Vonandi fannstu það sem þú varst að leita að

Verkefnalisti árið 2016 er áhrifamikill en það er ljóst að fáir geta státað af öðrum eins, enn undir þrítugu. Hún er ein af útskrifuðum nemendum Kvikmyndaskóla Íslands sem vinnur að fjölda verefna í íslensku kvikmyndalsenunni.

Það sem stendur helst uppúr á liðnu ári er að ég kláraði tökur á fyrstu bíómynd minni í fullri lengd, Týndu Stelpurnar og hélt fyrstu íslensku hryllingsmyndahátíðina Frostbiter. Hvort um sig var mjög krefjandi verkefni og mikil vinna en um leið ótrúlega skemmtilegt.Ég mun aldrei gleyma fyrstu Frostbiter hátíðini en þetta var lang skemmtilegasta hátíð sem ég hef farið á. Þó ég segi sjálf frá.

Segir Lovísa Lára um þetta viðburðaríka ár sitt en hátíðina Frostbiter var haldin á Akranesi í nóvember síðastliðnum og skipulagði hún hana ásamt eiginmanni sínum Ársæli Rafni Erlingssyni.

Árið 2016 hófst með látum hjá Lovísu Láru því mynd hennar Hrellir gerði það gott í New York í janúar.

Það var einnig ótrúlega gaman að fylgja stuttmyndinni minni Hrelli til New York á Winter Film Awards. Þar var myndin tilnefnd sem besta hrollvekjan.

Verkefnin sem Lovísa Lára hefur ráðist í á þessu ári hafa verið fjölbreytt. Hvernig ætli hafi gengið að samhæfa þessi fjölmörgu og ólíku verkefni?

Þetta hefur verið mjög erfitt. En ég vinn samt vel undir álagi og vil miklu frekar hafa of mikið að gera en of lítið. Ég þurfti bara að vera rosalega skipulögð og tilbúin að fórna frítíma mínum.

Lovísa Lára útskrifaðist úr deildinni Handrit/leikstjórn hjá Kvikmyndaskóla Íslands vorið 2014. Öllum ætti að fara að verða ljóst að hún er bæði hæfileikarík og dugleg er ljóst að hún ber einnig virðingu fyrir samstarfsfólki sín.

Það hjálpar mjög mikið að hafa grunnþekkingu á flestum hlutverkum í kvikmyndagerð í gegnum námið í Kvikmyndaskólanum. Ég er samt alltaf með fólk með mér í verkefnunum sem er klárara en ég en það er gott að hafa hugmynd um hvaða möguleika maður hefur.  En það er ekki hægt að segja mér að ég geti ekki gert eitthvað þegar ég veit að það er vel hægt.

Vinnan að myndinni Týndu stelpurnar er komin vel á veg og fleiri verkefni eru í burðarliðnum.

Við erum komin með fyrsta klipp á myndinni en tókum svo smá pásu til að melta þetta og halda kvikmyndahátíð og jól. Þetta er að koma út mikið betur en ég þorði að vona og við erum að vonast til þess að hún komi í bíó snemma 2017.Ég ætla að halda Frostbiter aftur á næsta ári og er mjög spennt fyrir því. Það eru nú þegar að týnast inn góðir dómar um hátíðina í fyrra á FilmFreeway og við erum að vonast til þess að hátíðin verður enn betri á þessu ári.Svo held ég áfram að vinna í heimildamynd minni um aukaleikara á Íslandi sem ég fékk styrk frá Kvikmyndamiðstöð fyrir.

Og eins og það allt saman sé ekki nóg er Lovísa Lára með handrit af mynd í fullri lengd í vinnslu og sjónvarpsþáttaröð í þróun ásamt Ólöfu Birnu Torfadóttir sem hún segir þó vera á byrjunarstigi. Við óskum þessari atorkusömu ungu kvikmyndagerðarkonu alls góðs á nýju ári og munum fylgjast spennt með verkefnum hennar.

Skipulögð og til í að fórna frítíma sínum – Verkefnalisti Lovísu Láru árið 2016 hefur verið langur

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Borgarljós” frá vorönn 2015

Stuttmyndin “Borgarljós” var útskriftarverkefni Ólafs Einars Ólafarsonar sem útskrifaðist úr Handrita- og leikstjórnardeild KVÍ á vorönn 2015

Í samtali við Ólaf Einar leikstjóra segir hann:

Fyrir utan að fá góða þekkingu á öllu sem tengist kvikmyndagerð hefur nám við Kvikmyndaskólann líklega nýst best á þann hátt að maður aflar sér gott tengslanet af fólki sem mun koma til með að vinna í flestum öngum bransans á Íslandi. Ég hef ekki reynslu af erlendum kvikmyndaskólum en að þessu leiti myndi ég segja að KVÍ sé líklega mun betri kostur ef ætlunin er að koma sér inn í bransann og vinna hérlendis. Nú starfa ég sjálfstætt með framleiðslufyrirtæki sem heitir Árheim ehf. Við höfðum tökur á stóru verkefni í september

Á fimmtudag í síðustu viku var þátturinn A Town, A Gangster, A Festival frumsýndur vestur í Bandaríkjunum en hann er hluti af þáttaröðinni Documentary Now.

Documentary now er Mockumentary þáttaröð þar sem viðfangsefnið er í raun uppspuni
Nýtt efni er í hverjum þætti og er það ekki tengt. Það eina sem tengir þáttina eru leikararnir Fred Armisen, Bill Hader og Seth Meyers. Þeir tveir fyrrnefndu leika, en allir þrír framleiða ásamt öðrum.

Segir Birgitta Björnsdóttir, kennari í Kvikmyndaskóla Íslands sem tók þátt í framleiðslu þáttanna.

Ég var production manager fyrir tökurnar á Íslandi, þeir tóku hluta af einum þætti á Íslandi – Nanuk of the North og svo heilann annan þátt – Al Capone Festival. Arnar Benjamín Kristjánsson, Einar Pétursson og Georg Erlingsson Merritt voru í teyminu alla tökudagana.

Arnar, Einar og Georg útskrifuðust úr Kvikmyndaskóla Íslands fyrir skömmu en þeir voru ekki einu útskriftarnemarnir sem komu að þessu skemmtilega verkefni.

Ég fékk með okkur Andra Halldórsson, Harald Óskarsson sem útskrifuðust í vor í nokkra daga. Svo voru nokkir úr skólanum sem komu inn í einn dag, þeir Þorlákur Bjarki, Gunnar Gunnarsson og Ingólfur Arnar.

Auk þeirra segir Birgitta að nokkrir aukaleikarar tekið þátt í Documentary Now.
Birgitta er annars nýkominn til landsins en hún eyddi síðustu dögum í Malmö í Svíþjóð til að fylgja eftir myndinni Þú og ég.

Ég var á stuttmyndahátíðinni Nordisk Panorama. Stuttmynd sem ég og Hlín framleiddum, Þú og ég var tilnefnd sem Besta norræna stuttmyndin en Ása Helga Hjörleifs sem kennir líka í skólanum leikstýrði henna.

Margir tengdir Kvikmyndaskólanum þátttakendur í Documentary Now

Heimsendir á leiðinni, tími til kominn að kíkja í leikhús!

Jón Már útskrifaðist af tæknibraut Kvikmyndaskóla Íslands árið 2010 og fékk strax spennandi starf að loknu náminu. Hann hefur nú starfað hjá Pegasus í um fimm ára skeið.

Ég hafði áður tekið listnámsbraut í Iðnskólanum og lærði Þrívíddarkvikun í Margmiðlunarskólanum. Ég átti mér alltaf skýrt markmið að fara í tæknibrellur og eftirvinnslu. Þannig gerði ég flest verkefni í KVÍ að krefjandi brelluverkefnum.

Tengsl Kvikmyndaskólans við atvinnulífið í kvikmyndagerð á Íslandi eru góð og naut Jón Már eins og aðrir nemendur góðs af því.

Ég var sendur til Pegasus í 3. daga starfskynningu á 3. Önn og ég er reyndar ennþá hjá Pegasus í brelluvinnu. Ég hef unnið þar að gerð ótal auglýsinga, í nokkrum bíómyndum og sjónvarpsseríum.

Frá útskrift hefur Jón Már einnig tekið að sér kvikmyndatökuverkefni og sjálfur staðið að gerð heimildarmynd.

Ég hef gegnt ýmsum stöðum í allskonar verkefnum. Ég hef ferðast mjög mikið um landið og er það einn besti bónusinn við þetta starf. Ég hef séð hvern krók og kima af þessu fagra landi okkar sem allir vilja mynda.

Það má með sanni segja að Jón Már hafi farið víða í tengslum við starf sitt en meðfylgjandi mynd sýnir  í litlu þorpi skammt frá Everest í Tíbet. Hér má einnig finna sýnishorn af vinnu hans.

Fór í starfsnám á námstímanum til Pegasus og er þar enn – Jón Már segir frá námi sinu í Tæknideild

Erlendur  Sveinson sem útskrifaðist veturinn 2010 úr leikstjórnar og framleiðsludeild Kvikmyndaskóla Íslands  stundar nú Mastersnám í leikstjórn við hinn virta Columbia University í New York og situr þar sannarlega ekki auðum  höndum.

Við fengum hann til að segja okkur frá því sem hann er að fást við þessa dagana

Ég er að klára annað árið mitt í Columbia og svo taka við Thesis árin þar sem nemendur hafa 1-3 ár í viðbót til að gera útskriftaverkefnið sitt sem getur verið handrit í fullri lengd eða útskriftarmynd.

Erlendi hefur tekist að fanga athygli sem handritshöfundur en það gerði hann reyndar strax snemma í náminu við Columbia. Áður hafði hann m.a. náð frábærum árangri með stuttmyndina Breathe á kvikmyndahátíðinni Urban Tv Festival í Madrid á Spáni. 

Á fyrsta árinu þurfa allir nemendur að leikstýra, skrifa og framleiða stuttmynd sem skotin er yfir sumartímann. Léa var fyrsta handritið sem ég skrifaði innan veggja skólans og sóttist vinur minn Connor Simpson eftir því að fá að leikstýra myndinni. Við skutum hana í NY seinasta sumar og ég var að skrifa alveg fram að fyrsta tökudag.

Myndin Lea hefur náð þeim frábæra árangri að vera valin til sýninga hjá Film School Shorts sem er verkefni á vegum og var hún einnig kynnt á 2016 Cinequest Film Festival. Eins og áður sagði er Erlendur hinsvegar með leikstjórn sem sitt aðalfag og þar er ýmislegt spennandi í vinnslu.

Ég er þessa stundina með þrjár stuttmyndir í eftirvinnslu þar á meðal myndina sem ég leikstýrði síðasttliðið sumar. Þar sem námið er gífurlega krefjandi hefur reynst erfitt að klára myndarnar og koma þeim frá sér. En góðir hlutir gerast hægt.

Og fleiri verkefni bíða Erlends Sveinsonar sem spennandi verður að fylgjast með.

Þessa stundina er ég að leggja lokahönd á handrit í fullri lengd, undirbý nokkur verkefni í sumar ásamt því að klára eftirvinnsluna á stuttmyndunum sem ég hlakka til að sýna.

Myndin Lea eftir handriti Erlends Sveinssonar valin til sýninga á Film School Shorts

Það er ávallt fagnaðarefni þegar fyrrum nemendur okkar takast á við skemmtileg verkefni og er óhætt að segja að leikritið “Medía” fellur undir það. Meðal þeirra sem fram koma eru nemendur frá Leiklistardeild Kvikmyndaskólans;  Andri Freyr Sigurpálsson, Birgir Egilsson, Sara Rut Arnardóttir, Sigmar Ingi Sigurgeirsson og Sigurður Traustason

Andri Freyr var okkur innan handar og fræddi okkur eilítið um verkið og vinnslu þess

Stúdentaleikhúsið setur leikritið “Medía” á fjalirnar

Söguborðsgerð, Bleikur dagur og svo mikið meir síðastliðna viku

Hlín Jóhannesdóttir, deildarforseti leikstjórnar/framleiðslu hefur um nokkuð skeið unnið að framleiðslu myndarinnar Bokeh á vegum fyrirtækisins Vintage Pictures.
Birgitta Björnsdóttir hefur unnið með Hlín í verkefniinu en þær eru samframleiðendur með erlendum aðilum. Einnig unnu fyrrum nemendur Kvikmyndaskólans við tökur myndarinnar en þar má nefna Arnar Benjamín Kristjánsson sem sinnti starfi “location manager”.

Tökurnar á Bokeh fóru fram í júní árið 2014 og er fyrirhugað að frumsýna hana í lok þessa eða byrjun næsta árs. Myndin er fyrsta mynd leikstjóranna tveggja og með aðalhlutverk fara Maika Monroe og Matt O’Leary – sem bæði teljast líkleg til velgengni og hafa þegar gert ágætis hluti vestan hafs.

Leikstjórarnir sem Hlín talar um eru Geoffrey Orthwein og Andrew Sullivan en Hlín segir að hér sé á ferðinni vísindaskáldskapur sem segi frá ungu pari sem er í Íslandsferð .

Parið vaknar einn daginn við að þau virðast vera einu manneskjurnar á svæðinu, landinu, jafnvel heiminum. Myndin er um það hvernig þau takast á við lífið og óvissuna í umhverfi sem þau þekkja varla.

Hlín og Birgitta tóku átt í framleiðslu á bandarísku myndinni Land Ho hér á landi árið 2013 og fylgdi vinnan að Bokeh í kjölfarið á þeirri góðu vinnu.

Framleiðendur þeirrar myndar bentu á Vintage Pictures sem vænlega samstarfsaðila. Okkur bauðst þannig verkefnið Bokeh og stukkum til .

Samstarfið segir Hlín hafa verið mjög ánægjulegt og má segja að ein mikilvægasta ástæðan fyrir því hafi verið hve gott og heilsteypt tökuliðið var. Mikið af tökufólkinu segir hún ekki einungis hafa verið frá Íslandi heldur hafi flestir einmitt verið útskrifaðir nemar úr Kvikmyndaskóla Íslands.

Við hjá Vintage Pictures nýtum okkur mjög vel allar kvikmyndaskólatengingar og höfum haft vakandi auga með því hvaða nemendur eru duglegir og áfjáðir í reynslu. Einn af okkar helstu bandamönnum er einmitt Arnar Benjamín Kristjánsson sem útskrifaðist úr deild leikstjórnar og framleiðslu árið 2012 en hann rekur fyrirtækið Fenrir Films ásamt félögum sínum úr skólanum.

Búast má við frumsýningu Bokeh öðru hvoru megin við næstu áramót og munum við sannarlega fylgjast spennt með því.

Hlín Jóhannesdóttir segir frá Bokeh sem frumsýnd verður um áramót

Klapptré greinir frá því að þessa dagana séu 27 íslenskar kvikmyndir sýndar  í borgunum Gdansk, Poznan og Varsjá í Póllandi.

Sýningar íslensku kvikmyndanna eru hluti af samvinnuverkefni Póllands og Íslands sem hlotið hefur heitið Ultima Thule – At the End of the World og vekur það athygli þegar listinn er skoðaður að margar þeirra eru eftir kennara Kvikmyndaskóla Íslands. Verkefnið hófst  í nóvember með sýningum pólskra kvikmynda hér á landi en nú  er um að ræða eftirfararndi íslenskar myndir og kvikmyndagerðarmenn:

Sódóma Reykjavík eftir Óskar Jónasson

Íslenski Draumurin og Maður Eins og Ég eftir Róbert Douglas

Kaldaljós eftir Hilmar Oddson, rektor Kvikmyndaskóla Íslands

Brim, þar sem Ottó Geir Borg var einn þriggja handritshöfunda

Á Annan Veg eftir Hafsteinn Gunnar Sigurðsson

Borgríki og Blóð Hraustra Manna en Hrafnkell Stefánsson (deildarforseti Handrit/Leikstjórn) var annar handritshöfunda

Fleiri kennarar skólans hafa einnig komið að þessum myndum en þar má nefna að Hlín Jóhannesdóttir (deildarforseti Leikstjórn/Framleiðsla) og Birgitta Björnsdóttir komu að gerð kvikmyndanna Brim og Eldfjalli.

Kvikmyndaskóli Íslands óskar umræddum kvikmyndagerðarmönnum til hamingju með sýningarnar í Póllandi.

Myndir eftir kennara Kvikmyndaskólans áberandi á hátíð í Póllandi

“PöbbaRödd” er opinn vettvangur til list kynningar á Akranesi og við ræddum við Ársæl Rafn

Nemendur á 1.önn hafa síðustu vikur unnið saman í hópum í lokaverkefni annarinnar og voru teknar skemmtilegar myndar meðan á tökum þess verkefnis stóð.

Einn nemandi úr hverri deild er ábyrgur fyrir sínu sérsviði í ferlinu og sameiginlega vinna þau svo að hugmynd sem þau þróa í handritavinnu og framleiðslu. Nemendur sinna svo sínu sérsviði á setti. Sigrún Gylfadóttir segir að verkefnið sé metnaðarfullt og að þarna sé á ferðinni fyrsta stóra kvikmyndaverkið sem þau gera í náminu.  Það er því strax ráðist í framkvæmdir í náminu í Kvikmyndaskóla Íslands og við bjóðum ykkur að njóta myndanna frá þessu skemmtilega verkefni.

Nemendur á fyrstu önn kljást við fyrsta kvikmyndaverkefnið – Myndir

Stockfish hátíðin hefst 23. febrúar en þar verður m.a. keppt um verðlaunin Shortfish 2017 fyrir bestu stuttmyndina.  Af þeim sex stuttmyndum sem valdar hafa verið til keppni eru fjórar myndir nemenda Kvikmyndaskóla Íslands.

Arnbjörn – Leikstjóri Eyþór Jóvinsson sem útskrifaðist úr Handritum/leikstjórn í desember síðastliðnum.

C-Vítamín – Leikstjóri Guðný Rós sem er nemandi í Leikjstjórn/framleiðslu.

Kalís Solitude – Leikstjóri er Guðjón Ragnarsson sem er nemandi í deild Handritum/leikstjórn en í teymi myndarinnar voru fleiri núverandi nemendur skólans. Aðrir nemendur úr KVÍ sem komu að gerð Kali´s Solitude eru Guðlaug Jónsdóttir (Handrit/leikstjórn), Jón Atli Magnússon (Skapandi tækni)  og Fanney Ósk Þórisdóttir (Leiklist) en myndin var lokaverkefni þeirra á 1.önn.

Vaka – Leikstjóri Teitur Magnússon sem einnig útskrifaðist nú í desember úr deildinni Handrit/leikstjórn.

Skólinn óskar þeim góðs gengis í keppninni og við fylgjumst spennt með útkomunni.

Fjórar af sex myndum sem keppa á Shortfish úr Kvikmyndaskóla Íslands

“Hverfandi leiðir” heitir nýtt leikrit sem nemendur á 3. önn í handritun og 2. Önn leiklistar hafa unnið með Árna Kristjánssyni og leikstjóranum Ágústu Skúladóttur, sem frumsýnt verður í Kópavogsleikhúsinu í kvöld.

Hvað gerist þegar 10 mjög ólíkar persónur eru lokaðar inni á hóteli úti á landi, í sóttkví, eftir að eiturgufa byrjar að leka úr verksmiðju í nágrenninu?  Það sem þið sjáið á sviðinu í kvöld er það eina mögulega sem gæti gerst í slíkum aðstæðum.

Svo segir um efni leikritsins í efniskrá kvöldsins en einnig er þar sköpunarferli sýningarinnar lýst á eftirfarandi hátt:

Í janúar 2017 leiðbeindi Árni Kristjánsson nemendum á 3. önn handritshöfuna og 2. önn í leiklist Kvikmyndaskóla Íslands á vikulöngu spuna- og leikritunarnámskeiði. Full innblæstri eftir þá stuttu viku skrifuðu handritshöfundar svo klukkustundar leikrit, hver sinn hluta, á örfáum dögum. Fjölmörgum vikum síðar hitti leikhópurinn svo leikstjórann Ágústu Skúladóttur sem af sinni alkunnu snilld sauð saman heila töfraveröld ásamt leikhópnum á 10 dögum. Við endurtökum, 10 dögum.

Sýningar verða í kvöld, föstudagskvöldið 12. maí  kl. 18 og 20.30 í Kópavogsleikhúsinu eins og áður segir en höfundar verksins voru Inga Óskarsdóttir Ísak Þór Ragnarsson, Kristján Gauti Emilsson og Ólafur Freyr Guðmundsson. Leikarar í sýningunni eru: Kristján Eldjárn Sveinsson, Sigríður Bára Steinþórsdóttir, Rannveig Elsa Magnúsdóttir, Arnar Hauksson, Vala Elfudóttir Steinsen, Sveinn Lárus Hjartarson, Guðsteinn Fannar Ellertsson, Þórhildur Kristín Lárentsínusardóttir og Kristbjörg Sigtryggsdóttir.

Hverfandi leiðir – Frumsýning í kvöld

Tveir nýir deildarforsetar hafa hafið störf við Kvikmyndaskóla Íslands. Þetta eru þau Jóna Finnsdóttir, fyrrv. framkvæmdastjóri LHÍ, sem nú veitir Deild 1, Leikstjórn/framleiðslu forstöðu og Jörundur Rafn Arnarson,  myndbrellumeistari, sem tekur við sem yfirmaður Deildar 2, Skapandi tækni.

Jóna og Jörundur eru sannarlega þekktar stærðir í íslenskri kvikmyndagerð, bæði reynsluboltar með víðtæka þekkingu og starfsreynslu.

Jóna Finnsdóttir hóf feril sinn hjá RÚV, þar sem hún vann við dagskrárgerð í tæpan áratug áður en hún fór til náms í framleiðslu kvikmynda í í Los Angeles.Síðar lauk Jóna MBA námi frá Háskólanum í Reykjavík.

Jóna rak kvikmyndafélagið Tónabíó, sem m.a. framleiddi myndirnar Tár úr steini og Sporlaust, en Jóna var aðalframleiðandi beggja myndanna. Hún hefur einnig starfað sem framleiðslu- og framkvæmdastjóri við fjöldann allan af kvikmyndum, stuttmyndum og heimildarmyndum, s.s. Ryð og Kaldaljós .

Jóna starfaði sem framkvæmdastjóri Listaháskóla Íslands frá stofnun hans árið 1999 til ársins 2013.

Nýlega var hún einn framleiðenda heimildarmyndarinnar Latínubóndans. Jóna rekur framleiðslufyrirtækiðog er með verkefni fyrir bíó og sjónvarp í undirbúningi.

Jörundur Rafn Arnarson hefur unnið við myndbrellur í kvikmyndum, sjónvarpsþáttum og auglýsingum í yfir 12 ár. Hann hefur starfað fyrir fyrirtæki á borð við og

Hann hefur unnið við kvikmyndaverkefni á Íslandi, í Englandi, Svíþjóð og Bandaríkjunum undanfarin 10 ár.

Meðal mynda sem Jörundur hefur unnið við eru:

Everest, Eiðurinn, Hjartasteinn, Game of Thrones, Fyrir framan annað fólk, Fúsi, Halo: Nightfall, Borgríki 2, Hross í oss, Ófeigur gengur aftur, XL, Djúpið, Contraband, Thor: Legends of Valhalla, Tinker Tailor Soldier Spy, Harry Potter and The Deadly Hallows, Part 2, Tyrannosaur, Rokland, Salt, Clash of the Titans, Where the Wild Things Are, The Good Heart, Réttur, Dagvaktin og

Jörundur fékk Edduverðlaun fyrir Bestu brellur í kvikmyndinni Hross í oss og var einnig tilnefndur sama ár fyrir brellur í kvikmyndinni Ófeigur gengur aftur.

Tveir nýir deildarforsetar ráðnir til Kvikmyndaskóla Íslands

Brú inní bransann er nýr og  spennandi samstarfssamningur sem Kvikmyndaskóli Íslands hefur gert við helstu framleiðslufyrirtæki landsins.

Nafnið er ekki úr lausu lofti gripið því samstarfið er hugsað sem leið  fyrir útskrifaða nemendur KVÍ að launuðu starfi til lengri eða skemmri tíma og er gert ráð fyrir að sá tími verði á bilinu þrír til tólf mánuðir.

Þegar er búið að gera starfsþjálfunarsamning við fyrirtækin ogen einnig er samningur við á lokastigi. Þau störf sem eru í boði eru breytileg og í samræmi við verkefnin sem fyrirtækin fást við hverju sinni. Stöðurnar verða auglýstar í lok hverrar annar og er stefnt að því að senda úrvalsnemendur í þessa starfsþjálfun.

Samningurinn getur nýst vel sem kraftmikið afl inní kvikmyndafyrirtækin og sjónvarpsstöðvarnar en ekki síður sem brú inní bransann fyrir nýútskrifaða  nemendur KVÍ.

Sigrún Gylfadóttir, tengslafulltrúi nemenda leiðir verkefnið af hálfu KVÍ og munu nokkrar stöður verða í boði nú strax eftir áramót.

Brú inní bransann – nýr spennandi samstarfssamningur

Samstarfssamningur Kvikmyndaskóla Íslands við framleiðslufyrirtæki, Brú inní bransann, hefur þegar vakið athygli síðan tilkynnt var um hann á þriðjudag.

Ætla má að framtakið muni veita nemendum kjörið tækifæri til að fóta sig í íslenskri kvikmyndagerð. Eins og fram hefur komið er það nýr  kynningar- og framleiðslustjóri skólans,  Sigrún Gylfadóttir sem leiðir verkefnið og fengum við hana til að ræða við okkur um tilgang þess og markmið.

Tilgangurinn er að gera starfsþjálfunarsamninga við framleiðslufyrirtækin og sjónvarpsstöðvarnar. Við gefum útskrifuðum nemendum okkar þannig fyrsta tækifærið til að vinna við kvikmyndagerð með fagfólki og öðlast reynslu en án hennar ná þeir ekki að vaxa og dafna í greininni.

Samningurinn hefur verið í smíðum um skeið en það liggur beint við að spyrja Sigrúnu hvernig skólarnir og fyrirtækin hafi í hyggju að byggja umrædda brú?

Við framkvæmum þetta með því að vera í góðu samstafi við þessi kvikmyndafyrirtæki og sjónvarpsstöðvar og ekki síður með því að virkja  fólkið okkar til krefjandi starfa á sviði kvikmkyndagerðar, fyrirtækjunum og bransanum til heilla.

Sigrún bætir við að um sé að ræða 3-12 mánaða starfsþjálfunarsamninga en lengd þeirra er háð verkefnunum sem fyrirtækin eru með í vinnslu hverju sinni.

Hugsunin er að nemendur fái svo jafnvel störf í framhaldinu innan fyrirtækjanna ef þeir standa sig vel. Við munum fylgja þessu eftir af bestu getu og halda þessari brú gangandi eins og þörf er á.

Sigrún segir að um sé að ræða algjöra nýjung í samstarfi skólans við atvinnulífið en skólinn hefur áður lagt áherslu á mikilvægi þess að aðstoða nemendur á leiðinni út í fagið,  t.d. með vefsíðunni casting.is sem hefur verið starfrækt fyrir útskrifaða leikara skólans.

Við höfum verið að þróa þetta í nokkurn tíma og bindum miklar vonir við verkefnið í framtíðinni. Við höfum verið með styttri námskeið í starfsþjálfun á námstímanum  en þessi leið nú er viðbót. Hugmyndin er að styðja við nemendur sem eru að standa sig vel í náminu og búa til þessa brú inní bransann sem einskonar atvinnumiðlun.Við tökum slagorð okkar alvarlega, “við búum til stjörnur”, og þess vegna viljum við raunverulega styðja við bakið á útskrifuðum nemendum. Þeirra sigrar eru grundvöllur okkar sigra.

Við á kvikmyndaskoli.is munum að sjálfsögðu leyfa ykkur að fylgjast áfram með þróun verkefnisins og kappkosta að færa ykkur fréttir af þeim nemendum sem hafa náð árangri í starfi gegnum það.

Virkjum fólk til krefjandi starfa, bransanum til heilla – Sigrún Gylfadóttir um Brú inní bransann

Niðurstöður leitar