Hlín Jóhannesdóttir, deildarforseti leikstjórnar/framleiðslu hefur um nokkuð skeið unnið að framleiðslu myndarinnar Bokeh á vegum fyrirtækisins Vintage Pictures.
Birgitta Björnsdóttir hefur unnið með Hlín í verkefniinu en þær eru samframleiðendur með erlendum aðilum. Einnig unnu fyrrum nemendur Kvikmyndaskólans við tökur myndarinnar en þar má nefna Arnar Benjamín Kristjánsson sem sinnti starfi “location manager”.

Tökurnar á Bokeh fóru fram í júní árið 2014 og er fyrirhugað að frumsýna hana í lok þessa eða byrjun næsta árs. Myndin er fyrsta mynd leikstjóranna tveggja og með aðalhlutverk fara Maika Monroe og Matt O’Leary – sem bæði teljast líkleg til velgengni og hafa þegar gert ágætis hluti vestan hafs.

Leikstjórarnir sem Hlín talar um eru Geoffrey Orthwein og Andrew Sullivan en Hlín segir að hér sé á ferðinni vísindaskáldskapur sem segi frá ungu pari sem er í Íslandsferð .

Parið vaknar einn daginn við að þau virðast vera einu manneskjurnar á svæðinu, landinu, jafnvel heiminum. Myndin er um það hvernig þau takast á við lífið og óvissuna í umhverfi sem þau þekkja varla.

Hlín og Birgitta tóku átt í framleiðslu á bandarísku myndinni Land Ho hér á landi árið 2013 og fylgdi vinnan að Bokeh í kjölfarið á þeirri góðu vinnu.

Framleiðendur þeirrar myndar bentu á Vintage Pictures sem vænlega samstarfsaðila. Okkur bauðst þannig verkefnið Bokeh og stukkum til .

Samstarfið segir Hlín hafa verið mjög ánægjulegt og má segja að ein mikilvægasta ástæðan fyrir því hafi verið hve gott og heilsteypt tökuliðið var. Mikið af tökufólkinu segir hún ekki einungis hafa verið frá Íslandi heldur hafi flestir einmitt verið útskrifaðir nemar úr Kvikmyndaskóla Íslands.

Við hjá Vintage Pictures nýtum okkur mjög vel allar kvikmyndaskólatengingar og höfum haft vakandi auga með því hvaða nemendur eru duglegir og áfjáðir í reynslu. Einn af okkar helstu bandamönnum er einmitt Arnar Benjamín Kristjánsson sem útskrifaðist úr deild leikstjórnar og framleiðslu árið 2012 en hann rekur fyrirtækið Fenrir Films ásamt félögum sínum úr skólanum.

Búast má við frumsýningu Bokeh öðru hvoru megin við næstu áramót og munum við sannarlega fylgjast spennt með því.

Hlín Jóhannesdóttir segir frá Bokeh sem frumsýnd verður um áramót

Bylgja Balýlons stendur í ströngu þessa dagana. Hún ferðast heimshornanna á milli en hún er m.a. þátttakandi í keppninni Jokenation sem stendur þessa dagana þar sem leitað er heimsins besta uppistandara og er haldið af Montreux Comedy.

Nei, ég hef ekki sent vidjó í svona áður, gerði það fyrir svona mánuði og var satt best að segja löngu búin að gleyma því þar til í dag að ég komst að því fyrir tilviljun að ég hefði komist áfram og að það væri búið að vera opið fyrir kosninguna síðan 1. október.

segir Bylgja um uppátækið og bætir við hlæjandi að svona sé það nú að vera með athyglisbrest en leikkonan, sem er útskrifuð úr Kvikmyndaskóla Íslands hefur sannarlega verið á ferð og flugi síðustu vikur.

Ég var að klára túr með “comedy estonia” sem var fjögurra daga langur um Eistland, Lettland og Finnland. Þaðan fór ég svo beint til London þar sem ég og Snjólaug, sem er líka uppistandari ætlum að taka þátt í fullt af “open mic” kvöldum og einnig kvöldum sem okkur var boðið á eftir að hafa sent inn myndbönd til yfirskoðunar “smile emoticon”.

Bylgja er enn stödd í London en hún segir leiklistarnámið vera frábæran undirbúning fyrir uppistandið. En hvernig er þessi flækingur milli landa; er ekki skopskin Englendinga og íbúa Eystrasalts nokkuð ólíkt?

Það eina sem breytist raunverulega í dagskránni milli landa eru staðarheiti og svona “lókal” einkahúmor sem maður verður að vinna með en annars er það eins í öllum löndum, fólk sem kemur á uppistönd kemur til að hlæja og flestir geta hlegið að kúka og blæðingabröndurum

Atriði Bylgju í Jokenation er bráðfyndið og hvetjum við ykkur til að horfa, hlæja og kjósa hana í hvelli.

Bylgja Babýlons: Leiklistin góður undirbúningur fyrir uppistand

Black Magic Design hefur fært Kvikmyndaskóla Íslands veglega gjöf en um erað ræða tvær nýjar upptökuvélar.
Vélarnar sem um ræðir eru af gerðinni Blackmagic URSA 4K Digital Cinema Camera – PL Mount. Vélarnar taka upp 4K efni og segja tæknisérfræðinga skólans þær vera mikilvæga viðbót við tækjakost skólans.
Kvikmyndaskóli Íslands þakkar Black Magic Design fyrir höfðinglega gjöf.

3840 x 2160p Global Shutter CMOS Sensor12 Stops of Dynamic Range10.1″, 1080p Flip-Out LCD ScreenDual 5″ Touchscreens for Menu AccessRecords CinemaDNG RAW and Pro Res 422 HQ12G-SDI Output for 10-Bit 4:2:2 4K2x XLR Audio Inputs with Phantom PowerAluminum Frame with 3/8″-16 MountingLANC Port for START/STOP, Iris, FocusDual CFast 2.0 Card Slots

Höfðingleg gjöf frá Black Magic Design til Kvikmyndaskólans

Í ágúst síðastliðnum sóttu sextán stúlkur framhaldsskólaaldri námskeiðið Stelpur Skjóta en það var haldið á vegum WIFT í samstarfi við Kvikmyndaskóla Íslands og 

Á tveimur vikum lærðu þær handritsgerð, framleiðslu, kvikmyndatöku, leikstjórn og klipp en að því búnu unnu þær nokkrar stuttmyndir. Á laugardag kl.14 verður afraksturinn sýndur í Norræna húsinu, alls sex frábærar stuttmyndir eftir upprennandi kvikmyndagerðarkonur landsins.

Ása Helga Hjöleifsdóttir, leikstjóri og handritshöfundur varð fyrir svörum hjá okkur þegar við vildum vita hvort þau hjá WIFT teldu sig hafa náð tilætluðum árangri með námskeiðinu?

Já svo sannarlega! Stelpur segja oftar en ekki aðeins öðruvísi frá en strákar, og það var virkilega gaman að sjá þeirra raddir blómstra á námskeiðinu. Handritin eru gjarnan með fleiri kvenpersónum, og sjónarhornið – sjónarhorn ungra kvenna – er eitthvað sem við sjáum allt of lítið af í kvikmyndagerð dagsins í dag.

Ása Helga segir stúlkurnar sjálfar hafa haft á því orð að þær sæju eiginlega aldrei stuttmyndir eftir stelpur á sínum aldri.

Það var því alveg ótrúlega gaman að sjá hvernig þessar sex áhugaverðu myndir urðu til, og hvernig stelpurnar – sem margar hverjar voru að prófa að skrifa, leikstýra og klippa í fyrsta sinn – voru í lok námskeiðsins búnar að taka þvílíkt stökk áfram í því að tjá sig í gegnum þennan miðil. Annað sem var áhugavert var að í upphafi námskeiðsins sögðu margar að þær skorti félagsskap í þessu áhugamáli sínu; að þær þráðu að kynnast öðrum stelpum sem hafa áhuga á kvikmyndagerð.

Segir Ása að það hafi einmitt myndast sterk tengsl á milli stúlknanna sem tóku þátt í námskeiðinu og vonar hún að þær haldi áfram að gera myndir saman og finna stuðning hvor af annari.
Og má þá ekki fastlega búast við að WIFT haldi áfram með framtakið?

Jú, hiklaust. Stelpur Skjóta er komið til að vera. Strax í vetur munum við bjóða uppá annað námskeið. Þá verðum við reyndar eingöngu í handritaskrifum þar sem stelpur geta virkilega unnið vel og vandlega í handriti yfir dágóðan tíma og næsta sumar verður námskeiðið svo haldið aftur í svipaðri mynd og núna síðast, með töku, leikstjórn og klippi og öllum pakkanum.

Ása Helga vill hvetja fólk til að fylgjast með facebook síðu Stelpur skjóta, (www.facebook.com/stuttmyndanamskeid) þar sem námskeiðin verða auglýst.
Hún bætir við að skoðaðar hafi verið fleiri leiðir til að auka þátttöku stúlkna í kvikmyndagerð framtíðarinnar.

Þetta er náttúrulega mál málanna akkúrat núna, sem er frábært, og það eru margir í svipuðum pælingum. Stelpur Filma er til dæmis sambærilegt átak á vegum RIFF fyrir stelpur á grunnskólaaldri, svo og tónlistarmyndbandabúðir Stelpur Rokka. Eflaust er til margt fleira. Maður finnur allavega fyrir miklum meðbyr með þessari vinnu okkar.

Stelpur skjóta – Uppskeruhátið samstarfsverkefnis Kvikmyndaskólans við WIFT og RIFF

Hóflegur fjöldi áhorfenda hefur fyllt bekkina í Tjarnarbíói síðustu daga þar sem RIFF hefur verið með sýningar á áhugaverðum kvikmyndir frá opnunardegi á fimmtudag.

Í kvöld horfir hinsvegar öðruvísi við því bíóið er fullt. Það er stuttmyndahluti hátíðarinnar sem trekkir að áhorfendur en alls tengjast sex af átta myndum sem sýndar verða í kvöld Kvikmyndaskóla Íslands.

Við erum að sjálfsögðu okkar fulltrúa á staðnum sem færir okkur fréttir af gangi mála.

Fullt hús í Tjarnarbíói á stuttmyndahluta RIFF – Kvikmyndaskólinn stórtækur í kvöld

Í gær heimsótti hópur norður-evrópskra kvikmyndaskólanema á aldrinum 20 -30 ára Kvikmyndaskóla Íslands og tók þátt í vinnustofu með íslensku nemendunum.

Flestir gestanna í gær eru nemendur úr kvikmyndaskólum í Finnlandi, Danmörku, Póllandi, Eistlandi og Svíþjóð. Hópurinn skoðaði Kvikmyndaskólann og átti síðan fund með nemendum hans þar sem nám í hinum ólíku kvikmyndaskólum var skeggrætt.
Hópurinn að utan tilheyrir verkefninu Young Nordic Talents og er hér í tengslum við RIFF.

Þetta er eins konar vinnustofa þar sem hópurinn kynnir sér m.a. íslenska kvikmyndagerð, vinnur saman verkefni og ber saman bækur sínar. Það var bæði skemmtilegt og fróðlegt að taka móti þessum hópi skapandi ungs fólks.

segir Hilmar Oddson, rektor Kvikmyndaskóla Íslands eftir þessa skemmtilegu heimsókn erlendu gestanna í gær.

Young Nordic Talents heimsækja KVÍ í tengslum við RIFF

Á fimmtudag í síðustu viku var þátturinn A Town, A Gangster, A Festival frumsýndur vestur í Bandaríkjunum en hann er hluti af þáttaröðinni Documentary Now.

Documentary now er Mockumentary þáttaröð þar sem viðfangsefnið er í raun uppspuni
Nýtt efni er í hverjum þætti og er það ekki tengt. Það eina sem tengir þáttina eru leikararnir Fred Armisen, Bill Hader og Seth Meyers. Þeir tveir fyrrnefndu leika, en allir þrír framleiða ásamt öðrum.

Segir Birgitta Björnsdóttir, kennari í Kvikmyndaskóla Íslands sem tók þátt í framleiðslu þáttanna.

Ég var production manager fyrir tökurnar á Íslandi, þeir tóku hluta af einum þætti á Íslandi – Nanuk of the North og svo heilann annan þátt – Al Capone Festival. Arnar Benjamín Kristjánsson, Einar Pétursson og Georg Erlingsson Merritt voru í teyminu alla tökudagana.

Arnar, Einar og Georg útskrifuðust úr Kvikmyndaskóla Íslands fyrir skömmu en þeir voru ekki einu útskriftarnemarnir sem komu að þessu skemmtilega verkefni.

Ég fékk með okkur Andra Halldórsson, Harald Óskarsson sem útskrifuðust í vor í nokkra daga. Svo voru nokkir úr skólanum sem komu inn í einn dag, þeir Þorlákur Bjarki, Gunnar Gunnarsson og Ingólfur Arnar.

Auk þeirra segir Birgitta að nokkrir aukaleikarar tekið þátt í Documentary Now.
Birgitta er annars nýkominn til landsins en hún eyddi síðustu dögum í Malmö í Svíþjóð til að fylgja eftir myndinni Þú og ég.

Ég var á stuttmyndahátíðinni Nordisk Panorama. Stuttmynd sem ég og Hlín framleiddum, Þú og ég var tilnefnd sem Besta norræna stuttmyndin en Ása Helga Hjörleifs sem kennir líka í skólanum leikstýrði henna.

Margir tengdir Kvikmyndaskólanum þátttakendur í Documentary Now

Norræna stuttmyndahátíðin Nordisk panorama stendur nú yfir í Malmö í Svíþjóð en þar á Kvikmyndaskóli Íslands nokkra kennara sem fulltrúa í ár.
Raunar lýkur hátíðinni á morgun í keppni hátíðarinnar er að finna myndina Þú og ég eftir Ásu Hjörleifsdóttur en með henna fór einnig til að fylgja eftir myndinni Birgitta Björnsdóttir en hún mun taka þátt í Nordic Short Film Meet Up.
Á hátíðinni verða einnig til sýninga myndirnar Kjötborg eftir Helgu Rakel Rafnsdóttur
og Skröltormar eftir Hafstein Gunnar Sigurðsson.
Þess má að lokum geta að leikstjórinn Ísold Uggadóttir er enn einn gestur hátíðarinnar sem tengist Kvikmyndaskólanum en hún tekur þátt í My Dinner With – viðburðinum. Ísold hefur verið kennari við skólann á síðustu árum.

Kennarar Kvikmyndskólans á Nordisk Panorama

Af þeim 16 stuttmyndum, sem sýndar verða og keppa um sérstök verðlaun á RIFF sem heiðra munu minningu Thors Vilhjálmssonar rithöfundar, voru 6 framleiddar í Kvikmyndaskóla Íslands.
Valið á myndunum er ætlað að kynna til leiks unga kynslóð kvikmyndagerðarfólks sem á framtíðina fyrir sér en alls eru sjö myndir frá nemendum skólans. Þórður Pálsson sem er útskrifaður nemandi úr Kvikmyndaskólanum á sjöundu myndina sem tengist Kvikmyndaskóla Íslands en hún var meistaraverkefni hans úr The National Film and Television School síðastliðið vor.
Myndirnar sem framleiddar voru í Kvikmyndaskóla Íslands eru: Acedia / Spegilmynd eftir  Erlu Hrund Halldórsdóttur, Hey Dad – been a long time / Hæ Pabbi – þótt við þekkjumst ekki neitt eftir Hauk Karlsson, Pattern / Mynstur eftir Valdimar Kúld, Echo / Bergmál Atla Þór Einarsson, Unfolded / Rof eftir Kristínu Ísabellu Karlsdóttur og The Catman / Kattarmaðurinn eftir Barða Guðmundsson.
Við óskum þeim öllum hjartanlega til hamingju með heiðurinn og fylgjumst spennt með framhaldinu en RIFF hefst næstkomandi fimmtudag.

Sjö af sextán stuttmyndum sem keppa á RIFF frá Kvikmyndaskólanum

Fréttir Í fréttum var það helst