Inntökuskilyrði & skólagjöld

Inntökuskilyrði á allar brautir skólans er stúdentspróf eða sambærileg menntun. Skólanum er þó heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur fyrir nám við skólann. Rektor ákveður samkvæmt umsögn inntökunefndar hvaða nemendum skal veitt innganga í skólann á þessum forsendum.

Með skriflegri umsókn geta umsækjendur sent inn efni sem þeir hafa búið til eða tekið þátt í til að styrkja umsókn. Umsækjendur mæta í inntökuviðtöl með ljósrit eða staðfest afrit af prófskírteinum og öðrum gögnum sem kann að verða óskað eftir. Að auki þurfa umsækjendur í deild IV, leiklistardeild að þreyta verklegt inntökupróf.

Kvikmyndaskóli Íslands er einkaskóli og standa skólagjöld nemenda undir hluta kennslukostnaðar.
Skólagjöldin eru þau sömu á öll sérsviðin, krónur 480.000 á hverja önn.

Menntasjóður námsmanna lánar fyrir skólagjöldum að fullu.

Tvær meginreglur gilda um skólagjöld:
1) Nemendur hefja ekki nám á önn, fyrr en gengið hefur verið frá greiðslu skólagjalda.
2) Skólagjöld fást ekki endurgreidd eftir að nám er hafið.