Kennarar & leiðbeinendur

Hjá Kvikmyndaskóla Íslands vinnum við með kennurunum og leiðbeinendunum sem starfa við kvikmyndaiðnaðinn.

Þetta er stór hópur fagfólks sem kemur að náminu á hverri önn og tekur virkan þátt í að móta leikstjóra, framleiðendur, tæknifólk, handritshöfunda og leikara framtíðarinnar. Margir eru fastagestir en stundum kalla verkefnin út í hinum stóra heimi. Hér er listi yfir þá sem hafa komið að kennslu með einum eða öðrum hætti á síðustu árum.

Fagstjórar Kvikmyndaskóla Íslands

Hlín Jóhannesdóttir

Fagstjóri framleiðslu

Hlín er útskrifuð úr Mannfræði og Fjölmiðlafræði við Háskóla Íslands. Hún hefur starfað við Kvikmyndagerð frá árinu 2000, sem sjálfstæður framleiðandi, framleiðslustjóri og framleiðandi hjá Zik Zak Filmworks, sem hafa hlotið yfir 100 alþjóðleg verðlaun fyrir verkefni sín, þar á meðal tilnefningu til óskarsverðlauna. Sem framleiðandi hefur Hlín unnið með mörgum af helstu leikstjórum Íslands í framleiðslu leikina kvikmynda sem og heimildarmynda. Hún hefur einnig starfað sem rithöfundur fyrir tímarit og fréttir á netinu. Hún stofnaði kvikmyndafyrirtækið Vintage Pictures með Birgittu Jónsdóttur og á fyrirtækið Culture camp; Art Production House Ursus Parvus með Vilborgu Einarsdóttur. Myndir sem Hlín hefur framleitt, eru meðal annars "Svanurinn" "Bokeh" "This is Sanlitum" og margar fleiri.

Hilmar Oddsson

Fagstjóri leikstjórnar

Hilmar lærði kvikmyndgerð við Hochschule für Fernsehehen und Film í München í Þýskalandi. Hann frumsýndi sína fyrstu bíómynd 1986 og síðan hefur Hilmar gert 5 bíómyndir, 5 sjónvarpsmyndir og 5 stuttmyndir og yfir 25 tónlistarmyndbönd. Hann hefur gert fjölda heimildarmynda og yfir hundrað sjónvarpsþætti. Þar að auki hefur hann leikstýrt og stjórnað upptökum á tveimur “sitcom” seríum og leikstýrt auglýsingum og allra handa fræðsluefni. Hilmar hefur fjallað um kvikmyndir í sjónvarpi og eftir hann liggur fjöldi greina um kvikmyndatengd málefni. Hilmar hefur kennt kvikmyndagerð og kvikmyndaleik í tvo áratugi, m.a. við Listaháskóla Íslands og Kvikmyndaskóla Íslands, sem hann veitti forstöðu 2010 til 2017.

Davíð Alexander Corno

Fagstjóri klippingar

Davíð hefur starfað við kvikmyndagerð í næstum áratug, fyrst og fremst sem klippari, en þó einnig sem leikstjóri, kvikmyndatökumaður og önnur störf á setti. Hann hefur klippt sínar eigin heimildamynd (7 ár), allar myndir Benedikts Erlingssonar í fullri lengd (Hross í oss, Show of Shows og Kona fer í stríð), fleiri myndir í fullri lengd (Sumarbörn, Undir Halastjörnu) og er eins og stendur að klippa heimildarmyndirnar 3. póllinn, (í leikstjórn Andra Snæs Magnasonar og Anní Ólafsdóttur) og 14 ár (sem hann leikstýrir sjálfur ásamt Áslaugu Einarsdóttur).

Tómas Örn Tómasson

Fagstjóri kvikmyndatöku

Tómas hefur tengst kvikmyndagerð allt frá því hann var í Verzlunarskóla Íslands. Eftir útskrift fór hann í Háskóla Íslands og Köbenhavn Universitet, þar sem hann lagði stund á sagnfræði. Samhliða náminu tók hann að sér alla þá vinnu sem bauðst og tengdist kvikmyndatöku. Tómas sá fyrir sér að gerast heimildarmyndagerðamaður, þar sem hann myndi skrifa, kvikmynda, og leikstýra eigin verkum. Þegar hann kom heim úr námi sumarið 1996, bauðst honum ýmis vinna tengd kvikmyndagerð. Það var síðan árið 2002 að hann ákvað að snúa sér alfarið að kvikmyndatökunni. Á heimasíðu Tómasar er starfsreynsluágrip og tenglar í helstu verkefnin sem hann hefur kvikmyndað www.tomastomasson.com

Kjartan Kjartansson

Fagstjóri hljóðs

Kjartan er einn af reyndustu hljóðmönnum landsins. Hann hefur annast hljóðsetningu á mörgum af frægustu bíómyndum íslenskrar kvikmyndasögu, og eru verk á borð við Sódómu Reykjavík, Myrkrahöfðingjann og Engla Aleimsins þar á meðal.

Rob Tasker

Fagstjóri myndbreytinga

Rob hefur unnið við kvikmyndir, sjónvarp og auglýsingar síðan 2008. Með yfir 40 titla á sínum starfsferli hefur Rob verið tilnefndur til verðlauna nokkrum sinnum fyrir verk sín t.d. Primetime Emmy Awards fyrir sjónvarpsseríuna "Hannibal" og tvisvar sinnum verið tilnefndur til Canadian Screen Award fyrir kvikmyndina "Wet Bum" og fyrir sjónvarpsseríuna "Copper". Hann hefur unnið við framleiðslu við hin ýmsu fyrirtæki eins og SagaFilm, Universial Pictures, NBC, Warner Brothers, 20th Century Fox, New Line Cinema, Sony Pictures, SyFy og mörg fleiri.

Heiðar Sumarliðason

Fagstjóri handrita í fullri lengd

Heiðar Sumarliðason er með BA-gráðu af sviðshöfundabraut Listaháskóla Íslands, sem og MA-gráður í ritlist frá Háskóla Íslands og leikstjórn frá East15 í London. Hann stundar nú nám til kennsluréttinda við Listaháskóla Íslands. Heiðar hefur skrifað leikverk og kvikmyndahandrit, á meðal verka eftir hann eru (90)210 Garðabær sem sýnt var í Þjóðleikhúsinu, Rautt brennur fyrir sem sýnt var í Borgarleikhúsinu, Svín sem flutt var í Útvarpsleikhúsi RÚV og kvikmyndaleikverkið Það sem við gerum í einrúmi sem sýnt var í Tjarnarbíói. Heiðar hefur leikstýrt tíu leikverkum í atvinnuleikhúsi, m.a. Segðu mér satt eftir Hávar Sigurjónsson, Glerdýrunum eftir Tennssee Williams, Pizzasendlinum eftir Elísabetu Jökulsdóttur, sem og eigin verkum. Heiðar er kvikmyndagagnrýnandi Vísis og er þar einnig með kvikmyndaþáttinn Stjörnubíó. 

Ottó Geir Borg

Fagstóri tegundir handrita

Ottó Geir hefur unnið við handritsskrif, ráðgjöf og kennslu undanfarin 20 ár. Hann hefur komið víða við í sjónvarpi og í kvikmyndum. Fyrsta kvikmynd eftir handriti hans, Astrópía, var vinsælasta kvikmynd ársins 2007 og nú nýverið kom Ég Man Þig á hvíta tjaldið og hefur sú mynd hlotið frábærar viðtökur.

Kolbrún Anna Björnsdóttir

Fagstjóri leiks & hreyfingar

Kolbrún Anna lauk B.A.-hons. gráðu í leiklist frá Royal Welsh College of Music and Drama árið 1998 og hefur unnið sem sjálfstætt starfandi listamaður á fjölbreyttum vettvangi síðan. Kolbrún lauk kennaramenntun frá Kennaraháskóla Íslands árið 2006 og hefur kennslureynslu á öllum skólastigum, frá leikskóla- til háskólastigs. Þá lauk hún meistaranámi í hagnýtri menningarmiðlun frá Háskóla Íslands árið 2013.

Rúnar Guðbrandsson

Fagstjóri leiklistar

Rúnar nam upphaflega leiklist í Danmörku og starfaði þar um árabil sem leikari með ýmsum leikhópum. Frekari menntun hefur hann sótt m.a. til Póllands og Rússlands. Rúnar lauk MA og MPhil gráðum í leikhúsfræðum og leikstjórn frá De Montfort háskólanum í Leicester í Englandi og hefur lokið fyrri hluta doktorsnáms í fræðunum.Hann var fyrsti prófessor í leiktúlkun við Listaháskóla Íslands. Rúnar hefur samið og leikstýrt fjölda leiksýninga hérlendis og erlendis og fengist við leiklistarkennlsu og þjálfun leikara víða í Evrópu. Hann hefur auk þess leikið í fjölda kvikmynda og sjónvarpsþátta.

Þórey Sigþórsdóttir

Fagstjóri leiks og raddar

Þórey hefur unnið sem leikkona og leikstjóri á sviði og í kvikmyndum frá því hún útskrifaðist frá Leiklistarskóla Íslands 1991. Þórey útskrifaðist með kennsluréttindi frá Lhí árið 2004, MA gráðu í Advanced Theatre Practice frá The Royal Central School of Speech and Drama 2012 og MA gráðu í Hagnýtri Menningarmiðlun frá HÍ 2014. Þórey hefur í mörg ár kennt rödd við Listháháskóla Íslands og ýmsum námskeiðum fyrir leikara og fólk sem vinnur með röddina. Hún hefur réttindi til að kenna raddþjálfunaraðferð Nadine George frá The Voice Studio International í London og byggir kennsluna á NGT aðferðinni. Þórey er stofnandi og listrænn stjórnandi leikfélagsins Fljúgandi Fiskar sem hefur framleitt nokkar sýningar m.a. Hótel Heklu eftir Anton Helga Jónsson og Lindu Vilhjálmsdóttur, Medeu (multi-media) eftir Evrípídes. Þórey leikstýrði síðast verkinu Andaðu eftir Duncan Macmillan sem var frumsýnt við frábærar viðtökur í Iðnó í janúar 2017. Þórey hefur kennt rödd við Kvikmyndaskóla Íslands síðan 2016.

Kennarar

Kennarar Kvikmyndaskóla Íslands

Hlín Jóhannesdóttir

Kennari í framleiðslu

Hlín hefur verið framleiðandi í kvikmyndagerð síðan 2001 og hefur komið víða við á sínum ferli. Um þessar mundir er hún að framleiða mynd í fullri lengd “Skjálfti” sem verður frumsýnd árið 2021. Hún stofnaði framleiðslufyrirtækið “Urus Parvus” árið 2011. Hún hefur stjórnarmeðlimur IKSA ( Icelandic Film-and Television Academy) síðan 2015 en var kosin formaður 2016 og hefur gegnt þeirri stöðu síðan.

Hlín kennir þessa áfanga á vormisseri 2021:

Framleiðsla 1 | FRL105G

Framleiðsla 2 | FRL206G

Framleiðsla 3 | FRL307G

Framleiðsla 4 | FRL408G

Lokaverkefni á fyrsta misseri | LST119G

IMDB

Hilmar Oddsson

Kennari í leikstjórn

Hilmar er einn af okkar frumkvöðlum í kvikmyndagerð en hann frumsýndi sína fyrstu kvikmynd árið 1986. Hann hefur leikstýrt fjöldan af kvikmyndum, heimildarmyndum, útvarpsleikritum og sjónvarpefni. Hann leikstýrði myndinni “Kaldaljós” sem vann til 5 Edduverðlauna og mörg önnur verðlaun á kvikmyndahátíðum út í heimi.Kvikmyndir undir hans leikstjórn hafa þrisvar sinnum verið framlag Íslands til Óskarsverðlauna.

Hilmar kennir þessa áfanga á vormisseri 2021:

Myndræn frásögn | LST114G

Leikstjórn 4 | HAN408G

Útskriftarmynd | HAN419G

IMDB

Ninna Pálmadóttir

Kennari í leikstjórn

Ninna er ung kvikmyndagerðarkona sem á framtíðina fyrir sér í faginu. Hún útskrifaðist með MFA úr NYU Tisch School of the Arts árið 2019. Myndir eftir hana hafa verið sýndar á kvikmyndahátíðum víða um heim. Ninna vann til Edduverðlauna 2020 fyrir bestu stuttmynd ársins “Blaðberinn”.

Ninna kennir þessa áfanga á vormisseri 2021:

Leikstjórn 1 | LST101G

IMDB

Börkur Gunnarsson

Kennari í leikstjórn

Börkur hefur komið víða við. Hann hefur leikstýrt 5 heimildarmyndum, mörgum stuttmyndum og skrifað 2 leikverk og gefið út bækur. Hann leikstýrði einnig kvikmyndinni “Þetta reddast” árið 2013. Hann hefur unnið hjá helstu fjölmiðlum landsins sem pistlahöfundur um menningarmál og einnig sem kvikmyndagagnrýnandi. Hann hefur setið í dómnenfndum hjá RIFF og sinnti þar líka almannatengslum.

Börkur kennir þessa áfanga á vormisseri 2021:

Leikstjórn 2 | LST202G

Leikstjórn 4 | LST404G

Vinna með leikstjóra | LEI314G

Útskriftarmynd | LST425G

IMDB

Brúsi Ólason

Kennari í handritsgerð og klippingu

Brúsi er leikstjóri, handritshöfundur og klippari. Hann útskrifaðist úr Háskóla Íslands árið 2015 með BA gráðu í kvikmyndafræði og þaðan fór hann Mastersnám í Columbia University að læra leikstjórn. Myndir eftir hann hafa verið sýndar á kvikmyndahátíðum um allan heim en stuttmynd eftir hann “Viktoría” vann til verðlauna á Stockfish árið 2018.

Brúsi kennir þessa áfanga á vormisseri 2021:

Handritsgerð 1 | LST110G

Klipping 1 | SKT109G

IMDB

Vera Sölvadóttir

Kennari í leikstjórn

Vera hefur leikstýrt fjölda kvikmynda, tónlistarmyndbanda en hún frumsýndi sína fyrstu kvikmynd árið 2005. Hún hefur unnið til fjölda verðlauna fyrir myndir sínar og einnig hefur hún setið dómnefndum á mörgum kvikmyndahátíðum og verðlaunahátíðum um allan heim.

Vera kennir þessa áfanga á vormisseri 2021:

Tónlistarmyndbönd | LST117G

Lokaverkefni fyrsta misseris | LST119G

IMDB

Baldvin Albertsson

Kennari í leikstjórn

Baldvin er einn af stofnendum framleiðslufyrirtækisins Tjarnargatan og var framleiðandi og leikstjóri hjá þeim í 6 ár. Innan Tjarnargötunnar leikstýrði hann mörgum auglýsingum og var einn af þeirra helstu starfsmönnum. Hann hefur einnig unnið við heimildarmyndagerð og verið að kenna leiklist fyrir fólk á öllum aldri.

Baldvin kennir þessa áfanga á vormisseri 2021:

Auglýsingar | LST118G

Sjónvarpsþættir | LST220G / LEI320G

Hrafnkell Stefánsson

Kennari í handritsgerð

Hrafnkell hefur starfar sem handritshöfundur og leikstjóri frá árinu 2008. Hann hefur skrifað handrit af ótal stuttmyndum og er með mörg önnur í þróun.Hann hefur verið tilnefndur til Edduverðlauna fyrir handritið af “Kurteist fólk” en myndir eftir hann eins og “Borgríki” og “Borgríki 2 : Blóð hraustra manna” hafa einnig fengið fjölda tilnefninga.

Hrafnkell kennir þessa áfanga á vormisseri 2021:

Handritsgerð 2 | LST211G

IMDB

Lee Lorenzo Lynch

Kennari í listasögu

Lee hefur verið að gera kvikmyndir frá 13 ára aldri. Lee útskrifaðist með BFA gráðu í kvikmyndagerð úr Film from California Institute of the Arts og með MFA gráðu úr Fine Art from the University of Southern California. Myndir eftir hann hafa verið sýndar á kvikmyndahátíðum eins og International Film Festival Rotterdam og Sundance svo eitthvað sé nefnt.

Lee kennir þessa áfanga á vormisseri 2021:

Listasaga | LIS209G / SKT217G / HAN216G

IMDB

Jörundur Ragnarsson

Kennari í handritsgerð

Jörundur er leikari og handritshöfundur. Hann útskrifaðist með BFA gráðu í leiklist úr Listaháskóla Íslands og hefur síðan þá leikið bæði á sviði og í kvikmyndum. Hann skrifaði og leiksstýrði stuttmyndinni “Hjónabandssæla” sem vann til verðlauna á Montréal World Film Festival og til Edduverðlauna sem stuttmynd ársins. Einnig skrifaði hann nokkra þætti fyrir vakta seríurnar (Næturvaktin, Dagvaktin og Fangavaktin) þar sem hann lék líka karakterinn Daníel.

Jörundur kennir þessa áfanga á vormisseri 2021:

Handritsgerð 3 | LST312G

IMDB

Curver Thoroddsen

Kennari í leikstjórn

Curver er sjálfstætt starfandi listamaður og eftir hann liggur fjöldin allur af gjörningum og listasýningum en hann hefur verið starfandi síðan árið 1993. Hann er einnig tónskáld gefið út og komið fyrir á ótal plötuútgáfum. Hann vann til Íslensku tónlistarverðlaunanna fyrir plötu ársins árið 2003.

Curver kennir þessa áfanga á vormisseri 2021:

Tilraun | LST315G

IMDB

Arnar Valdimarsson

Kennari í leikstjórn

Arnar hefur starfað sem myndbandaframleiðandi og vefhönnuður síðan árið 1997. Hann hefur séð um útsendingar á hinum ýmsu viðburðum CCP m.a. EVE fanfest og EVE Vegas. Hann sinnti líka ýmsum störfum við myndbandagerð fyrir CCP þ.á.m. framleiðandi, leikstjóri, eftirvinnsla eða dreifingu. Hann stofnaði Ink hönnunarhús, auglýsingastofu árið 2001 og vann þar ýmis verkefni fyrir prent og vefmiðla.

Arnar kennir þessa áfanga á vormisseri 2021:

Fjölkameruvinnsla | LST322G

Tinna Hrafnsdóttir

Kennari í handritsgerð

Tinna hefur víða komið við í kvikmyndaheiminum, bæði sem leikkona og leikstjóri. Hún lék í sinni fyrstu kvikmynd árið 2007. Hún er stofnaði leikhópinn Háaloftið og hefur leikið á sviði í mörg ár. Hún hefur unnið mikið að framleiðslu og stofnaði “Freyja Filmwork”, framleiðslufyrirtæki árið 2016.

Tinna kennir þessa áfanga á vormisseri 2021:

Handritsgerð 4 | LST413G

IMDB

Halla Einarsdóttir

Kennari í heimildarmyndum

Heimildarmyndir | LST424G

Heimildarmyndir | HAN212G

Lokaverkefni 2 | HAN221G

Björn Ófeigsson

Kennari í kvikmyndatöku

Björn er alhliða tækni maður og framleiðandi. Hann hefur mikið séð um eftirvinnslu á hinum ýmsu kvikmyndum eins og “Kaldaljós”, “Sveitabrúðkaup” og “Bjarnfreðarson”. Hann framleiddi og skaut heimildamyndina “Gnarr” árið 2010.

Björn kennir þessa áfanga á vormisseri 2021:

Kvikmyndataka 1 | SKT101G

Kvikmyndataka 2 | SKT202G

IMDB

Kjartan Kjartansson

Kennari í hljóðvinnslu

Kjartan er okkar fremsti sérfræðingur þegar kemur að öllu sem viðkemur hljóði. Hann hefur starfað við hljóðhönnun og hljóðupptöku síðan 1991. Hann hefur tekið upp og hannað hljóðheim fyrir ótal margar íslenskar kvikmyndir og sjónvarpsefni, “Ófærð”, “Mýrin”, “Kaldaljós”, “Englar Alheimsin”,“Börn náttúrunnar” svo eitthvað sé nefnt. Hann hefur einnig verið hljóðstjóri og hljóðjafnað tugi hljómplatna.

Kjartan kennir þessa áfanga á vormisseri 2021:

Hljóð 1 | SKT105G

Hljóð 2 | SKT206G

Hljóð 3 | SKT307G

IMDB

Vilius Petrikas

Kennari í myndbreytingu

Vilius hefur unnið við kvikmyndagerð síðastliðin áratug. Hann er leikstjóri, klippari og framleiðandi. Hann var tilnefndur til Daytime Emmy Awards fyrir vinnu sína í Ocean Treks árið 2018. Hann er um þessar mundir að framleiða myndina “Axlar-Björn” sem kemur út á næsta ári.

Vilius kennir þessa áfanga á vormisseri 2021:

Myndbreyting 3 | SKT315G

Lokaverkefni fyrsta misseris | SKT122G

IMDB

Sólrún Ósk Jónsdóttir

Kennari í leikmyndahönnun

Sólrún hefur unnið sem leikmyndahönnuður fyrir kvikmyndir síðastliðin 6 ár. Hún hefur unnið við verkefni eins og “Brot”, “The Murder on the Orient Express” og “Gullregn”. Mynd sem hún vann að “A love Story” hlaut BAFTA verðlaun árið 2017 fyrir besta breska hreyfimyndin, og einnig hefur hún unnið til fjölda annara verðlauna um allan heim.

Sólrún kennir þessa áfagna á vormisseri 2021:

Leikmynd | SKT218G

IMDB

Bjarni Felix Bjarnason

Kennari í kvikmyndatöku

Kvikmyndataka 3 | SKT303G

Kvikmyndataka 4 | SKT404G

IMDB

Rob Tasker

Kennari í myndbreytingu

Myndbreyting 3 | SKT315G

IMDB

Olaf De Fleur

Kennari í handritsgerð

Ólafur hefur starfað við kvikmyndagerð í yfir tuttugu ár, sem leikstjóri, framleiðandi og einnig sem klippari. Hann hefur gert fjölmargar heimildarmyndir og hlotið Edduverðlaun fyrir tvær þeirra, “Blindsker” og “Africa United”.  Hann hlaut einnig verðlaun fyrir bestu mynd á New York LGBT Film Festival árið 2008 fyrir myndina “The Amazing Truth About Queen Raquela”. Hann leikstýrði og framleiddi einnig kvikmyndum eins og “Stóra Planið”, “Kurteist fólk” , “Borgríki” og “Borgríki 2: Blóð hraustra manna”.

Ólafur kennir þessa áfanga á vormisseri 2021:

Handritsgerð | SKT319G

Útskriftarmynd | SKT423

IMDB

Davíð Alexander Corno

Kennari í klippingu

Davíð hefur starfað við kvikmyndagerð frá árinu 2000. Hann hefur unnið bæði við framleiðslu og eftirvinnslu á hinum ýmsu kvikmyndum t.d. “Sumarbörn”, “Undir halastjörnu”, “Kona fer í Stríð” og “Skjálfti”.

Davíð kennir þessa áfanga á vormisseri 2021:

Klipping 4 | SKT412G

IMDB

Arnar Benjamín Kristjánsson

Kennari í framleiðslu

Framleiðsla | SKT420G

Framleiðsla | HAN418G

IMDB

Heiðar Sumarliðason

Kennari í handritsgerð

Lög og reglur | HAN109G

Leikin bíómynd 1 | HAN101G

Leikin bíómynd 2 | HAN202G

Dögg Mósesdóttir

Kennari í handritsgerð

Dögg hefur starfað sem leikstjóri og handritshöfundur síðustu 15 árin. Hún hefur leikstýrt mörgum tónlistarmyndböndum fyrir íslenskt tónlistarfólk og er um þessar mundir að vinna að tveimur sjónvarpsþáttaröðum og tveimur kvikmyndum. Hún er ein af stofnendum Stockfish kvikmyndahátíðarinnar sem er haldin árlega.

Dögg kennir þessa áfanga á vormisseri 2021

Tegundir leikins sjónvarpsefnis | HAN110G

Leikinn sjónvarpsþáttur | HAN211G

IMDB

Davíð Már Stefánsson

Kennari í handritsgerð

Hugmyndir | HAN419G

IMDB

Rúnar Guðbrandsson

Kennari í leiklist

Rúnar er einn fróðasti maður landsins þegar kemur að leiklistarfræðum og leiklistarsögu. Hann hefur leikstýrt fjöldan allan af sýningum, bæði í atvinnuleikhúsi og áhugaleikhúsi. Hann stofnaði og rak leikhópinn Lab Loki um árabil. Hann hefur verið tilnefndur til Grímuverðlauna 4 sinnum bæði sem höfundur og leikstjóri ársins.

Rúnar kennir þessa áfanga á vormisseri 2021:

Leiklist 1 | LEI109G

Leiklist 2 | LEI210G

Leiklist 4 | LEI412G

Leiksmiðja og leikhús | LEI219G

Leiklistarsaga | LEI316G

IMDB

Þórey Sigþórsdóttir

Kennari í raddþjálfun

Þórey hefur starfað sem leikkona og leikstjóri á sviði frá árinu 1991. Hún hefur leikið í uppsetningum hjá Borgarleikhúsinu og Þjóðleikhúsinu og öðrum sjálfstæðum leikhópum. Hún er ein af stofnendum og listrænn stjórnandi leikhópsins Fljúgandi Fiskar, hópurinn hefur sett upp fjölmargar sýningar sem hafa fengið frábærar viðtökur. Verkið “Andaðu” sem hópurinn setti upp var tilnefnt til Grímuverðlauna árið 2017.

Þórey kennir þessa áfanga á vormisseri 2021:

Leikur og rödd 1 - texti | LEI105G

Leikur og rödd 2 - texti | LEI206G

Leikur og rödd 4 | LEI408G

IMDB

Guðmundur Elías Knudsen

Kennari í leik og hreyfingu

Guðmundur hefur starfað sem dansari síðan árið 2000, en á þeim tíma hefur hann verið hjá Íslenska dansflokknum allt til ársins 2012. Hann hefur tekið þátt í og verið dansþjálfari fyrir ýmsum verkum hjá Borgarleikhúsinu eins og “Footloose”, “Billy Elliot” og “Mary Poppins”. Hann var danshöfundur fyrir sýninguna “Að sama tíma að ári” og einnig var hann aðstoðar danshöfundur á sýningunni “Bláa hnettinum” sem hlaut Grímu verðlaun fyrir besta dans í leikverki.

Guðmundur kennir þessa áfanga á vormisseri 2021:

Leikur og hreyfing 1 | LEI101G

IMDB

Þórunn Erna Clausen

Kennari í söng

Þórunn hefur starfað sem leikkona frá því árið 2001. Hún hefur leikið á sviði Þjóðleikhússins og Borgarleikhússins. Þórunn hefur ferðast víða um heiminn, bæði með leikuppsetningar og einnig með söng. Hún stofnaði söngskólann Vocal Art þar sem hún kennir complete vocal technique, en hún er viðurkenndur söngkennari frá Complete Vocal Intstitute í Kaupmannahöfn. Hún er einnig textahöfundur og hefur samið fjölmörg lög sem hafa keppt í Söngvakeppni sjónvarpsins og einnig tvö sem hafa verið framlag Íslands í Eurovision. Þórunn fékk tilnefningu til Grímuverðlauna fyrir hlutverk sitt í “Dýrlingagenginu” og einnig til Edduverðlauna fyrir leik sinn í Kvikmyndinni “Dís” og þáttunum “Reykjavíkurnætur”.

Þórunn kennir þessa áfanga á vormisseri 2021:

Leikur og rödd 1 - söngur | LEI105G

Leikur og rödd 2 - söngur | LEI206G

Leikur og rödd 3 | LEI307G

IMDB

Sigrún Gylfadóttir

Kennari í leiklist

Sigrún hefur starfað sem leikkona á sviði og í kvikmyndum. Hún hefur leikið hjá Þjóðleikhúsinu og Borgarleikhúsinu m.a. “Tristan og Ísól” með leikhópnum Augnablik og “Gallerí Njála” í Þjóðleikhúsinu. Hún var einnig með hlutverk í kvikmyndum “Stuttur Frakki” og “Benjamín Dúfu”.  Einnig var hún með hlutverk í jólasýningu í New York, “Christmas Revels” sem var sýnd á Broadway. Sigrún hefur kennt leiklist fyrir börn í grunnskólum og framhaldsskólum og einnig haldið allskyns námskeið fyrir fólk á öllum aldri.

Sigrún kennir þessa áfanga á vormisseri 2021:

Lokaverkefni fyrsta misseris | LEI118G

Fagið og framtíðin | LEI415G

IMDB

Kolbrún Anna Björnsdóttir

Kennari í leik og hreyfingu og handritsgerð

Kolbrún Anna lauk B.A.-hons. gráðu í leiklist frá Royal Welsh College of Music and Drama árið 1998 og hefur unnið sem sjálfstætt starfandi listamaður á fjölbreyttum vettvangi síðan. Kolbrún lauk kennaramenntun frá Kennaraháskóla Íslands árið 2006 og hefur kennslureynslu á öllum skólastigum, frá leikskóla- til háskólastigs. Þá lauk hún meistaranámi í hagnýtri menningarmiðlun frá Háskóla Íslands árið 2013.

Kolbrún kennir þessa áfnaga á vormisseri 2021

Leikur og hreyfing 2 - dansar | LEI202G / LEI303G

Leikur og hreyfing 4 | LEI404G

Handritsgerð | LEI417G

IMDB

Valdís Arnardóttir

Kennari í raddþjálfun

Leikur og rödd 1 | LEI105G

IMDB

Bjartmar Þórðarsson

Kennari í söng

Leikur og rödd 2 - söngur | LEI206G

IMDB

Arna Magnea Danks

Kennari í sviðsbardagalistum

Leikur og hreyfing 2 - Sviðsbardagar | LEI202G / LEI303G

IMDB

Birna Rún Eiríksdóttir

Kennari í spuna

Birna hefur starfað sem leikkona síðan árið 2010 bæði á sviði og í kvikmyndum. Hún hefur farið með hlutverk í myndum eins og “Órói” og leikið í sýningum hjá Borgarleikhúsinu, t.d. “Sýningin sem klikkar” og “Ellý”. Birna hefur einnig verið í sýningarhóp Improv Íslands frá árinu 2016. Birna hefur unnið til Edduverðlaun fyrir besta leik í aukahlutverki fyrir leik sinn í sjónvarpsþáttaröðinni “Réttur”.

Birna kennir þessa áfanga á vormisseri 2021:

Spuni | LEI213G

IMDB

Eric Reis

Kennari í leiklist

Leiklist 3 | LEI311G

IMDB

Þorsteinn Gunnar Bjarnason

Kennari í leiklist

Þorsteinn Gunnar hefur leikstýrt og leikið í fjölda kvikmynda. Hann starfar mikið sem leikaraþjálfi fyrir íslenskar kvikmyndir og kennir einnig leiklist fyrir börn og fullorðna. Hann leikstýrði myndinni “Jóhannes” árið 2009 og hann hefur tekið þátt í ýmsum verkefnum tengdum kvikmyndagerð.

Þorsteinn kennir þessa áfanga á vormisseri 2021:

Leikur í senum | LEI321G

Útskriftarmynd | LEI422G

IMDB

Rut Sigurðardóttir

Kennari í leik og hreyfingu

Rut hefur starfað við ljósmyndun og sem tökukona frá árinu 2015. Um þessar mundir er hún sjálfstætt starfandi og hefur tekið upp fjölmörg tónlistarmyndbönd og heimildarmyndir. Hún hefur einnig skotið heilmikið af auglýsingum fyrir íslensk stórfyrirtæki. Heimildarmyndin “UseLess - Documentary on Food and Fashion Watse”, sem hún skaut hefur unnið til margra verðlauna m.a. Edduverðlauna fyrir bestu heimildarmynd árið 2018.

Rut kennir þessa áfanga á vormisseri 2021:

Leikur og hreyfing 4 | LEI404G

IMDB

Stefán Vilhelmsson

Kennari í raddþjálfun

Stefán hefur starfað mikið sem leikari og einnig mikið við talsetningar. Hann er meðlimur í leikhópnum Lottu  og hefur tekið þátt í fjölmörgum sýningum á þeirra vegum. Hann hefur talsett og lesið mikið inn á hljóðbækur. Stefán er einn af stofnendum Skýjasmiðjunnar og Frú Normu leikhúss. Hann hefur einnig starfað mikið við kennslu í sviðslistum og hefur kennt í grunnskólum, leiklistarnámskeiðum fyrir börn sem og fullorðna. Sýningar sem hann hefur tekið þátt í með leikhópnum Lottu hafa margsinnis verið tilnefnd til verðlauna eins og Grímunnar.

Stefán kennir þessa áfanga á vormisseri 2021:

Leikur og rödd 4 | LEI408G

IMDB