Kvikmyndaskóli Íslands

Hilmar Oddsson kvikmyndaleikstjóri hefur verið ráðinn rektor Kvikmyndaskóla Íslands. Hilmar lauk námi í kvikmyndaleikstjórn frá kvikmyndaháskólanum í München árið 1986 og hefur síðan þá verið einn mikilvirkasti kvikmyndagerðarmaður Íslendinga. Hann hefur leikstýrt fimm bíómyndum í fullri lengd, og fjölda leikinna sjónvarpsmynda, heimildarmynda, skemmtiþátta og stuttmynda. Hilmar hefur auk þess áralanga kennslureynslu í kvikmyndagerð og leiklist bæði hjá Kvikmyndaskólanum, Listaháskólanum og víðar. Hilmar tekur við af Böðvari Bjarka Péturssyni sem sinnt hefur starfi rektors undanfarin tvö ár, sem starfandi stjórnarformaður skólans.

til baka