Vonandi fannstu það sem þú varst að leita að

Eftir ævintýraríka viku, þar sem við fengum að njóta verka nemenda okkar sem þeir hafa unnið að hörðum höndum síðastliðna önn og þar á meðal stórkostlegra útskriftarmynda, var komið að útskrift haustannar 2019. Við gátum stolt útskrifað kvikmyndagerðarfólk sem mun án efa setja mark sitt á framtíðina.

Frá deild Handrita og Leikstjórnar útskrifuðust

Fannar Smári Birgisson, Ragnar Óli Sigurðsson og Kristinn Finnsson

Frá deild Leikstjórnar og Framleiðslu útskrifuðust

Gunnar Ágúst Stefánsson og Kristinn Örn Elfar Clausen

Viðurkenningu fyrir góða ástundun hlaut Kristinn Finnsson og viðurkenningu fyrir bestu mynd annarinnar, “Bjarkann”, hlaut Kristinn Örn Elfar Clausen fyrir mynd sína “Pabbi minn” .

Við óskum nemendum okkar innilega til hamingju með árangurinn og munum spennt fylgjast með framtíðar verkum þeirra.

Í dag, 23. maí útskrifuðust 30 nemendur úr Kvikmyndaskóla Íslands við hátíðlega athöfn í Bíó Paradís. Þetta er annar veturinn sem Kvikmyndaskólinn starfar í húsnæði sínu að Grensásvegi  1. Nemendur útskrifuðust úr öllum deildum; Leikstjórn/framleiðslu, Skapandi tækni, Handriti/leikstjórn og Leiklist.

Við útskriftina í dag voru veitt eftirtalin verðlaun.

Ólafur Einar Ólafarson hlaut verðlaun fyrir bestu mynd. Haraldur Bjarni Óskarsson hlaut viðurkenningu fyrir bestu mynd  í Deild 1, Leikstjórn/framleiðsla. Fyrir bestu mynd í Deild 4, Leiklist hlaut Sigmar Ingi Sigurgeirsson viðurkenningu og Haukur Karlsson var verðlaunahafi Deildar 2, Skapandi tækni. Kolbrún Völkudóttir viðurkenningu fyrir framúrskarandi námsárangur og frábæra ástundun náms.

Við óskum öllum útskriftarnemum á vorönn 2015, innilega til hamingju með þennan glæsilega árangur.

Bylgja Balýlons stendur í ströngu þessa dagana. Hún ferðast heimshornanna á milli en hún er m.a. þátttakandi í keppninni Jokenation sem stendur þessa dagana þar sem leitað er heimsins besta uppistandara og er haldið af Montreux Comedy.

Nei, ég hef ekki sent vidjó í svona áður, gerði það fyrir svona mánuði og var satt best að segja löngu búin að gleyma því þar til í dag að ég komst að því fyrir tilviljun að ég hefði komist áfram og að það væri búið að vera opið fyrir kosninguna síðan 1. október.

segir Bylgja um uppátækið og bætir við hlæjandi að svona sé það nú að vera með athyglisbrest en leikkonan, sem er útskrifuð úr Kvikmyndaskóla Íslands hefur sannarlega verið á ferð og flugi síðustu vikur.

Ég var að klára túr með “comedy estonia” sem var fjögurra daga langur um Eistland, Lettland og Finnland. Þaðan fór ég svo beint til London þar sem ég og Snjólaug, sem er líka uppistandari ætlum að taka þátt í fullt af “open mic” kvöldum og einnig kvöldum sem okkur var boðið á eftir að hafa sent inn myndbönd til yfirskoðunar “smile emoticon”.

Bylgja er enn stödd í London en hún segir leiklistarnámið vera frábæran undirbúning fyrir uppistandið. En hvernig er þessi flækingur milli landa; er ekki skopskin Englendinga og íbúa Eystrasalts nokkuð ólíkt?

Það eina sem breytist raunverulega í dagskránni milli landa eru staðarheiti og svona “lókal” einkahúmor sem maður verður að vinna með en annars er það eins í öllum löndum, fólk sem kemur á uppistönd kemur til að hlæja og flestir geta hlegið að kúka og blæðingabröndurum

Atriði Bylgju í Jokenation er bráðfyndið og hvetjum við ykkur til að horfa, hlæja og kjósa hana í hvelli.

Bylgja Babýlons: Leiklistin góður undirbúningur fyrir uppistand

Gabriellu þakkað –  Mikil ánægja með kvikmyndatökuvélar Blackmagic Design meðal nemenda

Ólöf Birna Torfadóttir segir okkur frá námi, framtíðarplönum og vinnu eftir útskrift

Er ekki tími komin á að láta ljós þitt skína í heimi kvikmyndagerðar ? Nú er frábært tækifæri til að fá betri sýn á námið sem við bjóðum upp á, en innan skólans eru fjórar deildir ;

Leikstjórn og Framleiðsla /  Skapandi Tækni / Handrit og Leikstjórn /  Leiklist

Núna á fimmtudaginn, 21.febrúar, verðum við með opið hús frá klukkan 13:00 til 16:00, tilvalið tækifæri til að kynna sér starfsemi skólans, kíkja við í tíma og ræða við starfsfólk.

Það verða skipulagðar skoðunarferðir í boði starfsfólks um skólann á 30 mínútna fresti frá klukkan 13:30 til 16:00

Frekari upplýsingar um viðburðinn má nálgast á FB síðu Kvikmyndaskólans  , hlökkum til að sjá ykkur ! 


Kvikmyndaskólinn býður þér í heimsókn !

Þríeykið Efri Hólabræður náðu heimsathygli fyrir fjórum árum með myndbandi sínu kenndu við sleif en nú hafa þeir félagar sent frá sér nýtt myndband undir heitinu „Kópasker the musical“.

Ottó Gunnarsson er útskrifaður úr Leikstjórn/Framleiðslu hjá Kvikmyndaskóla Íslands og bróðir hans Óli Jón úr Leiklistardeild. Saman hafa þeir ásamt þriðja bróðurnum, Ómari gert þorrablótsmyndbönd síðustu ár og er það nýjasta sannarlega metnaðarfullt eins og fram kemur í grein um þá bræður í DV.

Þeir sem tóku þátt eru meira og minna allt brottfluttir úr bænum, við bræðurnir, unnusta mín Anna Karen, Stefán Jónsson áhugaleikari á Akureyri og svo Lilja Guðmundsdóttir söngkona. Sigurður Magnússon kvikmyndagerðarmaður var síðan okkur innan handar.

Segir jafnframt í greininni í DV að „Sleifaratriðið“ hafi náð til milljóna áhorfenda og er því spennandi að sjá hvernig hinu nýja myndbandi reiðir af.

Útskrifaðir bræður vekja athygli með myndbandinu „Kópasker the musical“

Við höfum vart undan að færa lesendum fréttir af afrekum Eyþórs Jóvinssonar sem útskrifaðist úr Kvikyndaskóla Íslands í desember síðastliðnum. Verkefni hans úr náminu hafa þegar skapað honum nafn í bransanum og greinilegt að vel er tekið eftir vinnu hans því hann hefur nú fengið útnefningu til Eddunnar fyrir bestu stuttmynd ársins 2016.

Allt gengur að óskum hjá seðlabankastjóra íslands, þar sem hann vinnur að losun gjaldeyrishafta landins. Dag einn ákveður hann að gefa 15 ára dóttir sinni blokkflautu að gjöf, sem hefur í för með sér ófyrirséðar afleiðingar.

Segir Eyþór um þetta verk sitt sem hann vann innan veggja skólans.

Smásagan Litla stund hjá Hansa kom upphaflega út árið 1985 og er eftir Þórarinn Eldjárn. Sagan greip mig strax, falleg, fyndin og dramatísk, allt í senn, hlaðin skemmtilegum karekturum. Ég aðlagaði söguna að handriti sem varð svo lokaverkefnið mitt á þriðju önn.

Litla Stund hjá Hansa var frumsýnd á Riff á seinasta ári og ekki er ólíklegt að hún eigi eftir að fara víða.

Nú er ég að bíða svara frá stórum erlendum kvikmyndahátíðum, í framhaldi af því reikna ég með að hún fari á hátíðarrúnt um heiminn.Þó sagan sé stutt þá er hún svo marglaga að mig dreymir um að gera þessa mynd í fullri lengd, enda þurfti ég að einfalda söguna mikið og fækka persónum svo hún myndi henta stuttmyndaforminu.

Þessa dagana er Eyþór skrifa handrit að kvikmynd í fullri lengd en hann fékk á dögunum handritsstyrk frá Kvikmyndasjóði Íslands til að vinna að því verkefnin.

Þetta handrit er byggt á útskriftrarmyndinni minni frá því í desember, um Arnbjörn.

Kvikmyndaskóli Íslands sendir Eyþóri hamingjuóskir með verðskuldaða upphefð síðust mánaða hann  er handhafi síðasta Bjarka, verðlauna skólans fyrir bestu útskriftarmynd haustsins 2016.

“Sagan greip mig strax” – Litla stund hjá Hansa eftir Eyþór Jóvinsson með Eddutilnefningu

Teitur Magnússon útskrifast nú í desember úr deildinni Handrit/leikstjórn úr  Kvikmyndaskóla Íslands og gerði sér lítið fyrir og fékk verðlaun fyrir frammúrskarandi námsárangur og ástundun.

Hann segir ástæðu þess að hann sótti um á sínum tíma í skólanum hafa verið hvatningu frá starfsfélaga sínum Óla.

Ég var að vinna á lager hjá ÁTVR og það var akkurat ekkert að frétta í byrjun janúar. Þannig að ég var að búa til einhver myndbönd á glænýja Iphone-inn sem ég hafði fjárfest í stuttu fyrir jól. Óli sagði ,,Afhverju sækirðu ekki um í KVÍ?,, Ég tók því full bókstaflega og sótti um.

Og það varð úr og nú tveimur árum síðar er hann á þeim tímamótum sem útskriftin er.

Þetta er eiginlega búið að vera of fljótt að líða. En ánægjulegt.

Þegar Teitur er inntur eftir efni útskriftarmyndar sinnar svarar hann um hæl:

Í fangelsi afneitunar reynir ung stúlka að endurheimta það sem hún hefur misst.

Teitur segir þetta þó ekki vera eina umfjöllunarefnið sem hann  brennur fyrir því hann er með verkefni á prjónunum eftir útskrift.

Ég er nú þegar byrjaður í hugmynda vinnu fyrir stuttmynd sem mig langar að gera á næsta ári. Ætli maður fari ekki að vinna eitthvað og reyna að safna sér einhverjum benjamins.

Myndin er tekin af Birtu Rán Björgvinsdóttur

Sér ekki eftir að taka áskorun Óla – Teitur Magnússon útskrifast úr KVÍ

Níu nemendur, útskrifaðir úr Kvikmyndaskóla Íslands, tóku þátt í gerð sumarsmellsins í ár, Bakk sem frumsýnd var í maí síðastliðnum.

Bakk hefur fengið frábæra dóma og notið mikilla vinsælda en þar er fjallað um tvo æskuvini sem ákveða að fylgja í fótspor föðurs annars þeirra og bakka hringinn í kringum Ísland til styrktar langveikum börnum.

Nöfn þeirra nemenda úr KVÍ sem komu að gerð myndarinnar eru Logi Ingimarsson, Hrefna Hagalín, Bergþóra Ólöf Björnsdóttir, Heiðar Eldberg Eiríksson, Baldvin Vernharðsson, Gunnar Kristinsson, Bent Kingo Andersen, Gunnar Ingi Gunnarsson og Róbert Orri Pétursson.

Níu útskrifaðir úr KVÍ tóku þátt í Bakk

Endurmenntun KVÍ fyrir útskrifaða nemendur

Leitað er að metnaðarfullum einstaklingi sem hefur þekkingu og reynslu af stjórnun og rekstri menntastofnunar. Aðstoðarrektor er yfirmaður stjórnsýslu skólans og mun bera ábyrgð á yfirfærslu Kvikmyndaskólans á háskólastig og uppbyggingu alþjóðlegrar deildar við skólann. Hann ber ábyrgð á gerð starfs- og rekstraráætlana skólans og er staðgengill rektors.

HELSTU VERKEFNI
Ábyrgð á daglegum rekstri skólans
Ábyrgð á að markmiðum kennslu og að staðlar séu uppfylltir
Ábyrgð á mannauði skólans, nemendum og starfsfólki
Umsjón með kynningarmálum skólans
· Umsjón með þróun skólans og uppbyggingu kennslu
· Þátttaka í stefnumótun og umbótastarfi

REYNSLA, HÆFNI OG ÞEKKING
· Framhaldsmenntun á háskólastigi sem nýtist í starfi
Doktorspróf er kostur
Kennsluréttindi skilyrði
· Reynsla og þekking á stjórnun og rekstri menntastofnunar
· Framúrskarandi hæfni í mannlegum samskiptum
· Reynsla og þekking á mannauðsmálum kostur
Reynsla og færni í kynningarmálum kostur
Reynsla og þekking á gæðamálum kostur

Kvikmyndaskóli Íslands er einkaskóli og hefur starfað frá árinu 1992. Boðið er upp á nám á framhaldsskólastigi en nú hefur skólinn sótt um viðurkenningu á háskólastigi á fræðasviði lista, á tveim undirsviðum, kvikmyndagerð og leiklist.

Boðið er upp á nám í fjórum deildum: Leikstjórn og framleiðsla, Skapandi tækni, Handrit og leikstjórn og Leiklist. Einnig er boðið upp á alþjóðlegar námsleiðir fyrir enskumælandi nemendur.

Umsækjendur sendi umsókn með ferilskrá og kynningabréfi á netfangið, katrin@projects.is. Fyrirspurnir skal senda á sama netfang. 


Umsóknafrestur hefur verið framlengdur til og með 28. júní nk.

Kvikmyndaskóli Íslands leitar að aðstoðarrektor

Mynd vikunnar i Övarpinu á Rúv er eftir nemanda úr Kvikmyndaskóla Íslands og heitir hún Falleg rödd.
Myndin er eftir Harald Bjarna Óskarsson en hann er útskrifaður úr Leikstjórn/Framleiðslu og var hún unnin í áfanga í heimildarmynda á 4. önn. Mynd Haralds fjallar um Andra Frey Sigurpálsson og undirbúning hans fyrir útskriftartónleikar á Café Rósenberg. Andri Freyr útskrifaðist úr leiklistardeild skólans en í umfjöllun Rúv-vefsins um þáttin er sagt að Andri sé…

…mjög einlægur, heillandi og að eðlisfari mjög fyndinn einstaklingur en hann getur ekki sungið til að bjarga lífi sínu.

Falleg rödd – Mynd vikunnar í Örvarpi Rúv

Fyrsta önn Leikstjórnar og Framleiðslu sátu námskeið í framleiðslu með Hlín Jóhannesdóttur (Bokeh, Svanurinn) og leikstjórn þar sem er unnið með leikaravinnu undir leiðsögn Þorsteins Bachman (Lof mér að falla, Vonarstræti) ásamt fyrstu önn Handrita og Leikstjórnar. Þriðja önn fór í SAM, þar sem þau fengu tækifæri til að vinna með öðrum nemendum í tökum.

Nemendur á fyrstu önn Skapandi Tækni sátu sinn fyrsta kúrs í klippingu undir leiðsögn Davíðs Alexander Corno (Undir Halastjörnu, Kona fer í stríð) ásamt kúrs í myndbreytingu undir leiðsögn Sigurgeirs Arinbjarnarsonar (Everest, Star Trek Discovery). Nemendur á annarri önn sátu kúrs í hljóðvinnslu með Kjartani Kjartanssyni (Sódóma Reykjavík) og einnig námskeið myndbreytingu þar sem þau vinna með “after effect” undir leiðsögn Sigurgeirs Arinbjarnarsonar (Everest, Star Trek Discovery). Þriðja önn tók fyrsta hluta sérhæfingar – þar sem hver og einn nemandi velur sérgrein og fær útlutaðan leiðbeinanda til að kynna sér það fag.

Fyrsta önn Handrita/Leikstjórnar sátu sitt fyrsta námskeið í handritum í fullri lengd undir leiðsögn Hrafnkels Stefánssonar (Kurteist Fólk, Borgríki) þar sem þau hefja vinnu að handriti sem þau munu vinna áfram með næstu annir, og leikstjórn þar sem er unnið er með leikaravinnu undir leiðsögn Þorsteins Bachman (Lof mér að falla, Vonarstræti) ásamt fyrstu önn Leikstjórnar og Framleiðslu. Þriðja önn lauk þriðja námskeiði sínu í handritum í fullri lengd, með Hrafnkeli Stefánssyni (Kurteist Fólk, Borgríki)  þar sem þau skrifuðu fyrstu drög að handriti í fullri lengd. Nemendur á fjórðu önn hófu tökur á útskriftar myndum sínum. 

Nemendur á fyrstu önn Leiklistar sátu námskeið í raddbeitingu og söng með Þórunni Ernu Clausen (Lói), Leik og hreyfingu þar sem unnið með líkamann í tjáningu með Guðmundi Elíasi Knudsen, og Leiktúlkun með Rúnari Guðbrandssyni (Svartur á leik, XL).  Nemendur á annari önn sátu námskeið í raddbeitingu hjá Þóreyju Sigþórsdóttur (Agnes, Kaldaljós) og unnu í leiktækni með Rúnari Guðbrandssyni (Svartur á leik, XL). Þriðja önn fór í SAM, þar sem þau fengu tækifæri til að vinna með öðrum nemendum í tökum.

Kínema, nemendafélag Kvikmyndaskóla Íslands, bauð upp á Handrita vinnustofu og Kareoke kvöld á þriðjudeginum og Spilakvöld á fimmtudeginum að vanda.

Vikunni lauk svo í kvikmyndasögu í Bíó Paradís.

SAM heimsókn og upptökur byrjaðar á útskriftar myndum

Við tókum viðtöl við nemendur okkar um myndir þeirra og leyfum ykkur með ánægju að njóta með okkur

Hér er rætt við Elfar Þór Guðbjartsson sem er á 3.önn í deild Handrita og Leikstjórnar um mynd hans “Pabbsi”, en leiðbeinandi hans í verkinu er Gunnar B. Guðmundsson

Stuttmyndin “Harður Heimur”, var sameiginlegt útskriftarverkefni þeirra Þórðar Pálssonar úr Leikstjórnardeild og Egils Antonsonar úr Skapandi Tækni sem útskrifuðust á haustönn 2011.


Í samtali við Þórð Pálsson leikstjóra myndarinnar sagði hann okkur

Þau tvö ár sem ég stundaði nám við Kvikmyndaskóla Íslands voru frábær. Það var þar sem ég náði fyrst að átta mig á því hvað ég vildi gera það sem eftir væri ævi minnar. Að skrifa og leikstýra kvikmyndum.
Ég lærði þar þau grundvallaratriði sem maður þarf til að framleiða leikið efni þ.e.a.s. að vinna með leikurum, þróa hugmyndir í handrit og tala með myndmáli en ekki bara orðum. Einstaklingar með sama brennandi áhuga á kvikmyndagerð geta því þroskast saman í skapandi umhverfi. Það voru ekki bara praktískir hlutir sem ég lærði í KVÍ, heldur eignaðist ég þar vini sem ég mun eiga til lífstíðar.
Á minni seinustu önn í skólanum komst ég að því að ég vildi læra meira og ég áttaði mig á því að lokamyndin mín gæti verið einskonar “calling card” fyrir mig. Þar af leiðandi lagði ég mjög mikið í útskriftarmyndina mína “Harður Heimur”, sem ég gerði með Agli Antonssyni frá Skapandi Tækni. Eftir útskrift frá KVÍ þá sótti ég um hjá The National Film and Television School á Englandi og fékk inngöngu. Ég útskrifaðist þaðan í sumar eftir tveggja ára nám og er kominn með MA í Directing Fiction, umboðsmann hjá virtri umboðsskrifstofu og fékk styrk frá Nordic Talents 2015 til að skrifa mína fyrstu kvikmynd í fullri lengd.
Ég hefði ekki náð hingað sem ég er í dag, ef ég hefði ekki stundað nám við Kvikmyndaskóla Íslands, það veit ég fyrir víst

Á næsta ári verða frumsýndir sjónvarpsþættirnir “The Valhalla Murders” á RÚV og er leikstjóri og höfundur þáttana okkar maður Þórður Pálsson

Egill Antonson úr Skapandi tækni sem vann myndina með Þórði segir í samtali við okkur

Kvikmyndaskóli Íslands kom mér í samband við gott fólk sem leiddi af sér mikla og skemmtilega vinnu sem ljósamaður, bæði á Íslandi sem og í Noregi og Danmörku. Ég hef unnið við það í 5 ár, þar til ég tók mér barneignarleyfi. Ég hef búið á Grænlandi síðasta hálfa árið að kynna mér land og þjóð

“Harður Heimur” hlaut viðurkenningu fyrir bestu mynd leikstjórnar og framleiðsludeildar KVÍ haustönn 2011.
Myndin er afskaplega vel gerð, það verður spennandi að fylgjast með þeim drengjum í framtíðinni og við vonum innilega að þið njótið áhorfs

Næsta mynd í tilefni af 25 ára afmæli skólans, “Harður heimur”

Í tilefni af 25 ára afmælisári Kvikmyndaskóla Íslands munum við á á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Gunna” frá vorönn 2012.

Stuttmyndin “Gunna” var útskriftarverkefni Óla Jóns Gunnarssonar sem útskrifaðst vorið 2012 frá leiklistardeild.

Óli Jón segir námið í Kvikmyndaskóla Íslands hafi haft mjög góð áhrif á sig. “Þó svo ég hafi ekki ennþá landað stóru hlutverki, þá hefur leiklistarmenntunin gefið mér svo margt annað. Ég er öruggari í samskiptum við aðra, á mun auðveldara með að standa upp á fundum og tala fyrir miklum fjölda sem nýtist mér mjög vel í minni vinnu.
Maður þarf oft að skipta um karakter til þess að tala fólk inn á sitt band og þá er ekki verra að hafa þessa menntun að baki.
Ég hef fengið reglulega nokkur minni hlutverk í íslenskum og erlendum myndum síðan ég útskrifaðist, sem hefur verið mjög gaman og er góð reynsla.
Í dag er ég svo að vinna í handriti að nýrri stuttmynd sem ég er verulega spenntur yfir” segir Óli Jón.

Hérna kemur “Gunna” , njótið vel !

Gunna from Icelandic Film School on Vimeo.

Við sýnum næstu mynd sem valin var úr hópi útskriftarmynda til að fagna árunum okkar 25!

Undanfarna daga hafa rektor, stjórnendur og starfsfólk Kvikmyndaskólans, verið harmi slegin af sögum kvenna í sviðslistum, kvikmyndagerð, og hjá menntastofnunum, þar á meðal okkar eigin.

Að sjálfsögðu var ljóst að við þyrftum að bregðast við, líta inn á við og sjá hvað má betur fara og hvernig við getum sýnt vilja í verki til uppræta kynferðislega áreitni og mismunun í allri sinni mynd innan skólans.

Sem fyrst skref í þessu ferli, fórum við yfir verkferla um hvernig skal bregðast við áreitni af öllu tagi. Myndað var viðbragðsteymi innan skólans og nemendum send tilkynning þess efnis fyrr í vikunni, í samráði við nemendaráð (deilt hér neðan)

Niðurstöður leitar

Útskrift, laugardaginn 21.desember

Útskrift KVÍ: Vorönn 2015