Vonandi fannstu það sem þú varst að leita að

Bjarni Svanur Friðsteinsson útskriftast nú í desember úr og við fengum hann til að segja nokkur orð um námið í Kvikmyndaskóla Íslands.

Ég hef haft mikinn áhuga á kvikmyndagerð frá unglingsárum og vildi komast í dýpri skilning við gerð mynda. Einnig vildi ég komast í tengsli við fólk með  sömu áhugamál og ég hef.

Bjarni Svanur segir tímann í skólanum hafa verið einstaklega skemmtilegan og að hann hafi lært mikið.

Stuttmyndin mín fjallar um málefni sem er viðeigandi í nútímasamfélagi. Ég ákvað ég að gera mynd sem fjallaði um flóttamenn og færa það í mjög íslenskan hversdagsleika.

Um framtíðaráformin segir Bjarni Svanur.

Ég hef mikin áhuga á að halda áfram að rækta mig sem kvikmyndagerðamann, næst er það bransinn.

Næst er það bransinn – Bjarni Svanur Friðsteinsson útkskrifast úr Skapandi tækni

Skólasetning var í dag, fimmtudaginn 16.ágúst.  Glæsilegur hópur nýnema hefur nám við skólann nú í haust í öllum fjórum deildum.  Mikill hugur í mannskapnum og vænta má spennandi verkefna frá nemendum þessa önnina. Í lok athafnar var tekin venjubundin mynd af nemendum og starfsfólki fyrir utan húsnæði skólans.

Leikarar á 3. önn í leiklistardeild Þóttu fara á kostum á lokasöngtónleikum deildarinnar sem haldnir voru í Iðnó 6. desember síðastliðin.

Leiðbeinendur voru þær Þórunn Erna Clausen og Arna Rún Ómarsdóttir en þær hafa kennt nemendum Complete vocal söngtækni undanfarin misseri. Undirleikarar voru þeir félagar Pálmi Sigurhjartar á píanó og Helgi Reyni Jónsson á gítar.

Nemendur á 3.önn eru þau Birgir Egilsson, Bjartmar Einarsson, Guðjón Daníel Jónsson,Guðmundur Snorri Sigurðsson, Kristján Darri Jóhannsson,Trausti Örn Þórðarson og síðast en ekki síst hin frábæra söngkona Ylfa Marín Haraldsdóttir sem fór á kostum á tónleikunum með sína engilfögru rödd.

Leikhópurinn naut sín svo sannarlega á þessum lokatónleikum KVÍ á aðvent eins og myndirnar bera með sér.

Leiklistarnemar á söngtónleikum þóttu fara á kostum

Eins og kom fram í grein hjá okkur fyrr í vikunni og í bréfi rektors til nemenda og kennara Kvikmyndaskóla Íslands er nú auglýst eftir deildarforsetum allra deilda.

Um er að ræða deildarforseta Leikstjórnar/framleiðslu, Skapandi tækni, Handrita/leikstjórnr og Leiklistar . Leitað að jákvæðum og metnaðarfullum einstaklingi með menntun og/eða starfsreynslu á sviði kvikmyndagerðar í hálft starf.

Deildarforsetar  fara með faglega stjórn deildanna  og bera rekstrar- og fjárhagslega ábyrgð gagnvart rektor. Deildarstjóri skaI hafa frumkvæðii að mótun stefnu fyrir deildina. Hann ræður kennara og annað starfsfólk til deildarinnar.

Nánari upplýsingar um menntunarkröfur, starfsskyldur og nauðsynleg gögn með umsókn finnið þið hér.

Umsóknir, ásamt fylgiskjölum skulu sendar rafrænt á kvikmyndaskoli@als1.broxford.shared.1984.is Umsóknarfrestur er til og með 20. mai 2016. Ollum umsóknum verður svarað.

Nánari upplýsingar um starfið, þ.á.m. launakjör, veitir Inga Rut Sigurðardóttir í síma 444 3306. Eins má finna upplýsingar um skólastarfið á heimsíðu skólans, kvikmyndaskoli.is.

Auglýst eftir deildarforsetum Kvikmyndaskóla Íslands

Dagskrá skólans heldur áfram af krafti í þessari viku í Bíó paradís en á morgun, þriðjudaginn 15. maí hefjast sýningar á verkum nemenda á önninni.

Útskriftarmyndir nemenda úr deild 2 verða frumsýndar miðvikudagskvöldið 17. maí, úr deild 3 fimmtudagskvöldið 18. maí og úr deildum 1 og 4 á föstudagskvöldinu 19. maí. Sýningar á útskriftarmyndum nemenda hefjast kl. 20 alla dagana.

Hér fyrir neðan gefur að líta dagskrá skólans þessa viku í Bíó paradís.

LEIKSTJÓRN/FRAMLEIÐSLA KL. 13:00 í Sal 1

13:00 AUG 103 – Auglýsingar – 1. Önn

TÓN 103 – Tónlistarmyndbönd  – 1. önn

13:30 HEM 104 – Heimildarmyndir – 4.önn

13:00 KVM 204/KLM 204 – Myndir án orða – 2. önn

KVM 304/KLM 304 – Heimildarmyndir – 3. önn

LOK 106 – Lokaverkefni – 1. önn allar deildir.

20:00 – Útskriftarmyndir – Deild 2. Í Sal 1

20:00 – Útskriftarmyndir – Deild 3. Í Sal 1

TÆK 106 – Mínútumyndir – 1. önn allar deildir

TÆK 204 -Kynningarmyndir – 2. önn allar deildir

MYN 104 – Endurgerðar senur úr bíómyndum – 3. önn allar deildir

20:00 – Útskriftarmyndir – Deild 1 & 4. Í Sal 1

Útskrift í Bíó Paradís kl.13:00 í Sal 1

Spennandi dagskrá útskriftamynda hefst í Bíó paradís á morgun

Framleiðslufyrirtækið Arcus Films sem Marzibil S. Sæmundardóttir stofnaði hlaut  á sunnudag styrk úr Jafnréttissjóði til að framleiða kvikmynd sem Eydís Eir Björnsdóttir skrifar og leikstýrir.

Það er rétt, við vorum að fá tveggja milljóna  króna styrk til framleiðslu stuttmyndarinnar en  umfjöllunarefni hennar mun vekja athygli þar sem hún er byggð á sannsögulegri átakreynslu leikstjórans.

Eydís og Marzibil voru saman í bekk á fyrstu önn í námi sínu við Kvikmyndaskóla Íslands.

Fyrirtæki mitt, Arcus Films hefur nú fengið liðsstyrk í tveim nýjum meðeigendum, þeim Svövu Lóu Stefánsdóttur og Ársæli Níelssyni og eru þau framleiðendur myndar Eydísar ásamt Carolínu Salas. Sjálf tek ég að mér aðstoðarleikstjórn í þessu krefjandi verkefni. Ágústa Eva mun leika aðalhlutverkið í myndinni sem verður að mestu tekin upp á Spáni.

Marzibil bætir við að þegar hafi myndin  hlotið rúmar 3 milljónir kr. í styrk frá Evrópu Unga Fólksins og að umsókn hafi verið send til Kvikmyndasjóðs.

Við bindum vonir við að full fjármögnun takist með þáttöku sjóðsins og við stefnum á tökur í september en frumsýning er áætluð  á Íslandi í febrúar 2017 og frumsýning erlendis um vorið sama ár.

Arcus Films fær veglegan styrk úr Jafnréttissjóði

Kvikmyndin Hjartasteinn eftir Guðmund  Arnar Guðmundsson hefur vakið verðskuldaða athygli bæði hér heima og erlendis síðustu vikur og mánuði.

Guðmundur hefur undanfarin ár verið í mikilvægu hlutverki sem kennari við og ánægjulegt fyrir samstarfsfólk hans í skólanum að fylgjast með velgengni hans.

Einnig störfuðu fjölmargir útskrifaðir nemendur úr KVÍ að gerð myndarinnar Hjartasteinn. Vigfús Þormar Gunnarsson var fyrsti aðstorðarleikstjóri og Kristín Lea Sigríðardóttir sá um casting og leikþjálfun en bæði eru þau útskrifaðir leikarar úr Kvikmyndaskólanum. Edda Mackenzie úr Leikstjórn/framleiðslu  var framleiðslustjóri, Jón Már Gunnarsson úr Skapandi tækni, starfaði að myndbrellum og Guðjón Hrafn Guðmundsson, einnig úr Skapandi tækni var 2. aðstoðartökumaður. var „key grip“ en útskrifuðu leikararnir Ari Birgir Ágústsson, sá um leikmuni og Rebekka Atla Ragnarsdóttir  var runner. sem er útskrifaður nemandi úr Leikstjórn/framleiðslu var location scout og Annetta Ragnarsdóttir sem er útskrifuð úr skólanum úr Handritum/leikstjórn vann við framleiðslu og að lokum aðstoðaði við veitingar.

Ekki má svo gleyma deildarforseta Skapandi tækni en Jörundur Rafn Arnarson var brellumeistari myndarinnar Hjartasteinn. Skólinn óskar þeim öllum til hamingju með stórkostlega mynd og frábærlega unnin störf.

Kvikmyndaskólinn og Hjartasteinn – Margir útskrifaðir nemendur komu að gerð myndarinnar

Ég fékk tækifæri til að fara fyrir hönd Kvikmyndaskóla Íslands á IBC þetta árið. Fyrir þau ykkar sem ekki vita hvað IBC er, þá er það í raun stærsta útsendinga-, sjónvarps- og kvikmynda sýning í Evrópu. Hún er haldin í Amsterdam, á Rai sýningarsvæðinu, sem er eitt fremsta alþjóðlega sýningar- og ráðstefnusvæði í Evrópu, staðsett í suðurhluta Amsterdam. Sýningin er ávallt haldin í september, svo ef þú ætlar að mæta, mæli ég með regnhlíf í töskunni, þar sem september virðist vera úrhellis tímabil í Amsterdam.

Með yfir 1500 þátttakendur sem sýna sitt nýjasta í kvikmynda tækni og um það bil 55.000 gesti, er sýningin draumur fyrir þá sem vilja sjá, og stundum prófa, allt það nýjasta sem er er í boði á sviði útsendinga og kvikmynda.
Myndun tengslanets er stór hluti af sýningunni. Á meðan á dvöl minni stóð hitti ég vini úr skólanum og eignaðist nýja.
Stærsti hlutinn er þó engu að síður að ná að sjá allt það nýjasta sem er á leiðinni á markaðinn frá stærstu nöfnunum í iðnaðinum.
Sony myndavélin sem allir hafa verið að lesa um síðustu mánuði? Hún er hér. Það er svo margt að sjá og jafnvel þó að hátíðin teygjist yfir 6 daga, er það varla nægur tími til að sjá allt það sem maður vill sjá.

Á mínum fyrsta degi eyddi ég mestum tíma í að átta mig á skipulagningunni og uppgötva leiðirnar á svæðinu. Rai er yfirgnæfandi stórt og sýningunni er skipt í 15 mismunandi sali. Ég eyddi mestum tíma í sölum 10, 11 og 12, þar sem kvikmyndagerðar tækin voru. Öll stærstu nöfnin var þar að finna; Sony, Canon, Panasonic, Atomos, Aputure, Arri, Dedo, Cartoni…. ég gæti haldið áfram endalaust.
Svo hvað heillaði mig?
Ég er það sem kallast gæti myndavéla áhugamaður, eða nörd ef þú vilt. En var þar af leiðandi afskaplega spenntur að sjá nýjustu vélarnar frá Sony og Panasonic.
EVA1 frá Panasonic er sú sem ég er spenntastur fyrir. Hvers vegna? Jú, það er verðið til að byrja með. Hún kostar um 8000 $ og fyrir þá upphæð færðu:

EF​ ​mount
2.6lb​ ​camera​ ​body
4k​ ​up​ ​to​ ​60p,​ ​2k​ ​up​ ​to​ ​240p
5.7K​ ​raw​ ​output​ ​via​ ​future​ ​firmware​ ​upgrade
V-log​ ​&​ ​V-gamus
400​ ​Mbps​ ​Recording
Dual​ ​SD​ ​card​ ​slots
4:2:2​ ​10​ ​Bit
2/4/6​ ​stop​ ​ND​ ​filter​ ​wheel
Removable​ ​IR​ ​filter​ ​via​ ​wheel

Ég fékk að prófa hana svolítið með gullfallegri Angenieux zoom linsu og myndirnar sem hún gefur frá sér eru ansi góðar.

Önnur vél sem fólk slefaði yfir var dýrari Sony VENICE 6K CineAlta vélin. Yfirlitið er stórkostlegt, enda ætti það að vera það, þar sem verðið er um 40.000 $ :

Full​ ​Frame​ ​Sensor​ ​24×36​ ​mm
6K​ ​Full​ ​Frame​ ​6048​ ​x​ ​4032​ ​maximum​ ​resolution
4K​ ​Super35​ ​window Full​ ​Frame,​ ​full​ ​6048​ ​photosite​ ​width​ ​of​ ​the​ ​sensor
Widescreen​ ​spherical​ ​2.39:1​ ​or​ ​Large​ ​Format​ ​Scope
Super35​ ​full​ ​height​ ​2.0x​ ​squeeze​ ​Anamorphic
8-Step,​ ​8-Stop​ ​Internal​ ​NDs​ ​(0.3​ ​to​ ​2.4)
PL​ ​and​ ​Ruggedized​ ​E-mount​ ​(E-mount​ ​native)
Spherical​ ​FF​ ​&​ ​S35
Anamorphic​ ​FF​ ​&​ ​S35
15+​ ​Stops​ ​of​ ​Exposure​ ​Latitude
Native​ ​ISO​ ​500
Retains​ ​highlights​ ​and​ ​color​ ​detail​ ​6​ ​stops​ ​overexposed​ ​and​ ​9​ ​stops​ ​into​ ​the shadows
Power:​ ​both​ ​12​ ​VDC​ ​and​ ​24​ ​VDC

En það er einnig annað sem gerir IBC að stórkostlegri upplifun. Þú getur fylgst með fyrirtækjum sem eru í startholunum, mörg hver sem bjóða tæki sem geta gert myndina þína betri án þess að stefna í gjaldþrot.

Eitt mitt uppáhalds fyrirtæki í þessum flokki er Aputure. Þeir hafa ráðist inn á markaðinn eftirminnilega, bjóða samkeppnishæf verð á LED ljósa búnaði og hafa einnig frábært úrval af On-camera skjám.

Ég ræddi við Ted Sim, Chief Creative Officer hjá Aputure um Lightstorm 300d, ljós sem þeir eru að framleiða.

Nýja Lightstorm 300d breytir öllu fyrir LED ljós. Ljósið hefur það sem kallast “Chip on board” tækni til að endurskapa upphaf eins ljóss. Í notkun þýðir það að ljósið varpar einum skugga í stað fjölda skugga sem þú færð með LED á panel ljósum. Það er núna magenta filter sem leiðréttir COB ljósin, og færir ljósastæðis TLCI mörkin upp í 98

Ted heldur því fram að það sé sambærilegt hinu hefðbundna 2K HMI, með útsvörun 31,000? Lux á 1m. Það er ansi vel gert fyrir ljós sem einungis kostar um 1.000 $.

LS1 Led panellinn er annað ljós frá Aputure sem ég er hrifinn af. Yfirlitið er afskaplega hvetjandi fyrir compact Led panel.

● High​ ​CRI​ ​98,​ ​perfect​ ​color​ ​of​ ​sunlight​ ​and​ ​ensure​ ​that​ ​its​ ​light​ ​is​ ​natural​ ​and lifelike
● Daylight​ ​5500K​ ​color​ ​temperature
● Unique​ ​light-control​ ​separation​ ​design
● Tough​ ​and​ ​Professional​ ​Aero-Aluminum,​ ​Ultra-Small​ ​Size

Ég fékk tækifæri til að nota það við nokkrar tökur og er heillaður vegna output, færanleika og fjarstýringar möguleikunum. Fyrir utan það að þetta er sterk hönnun sem þolir einhverjar byltur.

Tækni búnaðar lausnirnar á IBC voru einnig afar áhrifaríkar. Ég skoðaði viðburð hjá Blackmagic design
básnum þar sem þeir sýndu alla nýju möguleikana í DaVinci Resolve 14. Þessi útgáfa er stærsta uppfærsla þeirra til þessa og þeir telja hana byltingarkennda. Áður fyrr var DaVinci eingöngu notað fyrir lita greiningu. Nú með nýju útgáfunni getur þú unnið alla klippingu, greiningu og hljóð eftirvinnslu í eintakinu. Það kom mér í raun á óvart hversu einföld og notenda væn uppsetningin leit út. Það kæmi mér ekki á óvart ef bæði nýjir og þraulreyndir kvikmyndagerðarmenn myndu byrjað að nota DaVinci í sinni vinnu.

Hér er nokkrir punktar um DaVinci frá Blackmagic Design:
DaVinci Resolve 14 býr yfir hundruðum nýrra fítusa fyrir klippara, lita greinendur og nú, í fyrsta skiptið, hljóðvinnslu fólk.
Nýja endurspilunar vélin hefur ágerst í svörun með allt að tíu sinnum betri vinnslu fyrir klippara. Einnig bætist við heil síða með fullri Fairlight hljóð eftirvinnslu framleiðslu verkfæri sem leyfir þér að taka upp, klippa, blanda, styrkja og fullkomna hljóð með algjöru 3D hljóð svæði og upp að 1000 stöðvum.
Litarar munu fá hinn nýja, stórkostlega Resolve FX sem inniheldur sjálkrafa andlits þekkingar búnað og fylgni til að auðvelda blöndun andlits lita, birtingu augna, breytingu vara litar og enn meir!


Ég gæti auðveldlega haldið áfram að dásama IBC en held hins vegar að það sé einungis ein leið til að upplifa hana. Fara þangað! Flug frá Íslandi eru ódýr, hótel geta verið dýr en það er alltaf möguleiki á Airbnb og gistiheimilum.

Að lokum við ég benda á nokkur atriði ef þú ætlar að fara á IBC 2018:
– Skráðu þig snemma (snemm skráningar eru fríar, en ef þú missir af því getur þú leitað uppi fyrirtæki sem sum hver munu vera á sýningunni og mörg hver þeirra bjóða afsláttar miða svo þú fáir frían aðgang að IBC)
– Pakkaðu með þér regnhlíf og regnstakk (treystu mér)
– Bókaðu gistingu snemma (ég var frekar seinn, en mér og kærustunni minni tókst að finna Airbnb íbúð á viðráðanlegu verði)
– Verslaðu Tram kort (leigubílar geta verið dýrir og Tram kerfið í Amsterdam er einkar gott)

Stefán Loftsson fór fyrir hönd Kvikmyndaskólans á IBC

Við náðum smá spjalli við Anton Smára, fyrrum nemanda skólans, í von okkar um að fylgjast með okkar stórkostlegu útskrifuðu nemendum.

Hvað gerði það að verkum að þú fórst í Kvikmyndaskólann?

Ég var að ljúka námi í MH og ætlaði mér að fara í stjórnmálafræði svo ég gæti orðið diplómati þar til góðvinur minn Erlendur Sveinsson bað mig um að koma með sér í viðtal við Kvikmyndaskóla Íslands sem “andlegur stuðningur”. Ég hafði ekki einu heyrt af skólanum á þeim tíma en endaði með að fara í viðtal sjálfur. Þá kviknaði sú ljósapera að ég gæti haft atvinnu út frá einhverju sem ég hef verið dáleiddur af frá því ég var nógu gamall til að sitja uppréttur fyrir framan túbuskjáinn. Þá var ekki aftur snúið.

Einhverjar skemmtilegar minningar frá námsárunum?

Óteljandi skemmtilegar minningar, flestar myndi ég ekki opinbera samt sem áður. Ein góð minning er þó frá fyrsta TÆK áfanganum á minni fyrstu önn. Hópurinn var rétt svo að byrja að kynnast hvor öðrum og við vorum öll í stúdíóinu í Lynghálsi þar sem Sindri (sem var þá yfir hljóðvinnslu) var að sýna okkur fram á að hægt vera að njóta kvikmyndar með góðu hljóði og slæmri kvikmyndatöku, en það væri ekki nærri eins auðvelt með slæmu hljóði og góðri kvikmyndatöku. Mér fannst þetta mjög rökrétt og opnaði augu mín fyrir mikilvægi hljóðs í kvikmyndum. Ég held að flestir í salnum hafi verið á sama máli nema ein kona sem rétti upp höndina. Þegar Sindri beindi athygli sinni að henni, svaraði túlkurinn hennar að hún væri ekki sammála þessari staðhæfingu. Hún var sem sagt heyrnalaus. Hvorki fyrr né síðar hef ég séð Sindra jafn kjaftstopp sem endaði með hlátursköllum frá öllum í salnum.

Hvaðan kom hugmyndin að útskriftarmyndinni þinni?

Útskriftarmyndin okkar Erlendar Sveinssonar, Kæri Kaleb, átti sér langan aðdraganda. Við eyddum mörgum góðum stundum í Víkurhvarfi að “brainstorma” hugmyndir. Við enduðum með að fjalla um strák á unglingsárunum og allt sem því fylgir. Gátum báðir tengt vel við það viðfangsefni og að mínu mati er það ein megin ástæðan fyrir velgengni myndarinnar. Erlendur settist við skrif á meðan ég gerði mitt besta til styðja hann í því ferli. Tökur stóðu yfir í 6 daga samtals, og við fengum heila 4 daga í eftirvinnslu til að klippa, hljóðvinna, litaleiðrétta og ganga frá myndinni. Mjög eftirminnilegar andvökunætur í Víkurhvarfi.

Einhverjar mikilvægar lexíur sem þú tekur með þér frá náminu?

Ég lærði heilmargt á mínum árum í KVÍ enda tileinkaði ég mér námið og nýtti aðstöðuna og fagfólkið af bestu getu. Ef það væri eitthvað eitt sem mér finnst sitja sterkast eftir þá væri það að læra mikilvægi samstarfs. Ég var mjög ánægður með mína samnemendur og vil meina það að þetta hafi verið tvö af mínum betri árum, og það er mest megnis þökk sé fólkinu sem ég vann með sleitulaust á þessu tímabili, bæði kennarum og nemendum.

Eftir að náminu lauk fór ég að vinna sem verktaki, fyrst sem aðstoðamaður í ljósadeild. Gerði svo lítið annað en að vinna næstu árin í mismunandi stöðum innan tæknideildanna. Lærði heilmikið af þeim viskubrunnum sem eru kvikmyndagerðamenn á Íslandi, sem að mínu mati eru í hæstu gæðaflokkum á heimsvísu. Einnig vann ég á KUKL tækjaleigu sem er mér ómetanleg reynsla. Svo fyrir 3 árum síðan elti ég betri helminginn út til Englands, fékk vinnu hjá ARRI Rental, hætti þar fyrir rúmu ári og hef verið að vinna sem tökumaður síðan.

Það eru nokkur skemmtileg verkefni framundan, helst ber að nefna tónlistarmyndband sem ég mun skjóta í næsta mánuði sem mun innihalda meðal annars Rag‘n’Bone Man, sem er í miklu uppáhaldi hjá mér. Einnig er mín fyrsta kvikmynd í fullri lengd í augnsýn. Íslensk hrollvekja sem verður skotin í byrjun næsta árs. Leikstýrð af Vilius Petrikas og framleidd af Hero Productions. Er mjög spenntur fyrir því verkefni.

Og svona til að klára þetta megið þið njóta myndbands af upptöku efni Antons Smára frá árinu 2017, það fer ekkert á milli mála að hér er hæfileika maður á ferð !

Anna Sæunn lærði í Kvikmyndaskóla Íslands en hún er stödd úti í Cannes þar sem sýningar á myndinni „Hrútar“ fara fram í Un Certain Regard keppni hátíðarinnar. Hún lét þó ekki þar við sitja heldur tók hún einnig þátt í pitch keppni Shorts TV þar sem hún kynnti hugmynd að stuttmynd er nefnist eða Salvation. Vinningsféð hljóðar upp á 5000 evrur í framleiðslustyrk. 5 myndir komust í úrslit en á endanum var það dómnefnd sem valdi 1 sigurvegara og reyndist það vera Anna Sæunn.

Kvikmyndaskóli Íslands óskar henni því innilega til hamingju með þennan glæsilega árangur út í Cannes á sama tíma og við hlökkum til að sjá verkið þegar það er tilbúið.

Hér má sjá pitch-ið frá Önnu Sæunn:


Við fengum að spjalla aðeins við Guðnýju Rós Þórhallsdóttur sem er útskrifuð frá Leikstjórn og framleiðslu hjá Kvikmyndaskólanum , en mynd hennar og Birtu Ránar Björgvinsdóttur “C-Vítamín” hefur vakið mikla athygli og verið sýnd á ýmsum kvikmyndahátíðum.

Sumum virðist bara ætlað að enda í kvikmyndaheiminum og það virðist hafa verið skrifað í stjörnurnar fyrir Guðnýju

Ég var mjög ung þegar ég varð heltekin af bíómyndum. Ég var fastagestur á vídjóleigu Kidda Vídjóflugu á Egilsstöðum, sem var bæði útaf því að hann var með helling af spólum og kisur. Ég elska kisur. Við áttum lengi vel ekki VHS tæki svo við leigðum það með spólunum hjá Kidda.Þegar svo það kom VHS tæki á heimilið fékk ég þráhyggju við að taka allar bíómyndir upp á spólur sem sýndar voru á RÚV. Á föstudagskvöldum voru það Disney myndirnar og svo fannst mér ég vera gera mömmu gífurlegan greiða að taka upp leiðinlegu kellingamyndirnar á sunnudagskvöldum. Ég var mjög skipulögð með safnið mitt en ég merkti hverja einustu spólu með tölustöfum og ritaði í bleiku VHS bókina mína hvað væri á hverri spólu. Stundum missti ég af byrjuninni á myndinni (sem var óþolandi og ég gat verið fúl í nokkra daga ef það gerðist) og þá fylgdi ekki titill myndarinnar með. Ef það gerðist þá horfði ég á myndina og bjó svo til titil sem mér fannst hæfa myndinni. Til dæmis varð ég of sein þegar ég tók upp myndina The Royal Tenenbaums. Tólf ára Guðnýju fannst titillinn “Tvíburarnir Síþreytandi” einhvernvegin eiga við þá mynd. Ég var háð því að taka myndir upp og raða þeim, merkja allt og fara svo aftur yfir safnið. Ég skráði mig meira að segja oft veika í skólann til að geta sinnt spólusafninu. Mamma og pabbi sitja uppi með u.þ.b. 500 VHS spólusafn, á hverri spólu 2-3 myndir.Þegar ég var 14 ára byrjaði ég svo að fikta við ljósmyndun, en þá átti ég ekki vél sem tók upp vídjó þannig að ég byrjaði að gera stopmotion myndbönd, sem voru svona fyrstu kynnin mín við kvikmyndagerð. Seinna eignaðist ég Canon eos 60d með vídjófítus og fór þá að fikta við hefðbundnari vídjógerð.En það var ekki fyrr en ég fór í LungA skólann 2014 sem ég fór í vídjó workshop hjá Hrund Atladóttur að ég uppgötvaði að ég gæti bara farið að læra þetta og vinna við kvikmyndagerð

Guðný er útskrifuð frá deild Leikstjórnar og framleiðslu hjá Kvikmyndaskólanum

Námið gekk mjög vel, enda nýtti ég mér það vel og yfir heildina litið er ég mjög ánægð með dvölina mína þar. Ég sökkti mér alveg í efnið og kynntist frábæru fólki sem mér þykir afskaplega vænt um og ég held að það sé það besta við skólann, kennararnir og nemendurnir sem maður kynnist. Námið er mjög “hands on” sem hentaði mér vel, þó það sé ýmislegt sem má bæta og fara betur varðandi skólann. Útskriftarmyndin mín “Dagurinn sem Baunirnar Kláruðust” með Atla Rafn Sigurðsson í aðalhlutverki vann Bjarkann, verðlaun fyrir bestu útskriftarmynd sem og verðlaun fyrir bestu mynd á framleiðsludeild. Sú mynd fjallar um mann sem lifir ágætu lífi eftir að uppvakningar taka yfir. En þegar baunadósirnar hans taka upp á því að hverfa fer hann að gruna að eitthvað misjafnt sé á seyði

Mynd hennar “C-vítamín” hefur farið víða og vekur mikla athygli

C-Vítamín er minning frá æsku. Byggð á sönnum atburðum “if you will”. Ég stundaði grimmt á yngri árum með vinkonu minni að halda tombólur til styrktar ýmissa góðra málefna en eyða svo ágóðanum bara í C-Vítamín freyðitöflur. Hins vegar komst aldrei upp um okkur, þannig að C-Vítamín er svona spekúlering hjá mér á því sem hefði gerst ef að svo hafði farið. En myndin var þriðju annar verkefnið mitt í Kvikmyndaskólanum

Framleiðsluferli hverrar myndar er sérstakt og því fylgja mismunandi áskoranir

Sko, handritið var ekki tilbúið fyrr en degi fyrir tökur. Lenti í svakalegum handritavandræðum sem og leikaravandræðum. En svona viku fyrir tökur var ég ekki með neitt, ekki tilbúið handrit, enga leikara og enga tökustaði. Ég fékk Önju Sæberg fyrst í hlutverk annarrar stelpunnar og svo stuttu seinna náði ég að plata frænku mína, Evu Sóllilju Einarsdóttur, í hitt hlutverkið. Hinsvegar breytti ég handritinu eftir að ég talaði við foreldra þeirra og þegar ég fékk þær með mér á fyrstu æfingu þá þorði ég ekki að senda þær með handritið heim. Var svo hrædd um að foreldrarnir myndu bara tjúllast og afturkalla leyfið. Ég meina, hvaða foreldri leyfir barninu sínu að leika siðblinda morðingja? Ég veit núna um nokkra.Það var einhver gífurlegur sjálfsefi að plaga mig á þessum tíma. Ég var löngu búin að hugsa Guðrúnu Ásmundsdóttur í hlutverk gömlu konunnar, en ég bara þorði ekki að hringja. Ég tók símann oft upp og ætlaði að hringja. Tókst meira að segja að hringja einu sinni en þá hringdi ég í vitlaust númer. Ég var skíthrædd við að hún myndi verða móðguð yfir því að ég hefði hugsað um hana fyrir þetta hlutverk, að henni myndi finnast þetta algjör vitleysa og ég væri bara kolklikkuð. Tvem dögum fyrir tökur hringdi þáverandi kærastinn minn, Ari Birgir (sem er meðframleiðandi og leikmyndahönnuður myndarinnar) fyrir mig í hana. Kom í ljós að hún hafði mjög gaman af handritinu og hlakkaði til að leika einhvern skúrk. Átti yndislegt samtal við hana í síma þar sem við ræddum karakterinn hennar. Henni fannst frábært að þessi vonda kona væri keðjureykjandi í gegnum myndina. Þá spurði ég hana hvort það væri í lagi, hvort hún reykti eða hefði reykt áður. Hún sagði mér að hún hefði aldrei snert sígarettu á ævi sinni. Ég hikaði og spurði hana hvort ég ætti ekki að breyta því þá eitthvað en hún var alveg á því að karakterinn hennar ÞYRFTI að reykja. Hún reykti næstum heilann pakka af Winston white þennan tökudag.Við áttum tökudaga í nóvember en öll myndin gerist að degi til svo við lentum í smá vandræðum með dagsbirtu – gátum bara haft 5 til 6 tíma tökudaga og tökudagarnir voru þrír. Svona aftur á litið gekk allt furðulega vel, miðað við að ekkert var tilbúið viku fyrir tökur. Ég var með frábært fólk með mér í liði og ég er þeim endalaust þakklát fyrir að hafa verið með mér í þessu

Myndin hefur þegar verið sýnd á nokkrum hátíðum og er enn á fullu flugi

“C-Vítamín” var frumsýnd á Shortfish á Stockfish Film Festival í febrúar. Þar unnum við verðlaun fyrir bestu mynd og fengum milljón króna tækjaúttekt frá Kukl sem varð til þess að “Baunamyndin” varð til í þeirri mynd sem hún er. Hún nældi sér líka í annað sætið á Gamanmyndahátíð Flateyrar og hlaut þar titilinn “Næstum því fyndnasta mynd Íslands”.“C-Vítamín” verður sýnd þrisvar á Leeds International Film Festival, 2. Nóvember og tvisvar 12. nóvember, en hún keppir þar við átta aðrar stuttmyndir um Audience Awards. Hún verður einnig á Hawaii International Film Festival 8. Nóvember í flokknum “Bad Habits die Hard” en “C-Vítamín” er eina íslenska myndin á HIFF í ár. Í desember verður hún svo á hátíð í Póllandi sem ég get ekki nefnt akkúrat núna

Guðný rekur ásamt Birtu Rán, fyrirtækið Andvara

Andvari varð til í lok árs 2015, en Andvari er samansettur af mér og Birtu Rán Björgvinsdóttur, kvikmyndatökukonu, ljósmyndara og kanínuunnanda. Það fyrsta sem við gerðum saman sem Andvari var myndband við ljóða- og slammgjörninginn “Elsku Stelpur”. Við höfum verið að einbeita okkur að tónlistarmyndböndum og stuttmyndagerð, höfum þegar gert tvö tónlistarmyndbönd og tvær stuttmyndir saman, en við stefnum á að gera mynd í fullri lengd einhverntíman í ekki of fjarlægri framtíð

Og hvernig lítur framtíðin út fyrir Guðnýju?

Ég er að skrifa og leikstýra útskriftarmynd Andreu Ýr á leiklist, förum í tökur í lok nóvember, nú nýtist reynslan sem ég fékk í “C-vítamín” en ég ætla ekki að skrifa mynd sem gerist öll að degi til, hehe. Annars erum við Birta núna að vinna í undirbúningi á tónlistarmyndbandi og þróun á sjónvarpsþætti með SKOT productions og Glassriver sem ég get því miður ekki sagt meira frá á þessu stigi

Við óskum Guðnýju góðs gengis og fylgjumst spennt með !

Konni Gotta útskrifaðist frá Leiklist hjá Kvikmyndaskóla Íslands og skrifaði nýverið undir samning hjá Áttunni. Við náðum tali af Konna og fengum að forvitnast eilítið um hann, námið og framtíðina.

Ég fór í leikhús þegar ég var 7 ára á „Litlu Hryllingsbúðina“ og sá þar Stefán Karl leika tannlækninn ásamt nokkrum öðrum hlutverkum. Mér fannst þetta svo geggjað að ég ákvað þar að ég ætlaði að verða leikari þegar ég væri orðinn stór. Þessi hugsun breyttist aldrei og ég var alltaf trúðurinn í vinahópnum. Svo árið 2010 sótti ég um í leiklist í Kvikmyndaskólanum og þá var allt í einu gaman að vera í skóla

Kvikmyndagerð er magnað ævintýri og Konni hefur fundið sig vel í því

Það sem heillar mig mest við kvikmyndagerð er hvað þetta er fjölbreytt starf. Ég elska að leika og skrifa efni og ég er svona maður sem get ekki verið fastur í einhverri rútínu, þess vegna er kvikmyndagerð eitthvað fyrir mig. Stefán Karl, Jim Carrey og Robert Downey Jr eru menn sem ég lít upp til. Þeir eru allir með ruglaða stjórn á líkamanum sínum og það heillar mig alveg rosalega

Námið er ekki auðvelt, en það er undir hverjum og einum að takast á við það af bestu getu

Ég þroskaðist rosalega í Kvikmyndaskólanum og mikilvægasta lexían sem ég lærði þarna var að taka áhættur, það er í lagi að mistakast ef maður lærir af því. Ég lærði líka að taka gagnrýni. Langaði svo að skalla Darren kennara í fyrsta skiptið sem hann sagði við mig að ég væri úti að skíta en svo fór maður hægt og rólega að taka þessu og þá gat maður unnið í því sem þurfti að vinna í

Fyrstu skrefin eftir námið voru kannski hæg, en breyting varð þar á nýverið

Þegar ég útskrifaðist úr Kvikmyndaskólanum 2012 ætlaði ég að vinna í 1 ár og safna mér pening svo ég gæti farið út í framhaldsnám, en það er meira en að segja það. Þegar maður er búinn að vera í skóla allt sitt líf og fær síðan þokkalegan pening upp í hendurnar er maður líklegri til að eyða honum strax heldur en að safna honum, það gerðist hjá mér. En ég vann sem bílstjóri bæði hjá MS og Papco, svo var ég oft bílstjóri í verkefnum inn á milli, eins og auglýsingum og svoleiðis þar sem það vantar alltaf fólk með meirapróf. Ég hef aðeins verið í uppistandi og verið veislustjóri á árshátíðum og svoleiðis. Lék í nokkrum auglýsingum og svo hef ég verið virkur á Snapchat. Hægt er að fylgjast með mér á Snapchat bæði á attan_official og konnigotta.
Síðan ég útskrifaðist er leiklist því miður bara búin að vera aukavinna fyrir mig, þangað til núna. Ég skrifaði undir samning í lok sumars hjá Áttunni og nú er vinnan mín drullu skemmtileg. Þarna fæ ég framkvæma hugmyndirnar mínar, leika, taka upp myndbönd, ferðast og margt fleira.
Ég á ennþá eftir að leika stórt hlutverk í bíómynd, leika á sviði og svo vera partur af því að gera áramótaskaupið, gefið mér 7 ár og þá verður þetta komið og ég farinn að einbeita mér að næstu markmiðum

Hér er einn af nýjustu þáttum Áttunnar, en í honum leika einnig Hafsteinn Vilhelmsson og Monika Orlowska, bæði útskrifuð frá Kvikmyndaskólanum og Dagur De´medici Ólafsson tók upp;
Því ég get það 

Það er engin spurning að Konni á eftir að byggja hratt upp sinn feril og við óskum honum góðs gengis

Konni Gotta, útskrifaður frá Leiklist, leyfði okkur að forvitnast smá

Stuttmynd Þórðar Pálssonar sem útskrifaðist árið 2012 úr Leikstjórn/framleiðslu frá Kvikmyndaskóla Íslands, BROTHERS hefur verið valin til sýninga á alþjóðlegu stuttmyndahátíðinni  í Palm Springs.

Þórður hefur nýlokið  MA gráðu í kvikmyndagerð frá National Film and Telivision School  í Beaconsfield og er stuttmyndin Brothers útskriftarmynd hans þaðan.

Klapptré tók spjall á Þórði í marslok þar sem hann m.a. greindi frá undirskrift samnings við bresku umboðsskrifstofuna Sayle Screen og um þessar mundir vinnur  að handriti sinnar fyrstu bíómyndar ásamt fyrrum samnemanda sínum.

Hér má lesa viðtalið við Þórð: klapptre.is/2015/03/26/10722/

Þórður Pálsson með stuttmynd í Palm Springs

Gengið hefur verið frá ráðningu tveggja fagstjóra í leiklistardeildina til viðbótar við hana Þórey Sigurþórsdóttur sem áður hefur verið kynnt.

Með ánægju getum tilkynnt að Rúnar Guðbrandsson verður fagstjóri Leiklistarlínunnar og Kolbrún Anna Björnsdóttir verður fagstjóri Leikur & Hreyfing línunnar.

Yfir fagstjórum er námsstjóri Hrafnkell Stefánsson, sem var deildarforseti Handrits/Leikstjórnar 2011-2017. Hann mun bera ábyrgð á stundarskrárgerð og samhæfingu fagstjórnar, kennsluáætlana og hefur umsjón með innri vef.

Annað starfsfólk skólans verður svo á sínum stað. Sigurður Kristján Jensson er tæknistjóri, yfirmaður tækjaleigu skólans og stendur vörð um tækjakost hans. Stefán Loftsson umsjónarmaður tækjaleigu sér um daglegan rekstur hennar. Sigrún Gylfadóttir, Framleiðslu og verkefnastjóri, sér um kynningarmál og er tengiliður útskrifaða nemanda við kvikmyndahátíðir og framleiðslufyrirtæki. Ágústa Margrét Jóhannes er yfirmaður kjarna og skipuleggur kennslu í grunngreinum kvikmyndagerðar fyrir nemendur allra deilda. Ólöf Ása Böðvarsdóttir, ritari og gjaldkeri, sér um almenn skrifstofustörf, reikningshald og skráningu nemanda. Henrik Knudsen, húsvörður, sér um daglegan rekstur og viðhald á húsnæði skólans. Og síðast en ekki síst, Inga Rut Sigurðardóttir, námsráðgjafi og kennslustjóri sem hefur umsjón með kennslumati, námsráðgjöf og alhliða stuðning við nemendur skólans.

Kynnum fleiri fagstjóra sem hefja störf hjá Kvikmyndaskólanum þetta haustið

Í kvöld verða sýndar í Bíó Paradís útskriftarmyndir nema í Kvikmyndaskóla Íslands sem ljúka námi nú í desember.

Haukur Heiðar Steingrímsson er einn þeirra og frumsýnir mynd sína DeNiro.

Myndin er um samræður milli para, Krístínar og Þorra. Þau eru að tala saman um kvikmyndir og þau eru ekki sammála í samtali sínu.

Haukur Heiðar segir að hugmyndina hafi hann fengið í upphafi annar þegar hann hafi verið að ræða við vini sína um kvikmyndir og þá vildi ég gera mynd um kvikmyndir.

Eina sem ég get sagt við það fólk sem vill að gera sína eigin mynd er að því er best að plana allt og undirbúa framleiðsluna vel fyrir tökur. Það munar svo miklu, sérstaklega ef þú vilt að gera flottan mynd en leiðbeinendurnir hjálpuðu mér gríðarlega við að yfirfæra hugmyndina  í mynd.

Áður en Haukur Heiðar kom í skólann reyndi hann fyrir sér við gerð mynda.

Við förum í mismunandi svið í deildinni Skapandi tækni í Kvikmyndaskólanum. Grundvallaratriði fyrir kvikmyndamyndatöku, klippingu, hljóðvinnslu og litaleiðréttingu og skapar alveg töluvert fyrir myndina. Eftir námið finn ég vel hvað ég vil gera í framtíðinni. Núna í dag, vil ég að vera klippari og ég stefni að því.

Nú vil ég verða klippari – Segir Haukur Heiðar eftir námið í Kvikmyndaskóla Íslands

Stefán Loftsson er umsjónamaður tækjaleigu Kvikmyndaskóla Íslands en eins stór hluti starfsmanna skólans er hann virkur þátttakandi í kvikmyndagerð á Íslandi

Nýlega var frumsýnd mynd sem Stefán gerði ásamt Hauki Sigvaldasyni og Maríu Jónsdóttur. Myndina kölluðu þau Brotið og fór frumsýningin fram á Umfjöllunarefni hennar eru  atburðir sem gerðust þann 9. apríl 1963. Mannskaðaveður gekk yfir Ísland þennan dag og 16 sjómenn fórust, þar af 7 frá Dalvík.

Afi minn og pabbi Hauks, Sigvaldi Stefánsson fórst ásamt bróður sínum í þessu veðri en María  er skólasystir Hauks og er frá Dalvík.  Haukur og María töluðu við mig árið 2012 en þá var planið að láta reisa minnisvarða við höfnina á Dalvík þann 9. apríl 2013. Einnig var María með hugmynd um að gera stutta heimildarmynd um atburðin og var fljótt byrjað að vinna handritið. Þegar við fórum svo að taka viðtölin áttuðum við okkur fljótt á því að við þyrftum að gera efninu betri skil og að lítil stuttmynd væri ekki nóg. Fjórum árum síðar var komin 70 mínútna mynd.

Þetta er fjórða heimildamyndin sem Stefán tekur þátt í að gera.

Ég skaut myndina og klippti hana ásamt því að vinna við handritið og sjá um framleiðslu.  Ég hef áður framleitt og skotið stuttmyndir og auglýsingar og hef ég verið að einbeita mér að því að klára að sýna Brotið áður en að ég dembi mér í næsta verkefni. Það eru nokkrar hugmyndir í gangi en ekkert sem að er komið í framleiðsluferli.

Í myndinni Brotið er fjallað um Dalvíkurbátana sem fórust í áður nefndu óveðri árið 1963.

Það er rætt við menn sem voru á sjó þennan dag sem og þá sem voru í landi að reyna að hafa samband við bátana. Einnig er farið í það hvernig þessir bátar voru búnir, hvaða aðgerðir var farið í til að reyna að aðstoða þá og svo er einnig rætt við ekkju og börn manna sem að fórust.

Myndinni var mjög vel tekið á frumsýningunni á Dalvík.

Fyrst vær ætlunin að sýna hana 3-4 sinnum en sýningarnar urðu 9 talsins og tvisvar þurfti að bæta við stólum svo að mannfjöldinn kæmist fyrir. Það verður svo haldið aftur norður í september og myndin sýnd í Ólafsfirði og hugsanlega víðar á norðurlandi og svo er áætlað að sýna hana hér fyrir sunnan eftir það.

Heimildamynd Stefáns Loftssonar frumsýnd á Dalvík

Niðurstöður leitar

Næst er það bransinn – Bjarni Svanur Friðsteinsson útkskrifast úr Skapandi tækni

Ný önn hafin hjá Kvikmyndaskólanum

Leiklistarnemar á söngtónleikum þóttu fara á kostum

Auglýst eftir deildarforsetum Kvikmyndaskóla Íslands

Spennandi dagskrá útskriftamynda hefst í Bíó paradís á morgun

Arcus Films fær veglegan styrk úr Jafnréttissjóði

Það er komið að útskriftum !

Kvikmyndaskólinn og Hjartasteinn – Margir útskrifaðir nemendur komu að gerð myndarinnar

Stefán Loftsson fór fyrir hönd Kvikmyndaskólans á IBC

Anton Smári Gunnarsson

Anna vann í Cannes

Guðný Rós og Baunir og Vítamín

Konni Gotta, útskrifaður frá Leiklist, leyfði okkur að forvitnast smá

Þórður Pálsson með stuttmynd í Palm Springs

Kynnum fleiri fagstjóra sem hefja störf hjá Kvikmyndaskólanum þetta haustið

Útskriftarbæklingur haustannar 2017

Nú vil ég verða klippari – Segir Haukur Heiðar eftir námið í Kvikmyndaskóla Íslands

Heimildamynd Stefáns Loftssonar frumsýnd á Dalvík

Námið

Flýtileiðir