Á aðeins 2 mánuðum hafa 84 myndir verið framleiddar í Kvikmyndaskólanum
Kvikmyndaskóli Íslands (KVÍ) er stærsta framleiðslufyrirtæki landsins með yfir hundrað nemendur sem sinna listagyðjunni á hverjum einasta degi
![](https://images.prismic.io/kvikmyndaskolinn/5d7117ca-3833-4e3a-9e60-2933d07d9ed8_Tokur+V.jpeg?auto=compress%2Cformat&w=850&h=567)
Á hverju ári framleiðir KVÍ yfir þúsund mínútur af gæðaefni frá efnilegustu kvikmyndaskáldum landsins undir leiðsögn bestu kvikmyndagerðarmanna iðnaðarins.
![](https://images.prismic.io/kvikmyndaskolinn/5f309257-2634-46fa-b9dd-f4811bac5bd4_Tokur+I.jpeg?auto=compress%2Cformat&w=850&h=567)
Á venjulegu ári fylla útskrifaðir nemendur úr KVÍ allt að 30% starfsheita í kreditlistum íslenskra bíómynda. Niðurstöður kannana hafa sýnt að 96% nemenda spreyta sig í faginu að námi loknu og um 40% þeirra sem útskrifast fá strax störf og vinna allan tímann við kvikmyndagerð að námi loknu.
![](https://images.prismic.io/kvikmyndaskolinn/1c06b06a-cbfe-412d-b7f4-48caaafa2ec4_Tokur+.jpeg?auto=compress%2Cformat&w=850&h=567)
![](https://images.prismic.io/kvikmyndaskolinn/9963f0cd-d82b-463d-b3b8-5bcfe4e9fee5_Tokur+II.jpeg?auto=compress%2Cformat&w=850&h=567)
Núna í lok október, aðeins tveimur mánuðum eftir að nemendur og kennarar tóku til starfa á haustönn skólans 2022, voru þau búin að framleiða og frumsýna 84 myndir. Þar af höfðu sex myndir verið framleiddar í alþjóðlegu deild skólans (IFS) en þar stundar nám ungt fólk frá hinum ýmsu löndum eins og til dæmis Kína, Mexíkó, Svíþjóð, Hong Kong, Nepal og Indlandi.
![](https://images.prismic.io/kvikmyndaskolinn/3bfb2d04-be4e-4a79-9235-f98b5aee1f1e_Tokur+IV.jpeg?auto=compress%2Cformat&w=850&h=1275)
Tuttugu og sjö myndir hafa verið framleiddar í kúrsinum Myndmál og meðferð þess (MYN), fjörutíu myndir í Tæki og tækni 107 (TÆK), ellefu myndir í Tæki og tækni 2 (TÆK), fjórar í kúrsinum Tónlistarmyndbönd (TON), ein í kúrsinum Auglýsingar (AUG), ein í kúrsinum Listasaga (LIS) og ein í kúrsinum Tilraun 102 (TIL).
![](https://images.prismic.io/kvikmyndaskolinn/299de08c-ca1b-4ab4-87be-09706daff3a2_Tokur+VI.jpeg?auto=compress%2Cformat&w=850&h=567)