Skapandi tækni Deild 2

Tveggja ára diplóma nám í Skapandi tækni við gerð kvikmynda.

Skapandi tækni

Frábærir atvinnumöguleikar eftir skemmtilegt og lifandi nám

Tveggja ára diplómanám (120 ECTS einingar) við Kvikmyndaskóla Íslands

+

Eitt ár (60 ECTS einingar) í kvikmyndafræði*

=

BA-gráða í kvikmyndagerð*

*Námsleiðin er í viðurkenningarferli hjá Mennta- og menningarmálaráðuneytinu.

Viltu koma hlutunum á hreyfingu?

Nemendur í Skapandi tækni öðlast færni í fjórum grunnstoðum kvikmyndagerðar: kvikmyndatöku, klippingu, hljóðvinnslu og myndbreytingu (visual effects). Mikið er lagt upp úr verklegu námi þar sem nemendur fá að spreyta sig á fjölbreyttum verkefnum undir handleiðslu færustu sérfræðinga okkar.

Ef þú ert nýstúdent af listabraut eða með brennandi áhuga á skapandi, verklegu námi í kvikmyndagerð þá erum við að leita að þér.

Af hverju Skapandi tækni?

  1. Kvikmyndaskóli Íslands er verklegur skóli þar sem nemendur skrifa, framleiða, leika, klippa, vinna og leikstýra sínum eigin myndum meðan á náminu stendur. Allt skólahald snýst um kvikmyndagerð frá fyrstu mínútu til útskriftar.

  2. Inntökuviðtöl eru að lágmarki tvisvar í mánuði og öllum umsóknum svarað innan 40 daga.

  3. Aldrei eru teknir fleiri en 12 nýnemar í bekk. Séu bekkir fullir er hægt að skrá sig á biðlista.

  4. Allir helstu kvikmyndagerðarmenn landsins kenna eða hafa kennt við skólann. Flestir þeirra eru með háskólapróf og menntun erlendis frá. Nemendum eru tryggð tengsl við reynslumikið fólk úr iðnaðinum.

  5. Kvikmyndaskóli Íslands er einkaskóli sem starfar með viðurkenningu Mennta- og menningarmálaráðuneytisins.

  6. Fari námið fram í íslensku deild þá greiðir ríkið 50% af kostnaði við hvern nemanda á móti skólagjöldum miðað við 140 til 160 nemendur. Stefnan er að halda skólagjöldum hóflegum enda er rekstur skólans ekki hagnaðardrifinn.

  7. Með ári til viðbótar í kvikmyndafræði við geta nemendur útskrifast með BA-gráðu

    *Námsleiðin er í viðurkenningarferli hjá Mennta- og menningarmálaráðuneytinu.

  8. Skapandi tækniþekking er eftirsótt og kemur alltaf til með að nýtast í heimi þar sem kvikmynda- og sjónvarpsiðnaður fer hraðvaxandi ásamt örri þróun samskiptamiðla. Hér er um að ræða einstaklega praktískt nám enda eru atvinnumöguleikar fólks með þessar fjórar greinar á valdi sínu nánast óþrjótandi. Margir hefja sjálfstæðan rekstur að loknu námi eða halda utan til framhaldsnáms.

  9. Ef þú vilt læra eitthvað praktískt og tileinka þér færni í að töfra fólk upp úr skónum þá ættir þú að skoða nám í Skapandi tækni við Kvikmyndaskóla Íslands.

  10. Kvikmyndaiðnaðurinn er í örum vexti. Nýjungar í myndmiðlun og sjónvarpi kalla á fagleg vinnubrögð og sérþekkingu. Með slíka menntun gefast þér fjölmörg tækifæri til að láta ljós þitt skína.

  11. Það má læra kvikmyndagerð á ýmsa vegu en tveggja ára nám við KVÍ er fljótlegasta leiðin sem þú finnur til að ná tökum á faginu, finna þína styrkleika og byggja um leið upp öflugt tengslanet til framtíðar.

  12. Eftir áratugi af bóknámi áttu skilið að komast í nám sem hjálpar þér að koma þínum eigin hugmyndum í framkvæmd.

  13. Kvikmyndaskóli Íslands býður í dag heimsins besta grunnnám á sínu sérsviði; að taka við byrjendum í faginu, mennta í tvö ár og útskrifa sem fagfólk.

Fagstjórar skapandi tækni

Davíð Alexander Corno

Davíð hefur starfað við kvikmyndagerð í næstum áratug, fyrst og fremst sem klippari, en þó einnig sem leikstjóri, kvikmyndatökumaður og önnur störf á setti. Hann hefur klippt sína eigin heimildamynd ("7 ár"), allar myndir Benedikts Erlingssonar í fullri lengd ("Hross í oss", "Show of Shows" og "Kona fer í stríð"), fleiri myndir í fullri lengd ("Sumarbörn", "Undir Halastjörnu") og er eins og stendur að klippa heimildamyndirnar "3. póllinnn" (í leikstjórn Andra Snæs Magnasonar og Anní Ólafsdóttur) og "14 ár" (sem hann leikstýrir sjálfur ásamt Áslaugu Einarsdóttur).

Tómas Örn Tómasson

Tómas hefur tengst kvikmyndagerð allt frá því hann var í Verzlunarskóla Ísland. Eftir útskrift þaðan fór hann í Háskóla Íslands og Köbenhavn Universitet, þar sem hann lagði stund á sagnfræði. Samhliða náminu tók hann að sér alla þá vinnu sem bauðst og tengdist kvikmyndatöku. Tómas sá fyrir sér að gerast heimildamyndagerðarmaður, þar sem hann myndi skrifa, kvikmynda og leikstýra eigin verkum. Þegar hann kom heim úr námi sumarið 1996, bauðst honum ýmis vinna tengd kvikmyndagerð. Það var síðan árið 2002 að hann ákvað að snúa sér alfarið að kvikmyndatökunni. Á heimasíðu Tómasar er starfsreynsluágrip og tenglar í helstu verkefnin sem hann hefur kvikmyndað. www.tomastomasson.com

Kjartan Kjartansson

Kjartan er einn af reyndustu hljóðmönnum landsins. Hann hefur annast hljóðsetningu á mörgum af frægustu bíómyndum íslenskrar kvikmyndasögu, og eru verk á borð við "Sódómu Reykjavík", "Myrkrahöfðingjann" og "Engla Alheimsins".

Rob Tasker

Rob hefur unnið við kvikmyndir, sjónvarp og auglýsingar síðan 2008. Með yfir 40 titla á sínum starfsferli hefur Rob verið tilnefndur til verðlauna þó nokkrum sinnum fyrir verk sín, t.d. Primetime Emmy Awards fyrir sjónvarpsseríuna "Hannibal" og tvisvar sinnum verið tilnefndur til Canadian Screen Award fyrir kvikmyndina "Wet Bum" og fyrir sjónvarpsseríuna "Copper". Hann hefur unnið við framleiðslu við hin ýmsu fyrirtæki eins og SagaFilm, Universial Pictures, NBC, Warner Brothers, 20th Century Fox, New Line Cinema, Sony Pictures, SyFy og mörg fleiri. 

Hæfniviðmið deildar 2

  1. Þekking

    1. Þekking og skilningur.
    Nemandi öðlist:

    1.1  Verklega, fræðilega, tæknilega og faglega þekkingu á kvikmyndatöku og lýsingu.

    1.2  Verklega, fræðilega, tæknilega og faglega þekkingu á hljóðupptöku og hljóðvinnslu.

    1.3  Verklega, fræðilega, tæknilega og faglega þekkingu á klippingu kvikmynda.

    1.4  Þekkingu á myndvinnsluforritum til litgreiningar og eftirvinnslu kvikmynda.

    1.5  Þekkingu og skilning á straumum og stefnum í myndlistarsögunni.

    Leikni
    2. Nemandi öðlist hagnýta færni og leikni:

    2.1  Í kvikmyndatöku og lýsingu sem kvikmyndatökumaður í margvíslegum kvikmyndaverkefnum.

    2.2  Og reynslu í hljóðupptöku og hljóðvinnslu í margvíslegum kvikmyndaverkefnum.

    2.3  Og reynslu sem klippari í margvíslegum kvikmyndaverkefnum.

    2.4  Í notkun myndvinnsluforrita.

    2.5  Í að setja saman gott framleiðsluteymi.

    2.6  Í að meta hugtök, strauma og stefnur í myndlist.


    Hæfni
    3. Nemandi öðlist hæfni til að:

    3.1  Vinna sem skapandi og faglegur kvikmyndatökumaður.

    3.2  Vinna sem skapandi og faglegur hljóðhönnuður í kvikmyndum.

    3.3  Vinna sem skapandi og faglegur klippari í kvikmyndum.

    3.4  Litgreina og eftirvinna kvikmyndir.

    3.5  Nota þekkingu sína á myndlist á skapandi hátt í kvikmyndagerð.

    3.6  Nýta sér grunnþekkingu á störfum framleiðenda í framleiðslu á lokaverkefni sínu á 4. misseri.

    3.7  Koma hugmyndum sínum í handritsform.

  2. 1. Þekking og skilningur
    1.1 Nemandi öðlist verklega, fræðilega, tæknilega og faglega þekkingu á kvikmyndatöku og lýsingu.

    2. Hagnýt færni og leikni
    2.1 Nemandi öðlist leikni í kvikmyndatöku og lýsingu sem kvikmyndatökumaður í margvíslegum kvikmyndaverkefnum.

    3. Hæfni sem hagnýting þekkingar og leikni
    3.1 Nemandi öðlist hæfni til að vinna sem skapandi og faglegur kvikmyndatökumaður.

  3. 1. Þekking og skilningur
    1.1 Nemandi öðlist verklega, fræðilega, tæknilega og faglega þekkingu á hljóðupptöku og hljóðeftirvinnslu.

    2. Hagnýt færni og leikni
    2.1 Nemandi öðlist leikni og reynslu í hljóðupptökum og hljóðvinnslum á margvíslegum kvikmyndaverkefnum.

    3. Hæfni sem hagnýting þekkingar og leikni
    3.1 Nemandi öðlist hæfni til að vinna sem skapandi og faglegur hljóðhönnuður í kvikmyndum.

  4. 1. Þekking og skilningur
    1.1 Nemandi öðlist verklega, fræðilega, tæknilega, sögulega og faglega þekkingu á klippingu kvikmynda.

    2. Hagnýt færni og leikni
    2.1 Nemandi öðlist leikni og reynslu sem klippari í margvíslegum kvikmyndaverkefnum.

    3. Hæfni sem hagnýting þekkingar og leikni
    3.1 Nemandi öðlist hæfni til að vinna sem skapandi og faglegur klippari í kvikmyndum.

  5. 1. Nemandi öðlist þekkingu og skilning á:

    1.1  Myndvinnslu og myndbrellum í kvikmyndagerð.

    1.2  Grafíkforritum.

    2. Nemandi öðlist hagnýta færni og leikni í:

    2.1  Adobe After Effects forriti fyrir hreyfigrafík.

    2.2  Black Magic Fusion forriti fyrir myndbreytingar.

    2.3  Black Magic Resolve forriti fyrir litvinnslu.

    2.4  Adobe Photoshop myndvinnsluforriti.

    3. Nemandi öðlist hæfni til að:
    3.1. Vinna með faglegum og skapandi hætti með ýmis myndvinnsluforit.
    3.2 Taka að sér eftirvinnslu í kvikmyndum.

Kennsluskrá

Deild 2 | Skapandi tækni

Fyrsta misseri

  1. Námskeiðið er bæði fræðilegt og verklegt. Í fræðilega hlutanum er fjallað um kvikmyndatöku og lýsingu, gerð og uppbyggingu kvikmyndatökuvélarinnar, ólík upptökuform, linsufræði og filtera og fleira er lýtur að tökuvélinni. Þá er fjallað um ljós og lampabúnað, ljóshita og ljósmælingar og ýmsar grunnreglur sem liggja að baki lýsingu. Í verklega hlutanum vinna nemendur síðan ýmsar æfingar í stúdíói, þar sem áhersla er lögð á að þeir nái að sannreyna þá fræðilegu þekkingu sem þeir hafa öðlast.

  2. Námskeiðið er bæði fræðilegt og verklegt. Grunnhugtök hljóðeðlisfræðinnar eru útskýrð fyrir nemendum. Þá er upptökukeðjan útskýrð ásamt þeim tækjum sem þar koma við sögu. Nemendur vinna létt hljóðupptökuverkefni, ýmis hljóðeftirvinnsluverkefni um leið og þeir læra á hljóðeftirvinnsluforrit.

  3. Starf klipparans er skilgreint og sett í samhengi. Nemendur læra á klippiforritið, læra um eiginleika stafrænna mynd- og hljóðskráa og hvernig eigi að meðhöndla efniviðinn. Farið er vandlega í stöðu aðstoðarklippara; áhersla á skipulag og skráningu á öllum þeim upplýsingum sem klippari þarf áður en lagt er af stað, og hvaðan þær upplýsingar koma. Í kjölfarið fá nemendur styttra verkefni á borð við tónlistarmyndband eða stiklu til að spreyta sig á í klippiforritinu.

  4. Sögulegur inngangur þar sem myndbrellur úr kvikmyndasögunni eru skoðaðar. Jafnframt er skoðað það nýjasta sem er að gerast í myndvinnslu kvikmynda. Kynnt eru myndvinnslu- og grafíkforrit sem eru mikilvæg í iðnaðinum í dag, After Effects, Premiere Pro frá Adobe, Da Vinci Resolve og Fusion frá Blackmagic. Nemendur gera æfingar með tæknibrellum og grafík og fá að kynnast því að eigin raun hvað felst í þeim fjölmörgu sviðum sem snúa að myndbrellum og myndbreytingum.

  5. Nemendur vinna að hámarki 7 mínútna langa stuttmynd í hópavinnu með öðrum deildum þar sem nemendur leggja áherlsu á sérsvið sinnar deildar. Markmið er að verkefnið sér fullunnið kvikmyndaverk af einhverju tagi. Áhersla er lögð á að nemendur vinni með eigin hugmyndir og byggi á þeirri reynslu í vinnslu kvikmynda sem þau hafa fengið í öðrum námskeiðum misserisins.

  6. Námskeiðið er byrjunarnámskeið á 1. misseri og markmið þess er að kenna nemendum grunnatriði í framleiðslu kvikmynda og meðhöndlun og notkun tækja- og tæknibúnaðar í kvikmyndagerð. Jafnframt er farið yfir grunnatriði myndmálsins. Námskeiðið er þrískipt: 1. Undirbúningur - Framleiðsla kvikmynda. 2. Tökustaður - Kvikmynda- og hljóðupptaka. 3. Eftirvinnsla - Klipping og frágangur.

  7. Nemendur í öllum deildum þurfa á hverju misseri að skila 1 einingu í samstarfi við aðrar deildir. Markmiðið er að hver deild hafi aðgengi að öllum hinum og upp úr því þróist skapandi samband.

  8. Helstu kvikmyndir sögunnar kynntar, sýndar og ræddar. Sýndar eru tíu myndir á hverju misseri, alls 40 kvikmyndir. Hvert misseri er hugsað sem sneiðmynd af sögunni. Myndirnar eru sýndar að mestu í tímaröð og ná allt frá þögla tímabilinu og fram á seinni hluta tuttugustu aldar. Myndirnar eru kynntar með fyrirlestrum og nemendur taka þátt í umræðum um þær.

Annað misseri

  1. Á námskeiðinu er aðalverkefnið að segja sögu í myndum. Nemendur fá skrifaðar sögur sem þeir þurfa að yfirfæra í myndmál, án orða. Mikil áhersla er lögð á vandaðan undirbúning og að nemendur vinni meðvitað um aðferðir og stíl.

  2. Nemendur á 2. misseri fá kennslu í notkun fjölrása hljóðupptökutækis, þráðlausra hljóðnema og þeirra tækja sem koma við sögu við hljóðupptökur á setti. Nemendur hljóðeftirvinna stuttar myndir sem þeir hafa ýmist unnið í öðrum áföngum eða valdar eru af kennara. Þættir sem koma við sögu eru: (a) Hljóðritun á áhrifahljóðum, eftirsamstillingu og foley-i (áhrifahljóð í hljóðveri framkvæmd í samstillingu við mynd). (b) Hljóðeftirvinnsla þar sem allir þættir í lið "a" ásamt áhrifahljóðum úr hljóðsafni koma saman.

  3. Nemendur glíma við að klippa leikið efni, eftir sjálfa sig og aðra. Áhersla á frásögn, takt og að koma bæði upplýsingum og tilfinningum til skila. Nemendur fá einnig dýpri þekkingu á hinu stafræna vinnu umhverfi, myndþjöppun og skyldum klippara sem öxuls eftirvinnslunnar. Grunnhugtök í litgreiningu og lokafrágangi kvikmynda verða kynnt til sögunnar. Auk þess verður farið í listræna og tæknilega sögu klippingar og kvikmyndir greindar með tilliti til klippingar.

  4. Nemendum er veitt innsýn í forritin Adobe After Effects og Blackmagic Fusion. Farið er yfir viðmót og helstu eiginleika forritana. Aðaláherslan er lögð á hreyfanlega grafík í hvers kyns titlagerð og hvernig við breytum lifandi myndefni. Nemendur vinna ýmis verkefni og markmiðið er að þeir öðlist hæfni til að nýta sér þá möguleika sem forritin bjóða upp á.

  5. Nemendur fá innsýn í starf leikmyndahönnuða í kvikmyndagerð. Þeir vinna að hönnun og gerð leikmyndar, í einni eða fleiri senum, eftir framlögðu handriti. Leikmyndin er síðan kvikmynduð og árangur metinn.

  6. Yfirlitsáfangi með áherslu á tengsl kvikmynda og myndlistar. Hvað geta kvikmyndir lært af myndlistinni? Einkenni ýmissa myndlistartímabila eru skoðuð. Dæmi eru tekin úr kvikmyndasögunni sem sýna náin tengsl kvikmynda við ákveðin myndverk eða myndlistarmenn, og hvernig myndlist hefur nýst kvikmyndagerðarmönnum og orðið þeim innblástur fyrir kvikmyndaverk.

  7. Námskeiðið er framhaldsnámskeið frá KJA101G. Markmiðið er að styrkja enn frekar grunnþekkingu nemenda á helstu sviðum kvikmyndagerðar. Hver nemandi gerir síðan mynd sem á að sýna persónulegan stíl og færni nemanda á hans áhugasviði. Myndin á að geta staðið sem kynningarmynd um nemandann.

  8. Nemendur í öllum deildum þurfa á hverju misseri að skila 1 einingu í samstarfi við aðrar deildir. Markmiðið er að hver deild hafi aðgengi að öllum hinum og upp úr því þróist skapandi samband.

  9. Helstu kvikmyndir sögunnar kynntar, sýndar og ræddar. Sýndar eru tíu myndir á hverju misseri, alls 40 kvikmyndir. Hvert misseri er hugsað sem sneiðmynd af sögunni. Myndirnar eru sýndar að mestu í tímaröð og ná allt frá þögla tímabilinu og fram á seinni hluta tuttugustu aldar. Myndirnar eru kynntar með fyrirlestrum og nemendur taka þátt í umræðum um þær.

Þriðja misseri

  1. Á námskeiðinu er farið dýpra í ýmsa fræðilega þætti kvikmyndatöku, linsufræði, ljósfræði og filtera. Nemendur gera verkefni/heimildamynd þar sem þeir taka upp prufur og móta stíl myndar. Kynnt er skipulag og almennir verkferlar tengdir kvikmyndatöku á framleiðslu fullunninar kvikmyndar.

  2. Nemendur öðlist skilning á þeim hughrifum sem hægt er að ná fram hjá áhorfendum kvikmynda með hljóðrás og hvernig nýta má þau áhrif til að styðja við og bæta við myndræna frásögn. Skoðuð verða dæmi úr kvikmyndum og þau greind út frá dramatík í frásögn. Nemendur búa til hljóðfrásögn án myndar í hljóðforriti (ProTools). Þeir hljóðvinna atriði teiknimyndar og talsetja hana með leikurum í samstarfi við Leiklistardeild. Nemendur gera skýrslu þar sem þeir greina vinnu sína við verkefnin.

  3. Nemendur klippa eigin heimildamynd og læra starf klipparans sem höfundur og sögumaður. Kennt verður hvernig viðtöl eru skrásett og flokkuð, hvernig henda megi reiður á miklu myndefni og hveru langt og kræklótt ferli klipping á heimildarmynd getur orðið. Þá verður siðferðireglum og álitamálum, sem snúa að framsetningu á raunverulegu fólki, velt upp. Heimildamyndir af ólíkum toga verða greindar og ræddar. Hugað verður sérstaklega að lokafrágangi á læstri klippingu.

  4. Nemendur læra skjásamsetningar í After Effects. Farið er yfir hvernig hægt er að blanda skotum saman og mynda eina heild. Kennt er hvernig blöndun lykilmyndar við bakgrunn fer fram („green screen“). Nemendur læra að „tracka“ skot og kennd eru grunnatriði í Roto-forritinu. Þrívíddartökuvél og vinna með „3D layers“ eru skoðuð lauslega. Nemendur taka upp efni og eftirvinna í After Effects. Nemendur fá fyrirlestur um önnur eftirvinnsluforrit, s.s. Nuke og Maya. Þá læra þeir undirstöðu í litafræði og litgreina heimildamynd í litvinnsluforriti.

  5. Á námskeiðinu er fjallað um ýmis grundvallarlögmál hefðbundinnar handritsgerðar í kvikmyndagerð. Fjallað verður um uppbyggingu, form og stíl, samtöl, söguþráð og endi. Nemendur læra helstu grundvallaratriði í notkun handritsforrita. Þeir nemendur sem áhuga hafa á að skrifa sjálfir handritið að lokaverkefni sínu á 4. misseri geta nýtt þetta námskeið til undirbúnings.

  6. Hver nemandi velur sér tvö sértæk svið innan sérgreina deildarinnar þar sem hann vill ná betri tökum á faginu. T.d. lýsingu innan kvikmyndatöku, upptökur á viðbótarhljóði (foley), hljóðvinnlsu o.s.frv. Valið er kynnt í upphafi misseris til námsstjóra sem kemur nemendum í læri hjá sérfræðingum á völdum sviðum.

  7. Fjallað er um myndmál og myndbyggingu með því að skoða og skilgreina atriði úr kvikmyndum frá hinum ýmsu tímum. Í samráði við leiðbeinendur sviðsetja nemendur senu og skoða hvernig myndmálið hefur áhrif á framgang hennar og upplifun áhorfandans á henni.

  8. Nemendur í öllum deildum þurfa á hverju misseri að skila 1 einingu í samstarfi við aðrar deildir. Markmiðið er að hver deild hafi aðgengi að öllum hinum og upp úr því þróist skapandi samband.

  9. Helstu kvikmyndir sögunnar kynntar, sýndar og ræddar. Sýndar eru tíu myndir á hverju misseri, alls 40 kvikmyndir. Hvert misseri er hugsað sem sneiðmynd af sögunni. Myndirnar eru sýndar að mestu í tímaröð og ná allt frá þögla tímabilinu og fram á seinni hluta tuttugustu aldar. Myndirnar eru kynntar með fyrirlestrum og nemendur taka þátt í umræðum um þær.

Fjórða misseri

  1. Námskeiðið tengist útskriftarverkefni nemanda. Í upphafi er upprifjun á ýmsum fræðilegum og tæknilegum þáttum sem kenndir hafa verið á fyrri námskeiðum. Nemendur þurfa að þreyta skriflegt og verklegt próf sem staðfestir hæfni þeirra. Á námskeiðinu skulu nemendur vinna undirbúningsvinnu fyrir tökur á lokamynd, ákveða tökustíl, gera prufur, skotlista eða gólfplön þannig að þeir séu vel undirbúnir fyrir tökurnar. Nemandi skal leggja fram undirbúningsgögn til mats. Nemandi stjórnar síðan upptökum á lokaverkefni sínu og kvikmyndatakan er metin til einkunnar.

  2. Námskeiðið tengist útskriftarverkefni nemenda. Í upphafi er upprifjun á ýmsum fræðilegum og tæknilegum þáttum sem kenndir hafa verið á fyrri námskeiðum. Nemendur þurfa að þreyta skriflegt og verklegt próf sem staðfestir hæfni þeirra. Áður en nemendur fara í tökur á lokaverkefnum sínum er stutt upprifjun á því sem helst þarf að hafa í huga á tökustað og nemendur fá tækifæri til að bera fram spurningar varðandi verkefni sín til leiðbeinanda. Stærsti hluti námskeiðisins fer síðan í hljóðvinnslu lokaverkefnis þar sem leiðbeinandi er hverjum og einum til halds og trausts og nemendur geta fengið þá aðstoð og ráð sem þeir biðja um. Sé nemandi ekki með lokaverkefni sem getur tengst þessum áfanga skal hann í samráði við leiðbeinanda hljóðvinna verkefni sem getur borist utan frá eða frá öðrum sérsviðum og skal þá uppfylla mat leiðbeinanda varðandi hæfni og kröfur.

  3. Að lokinni stuttri upprifjun felst námskeiðið alfarið í klippingu á útskriftarverkefnum, þar sem nemendur nýta sér alla þá þekkingu og leikni sem þeir hafa tileinkað sér. Kennari er á þessu stigi málsins fyrst og fremst ráðurnautur og leiðbeinandi, en gætir þess að fagleg áverkni og yfirferð einkenni klippiferlið og hefur yfirumsjón með því.

  4. Námskeiðið er tengt útskriftarnámskeiði nemandans, SKT423G. Í upphafi er upprifjun á þeim atriðum sem kennd hafa verið á fyrri námskeiðum. Nemendur þurfa að þreyta próf sem staðfestir hæfni þeirra. Nemandi litvinnur, hannar titla og myndbrellur í lokamynd sinni. Myndvinnslan er metin sérstaklega til einkunnar. Leiðbeinandi er til halds og trausts í vinnsluferlinu.

  5. Námskeið í framleiðslu kvikmynda. Námskeiðið á að nýtast nemendum við undirbúning útskriftarverkefnis. Námskeiðinu er fylgt eftir með vikulegum fundum þar sem nemendur framleiða sína eigin mynd með það að markmiði að tökur gangi sem best fyrir sig.

  6. Lokaverkefni á fjórða misseri er sjálfstætt einstaklingsverkefni að eigin vali unnið í samráði við leiðbeinanda. Hér er um að ræða kvikmyndaverk af einhverju tagi; að hámarki 15 mínútur að lengd. Öll námskeið misserisins, fyrir utan kjarnafög, samtvinnast þessu verkefni. Yfirleiðbeinandi lokaverkefnis fundar reglulega með nemendum á undirbúningstímabilinu og veitir handritaráðgjöf og ráðleggingar varðandi leikstjórn. Að loknum tökum taka við þrír eftirvinnsluáfangar; klipping, hljóðvinnsla og litaleiðrétting, og tengjast þeir allir útskriftarverkinu. Þar njóta nemendur fulltingis yfirleiðbeinanda en fá jafnframt ráðleggingar frá sérfræðingum á sviði klippingar, hljóðvinnslu og litaleiðréttingar, allt með það að markmiði að skapa fagmannlegt útskriftarverkefni.

  7. Fjallað er um kvikmyndagerð nútímans. Hvaða stefnur og straumar hafa verið ríkjandi síðasta áratuginn, hvað er að gerast núna og hvert virðist stefna í nánustu framtíð. Á námskeiðinu er mikið lagt upp úr þátttöku nemenda í að rannsaka og finna svör við þessum spurningum. Nemendur vinna verkefni þar sem þeir fjalla um áhrifavalda í samtímanum.

  8. Nemendur í öllum deildum þurfa á hverju misseri að skila 1 einingu í samstarfi við aðrar deildir. Markmiðið er að hver deild hafi aðgengi að öllum hinum og upp úr því þróist skapandi samband.

  9. Helstu kvikmyndir sögunnar kynntar, sýndar og ræddar. Sýndar eru tíu myndir á hverju misseri, alls 40 kvikmyndir. Hvert misseri er hugsað sem sneiðmynd af sögunni. Myndirnar eru sýndar að mestu í tímaröð og ná allt frá þögla tímabilinu og fram á seinni hluta tuttugustu aldar. Myndirnar eru kynntar með fyrirlestrum og nemendur taka þátt í umræðum um þær.

  10. Námskeiðinu er ætlað að undirbúa nemendur fyrir þáttöku á atvinnumarkaði. Fjallað er um stofnun fyrirtækja, helstu starfssamninga og skyldur sem þeim fylgja fyrir verktaka. Farið er yfir opinber gjöld sem standa þarf skil á s.s. virðisaukaskatt, lífeyrissjóðsgjöld, félagsgjöld og tryggingagjöld. Nemendur vinna að styrktarumsókn til Kvikmyndastöðvar Íslands með kostnaðaráætlun.

Nemendur skrifa...

"Ég útskrifaðist frá Skapandi Tækni vorið 2010 og hef verið að vinna við kvikmyndagerð síðan. Þessi tvö ár í Kvikmyndaskólanum reyndust mér mjög vel, skemmtileg og fræðandi. Skólinn er kjörinn vettvangur til að prufa sig áfram, undir góðri leiðsögn fagfólks úr bransanum. Maður öðlast fljótt grunnþekkingu á flestum sviðum kvikmyndagerðar, t.d. hljóðvinnslu, kvikmyndatöku, lýsingu, klippingu, framleiðslu o.m.fl. Skólinn skilaði mér miklu og góðu tengslaneti, sem ég tel nauðsynlegt að hafa til að koma sér af stað í bransanum. Ég mæli hiklaust með þessu námi fyrir alla þá sem hafa áhuga á að starfa við kvikmyndagerð í framtíðinni."

Matthías Hálfdánarson