarið eftir fékk ég vinnu við gerð þáttarins “Dagvaktin”, einnig í leikmuna deild.  Þetta var nánast sama crew en annar leikstjóri en á og annar tökumaður en sami kjarni á bakvið verkefnið.Eftir útskrift gerðum við fyrstu seríu af Ástríði og ég náði að ljúga mig inn í aðstoðartökumanns stöðuna. Núna 7-8 árum seinna er ég enn að vinna hjá Sagafilm, en er titlaður klippari og tæknimaður.

Gussi segir að Kvikmyndaskólinn hafi fært sér sjálfstraust til að búa til verkefni til að leikstýra sjálfur.

Þau verkefni eru aðalega tónlistarmyndbönd en ég leikstýri líka minni þáttum og auglýsingum innan Sagafilm. Áður en ég fór í skólann vann ég sem klippari og multimedia hönnuður hjá auglýsingastofunni Pipar. Þegar ég hætti þar ætlaði ég aldrei að vinna aftur í “bransanum” en einhvern veginn viltist inn í kvikmyndaskólann samt…

Gussi vann í ár að þriðju þáttaröðinni af Með Okkar Augum.

Elín Sveinsdóttir framleiðandi kom með þáttinn til okkar í Sagafilm, við Ella höfðum þá verið ný búinn að gera saman Biggest Loser 1, þar sem ég var Story Editor og hún Story Producer. Hún vildi fá mig til að skjóta og klippa næstu þáttaröð og eftir að hafa verið læstur inni í klippiherbergi í næstum 6 mánuði að gera mjög stíft raunveruleika sjónvarpsformat þá hljómaði það eins og draumur að fá að komast út í smá tökur.

Þá segir Gussi að komið í ljós að tökustörfin yrðu ekki það eina sem hann hefði á sinni könnu því hann varð klippari þáttanna auk þess að vera ljósa- og hljóðmaður.

Við höfum svo hægt og rólega stækkað crewið okkar en saman erum við Ella núna búin að gera 3. seríur af Með Okkar Augum og loksins tókst okkur að næla okkur í Eddu.

Hjá Sagafilm hef ég náttúrulega komið að heilum helling af verkefnum, stærst líklega að nefna Biggest Loser 1-2 og 3, Voice 1 og 2, og Réttur 3 (Case á Netflix) sem Baldvin Z leikstýrði.Starf mitt er það fjölbreytt að eina vikuna get ég verið 2-3 daga á setti í auglýsingu, 1-2 daga í klippi í kjölfarið, farið svo í beina útsendingu um helgina,þar á eftir farið út á land að skjóta eithvað fyrir erlenda sjónvarpstöð. En ég alltaf enda ég í klippinu, þar sem ég kann best við mig.Í þessum töluðu orðum er ég að læsa klippi af seinni helming sjónvarsmyndarinnar Líf Eftir Dauðan sem Vera Sölvadóttir leikstýrir, myndin verður sýnd um páskana en framundan er svo ýmislegt. Þar ber helst að nefna Stellu Blómkvist sem er leikin sjónvarpssería sem Óskar Þór Axelsson leikstýrir, Guðni Halldórsson og ég erum að klippa en við klipptum saman Rétt 3 til dæmis og ýmislegt fleirra.

Fjölbreytt starf hjá Sagafilm kom Gussa á verðlaunapall á Eddunni

ÞEMI: Mexicanoooooo (Lesist “Me-hí-ka-no”)
Verð: Nemendakortshafar: 4.000 kr. Aðrir: 5.500 kr. Miðar við hurð: 6.000 kr.

Miðasala er hjá Maríu Araceli eða senda okkur póst á kinema@kvikmyndaskoli.is – í leiðinni skaltu endilega láta okkur vita hvort þú sért vegan eða vegeterian 🙂


MATUR – DAGSKRÁ – UPPISTAND – HAPPDRÆTTI – ÁRSHÁTÍÐAR SKETS – BJÓR – VÍN –  FLOTTASTA MOTTAN – KOSNINGAR – OG MARGT FLEIRA !

Árshátíð Kínema er handan við hornið !

Myndin Ég tala íslensku með hreim var nýlega valin opnunarmynd á Rúv í ár en í kynningu á myndinni segir að hún  varpi fram skemmtilegri sýn á það hvernig nýjum Íslendingum tekst að aðlagast og tileinka sér íslenska tungu, hver með sínu nefi eða öllu heldur hreim.

Leikstjóri og meðhöfundur myndarinnar heitir Jimmy Salinas og er nemandi í En hann samdi handritið ásamt Juan Camilo Estrada.

Myndin var gert í þeim tilgangi að vekja athygli á hvernig íslenskan er að aðlagast nýrri kynslóð af Íslendingum. Ég til dæmis tilheyri þeim hóp og okkar tilraun var að sýna hvað er það sem felst í að læra þessa tungu sem er ekki léttast að læra.

Aðspurður um Kvikmyndaskóla Íslands segir Jimmy að honum finnist hann frábært fyrirbæri.

Hann býður uppá mikla möguleika og margt sem hægt er að nálgast í gegnum hann og þetta hjálpar manni alveg helling. Kannski nær námið að hjálpa manni beint í öllu saman en það er bara partur af kvikmyndageraferlinu sem maður velur sérí  námi eða störfum.

Námið segir Jimmy algjörlega standast það sem lofað var og þó hann óskaði oft að farið væri enn dýpra ofan í hlutina er það væntanlega nokkuð sem að sinni er skólanum ofviða, þar til rýmkar um fjárveitingar til skólans.

Áður en ég bryjaði í námið bjóst ég við að þetta yrði miklu meira erfiðara en kannski er bara ástæðan að mér finnst þetta svo gaman – námið svo skemmtilegt.

Jimmy segist ekki hafa búið yfir mikilli reynslu beint í kvikmyndagerð áður en hann hóf nám við skólann.

En ég var alinn upp í kringum mikið af listamönnum og fólki í viðskiptum sem höfðu mikil áhrif á mig varðandi visual efni. Ég teiknaði mjög mikið þegar ég var yngri og málaði jafnvel en var líka mjög forvitninn um  myndavélar og þannig byrjaði kvikmyndaferlið.

En hvert er stefnan sett að loknu náminu?

Ég mun halda áfram í námi en ekki beint við kvikmyndagerð. Ég mun samt ekki hætta að skapa kvikmyndaefni. Fyrst er ég að vonast til að byrja að vinna með Rauða krossinum  þar sem við erum að ráðgera ansi spennandi verkefni þar sem fjallað verður um innflytjendur til landsins.

Námið stenst allt sem lofað var – Jimmy Salinas átti opnunarmynd Örvarpsins

Í síðustu viku voru sýnd tvö leikverk  á vegum leiksmiðju leiklistarnema og nemenda í handrita- og leikstjórnardeild Kvikmyndaskóla Íslands.

Verkin voru sýnd í leikhúsi Leikfélags Kópavogshlutu og hlutu heitin Litir Lífsins Eru Látlausir og Langlífar Rósir/Vermix en stjórn leiksmiðjunnar var í höndum Hlínar Agnarsdóttur. Leikstjóri sýningarinnar var Rúnar Guðbrandsson, deildarfoseti leiklistardeildar.

Myndir frá sýningu leiksmiðju Kvikmyndaskólans

Hrafnkell Stefánsson, deildarstjóri Handrita/Leikstjórnar var með skemmtilegt ávarp í útskriftarbæklingi vorannar hjá Kvikmyndaskólanum.

Lokaðu augunum. Hvað sérðu fyrir þér? Álfa og dverga berjast saman gegn illum vættum? Geimfara sem uppgötvar óvænta leyndardóma á tunglinu? Systkini sem uppgötva að fataskápurinn þeirra er dyr að leyndum ævintýraheimi? Dularfullt morð og bitran rannsakanda sem verður að leysa málið?  Misheppnað stefnumót sem virðist engan enda ætla að taka? Eða þögul átök fjölskyldu í matarboði?

Öll höfum við látið hugann reika, leyft ímyndunaraflinu að taka tauminn frá dagsins amstri og leiða okkur inn á nýjar og spennandi slóðir. Þegar við sleppum ímyndunaraflinu lausu og leyfum okkur að njóta barnslegrar gleði sköpunar má með sanni segja að við séum öll höfundar um stund.

Hvort sem um ræðir handritshöfund, leikstjóra eða hvort tveggja undir sama hatti, þá er það þessi barnslega gleði sem leiðir höfundinn áfram í för sinni að umbreyta hugmyndinni sem aðeins hann gat séð áður, hjálpa henni að þroskast og dafna þar til loks stendur eftir heildstætt verk sem aðrir geta fengið að njóta.

Við Handrita- og leikstjórnardeild Kvikmyndaskóla Íslands er megináherslan lögð á höfundinn. Hvort sem hann er hugsuðurinn sem líður best í ímyndunarheimi sínum, leiðtoginn með sýnina eða sitt lítið af hvoru, viljum við gefa næstu kynslóð af höfundum öll þau tól og tæki sem þeir þurfa til að þroskast og dafna sem slíkir. Við viljum metnaðarfulla, hugmyndaríka og vinnusama nemendur inn í skólann og að tveimur árum liðnum sjá þá útskrifast sem sjálfstæða listamenn, færir um að gera hugmyndir sínar að veruleika. Leyfa öðrum að sjá það sem einungis þú gast séð áður.

Á þessum tveimur árum í skólanum læra nemendur að tileinka sér vinnuferla leikstjóra og handritshöfunda og öðlast reynslu með því að leikstýra og skrifa kvikmyndaverk. Samhliða þessu sitja þeir námskeið í öllum helstu undirstöðuatriðum kvikmyndagerðar, þ.á.m. framleiðslu og myndrænni frásögn og fá auk þess grunnkennslu í tækni og tækjanotkun.

Að loknu námi við Handrita- og leikstjórnardeild eiga nemendur að hafa öðlast þann þroska og sjálfsaga til að sitja löngum stundum við handritsskrif. Þeir hafa þá öðlast þá mikilvægu reynslu að hafa séð hugmyndir sínar verða að alvöru verkum sem leikstjórar. Þeir útskrifast því sem reyndir höfundar tilbúnir að takast á við allar þær spennandi áskoranir sem bíða í ört vaxandi kvikmyndiðnaði hér á landi, hvort sem það er við gerð sinna eigin verkefna, störf innan veggja hinna fjölmörgu framleiðslufyrirtækja landsins eða áframhaldandi nám á erlendri grund. Því þegar þú hefur beislað krafta ímyndunaraflsins, standa þér allar dyr opnar.

Lokaðu augunum. Og segðu mér hvað þú sérð.

Deildarforseti Handrita- og leikstjórnardeildar

Lokaðu augunum. Hvað sérðu fyrir þér?  Ávarp Hrafnkels Stefáns í vorbæklingi

Niðurstöður leitar

Les Arcs kvikmyndahátíðin og Ólöf Birna

224 ára reynsla af listkennslu

Tólf útskrifaðir nemendur úr Kvikmyndaskólanum störfuðu við Ófærð

Með marga bolta á lofti – Lovísa Lára að ljúka við tökur á mynd í fullri lengd

Leggur áherslu á að nemendur læri að gagnrýna og taka gagnrýni – Ottó Geir Borg kennir við KVÍ

Geoff McAuliffe með námskeið í Kvikmyndaskóla Íslands

“Engill” er næsta mynd á dagskrá

Auðveldara að fá sýningarrétt á gæðahrollvekjum – Lovísa Lára fær veglegan styrk fyrir Frostbiter

Myndband Tjarnargötunnar valið myndband ársins á FM957

Engin lognmolla hjá okkur

Arnar Benjamín Kristjánsson á Young Nordic Producers Club í Cannes

Frábær byrjun á árinu

Ólgusjór fær vilyrði fyrir framleiðslustyrk – Andri Freyr ráðgerir tökur næsta sumar

Fjölbreytt starf hjá Sagafilm kom Gussa á verðlaunapall á Eddunni

Árshátíð Kínema er handan við hornið !

Námið stenst allt sem lofað var – Jimmy Salinas átti opnunarmynd Örvarpsins

Myndir frá sýningu leiksmiðju Kvikmyndaskólans

Lokaðu augunum. Hvað sérðu fyrir þér? Ávarp Hrafnkels Stefáns í vorbæklingi

Námið

Flýtileiðir